9 лютага ў Празе (Чэхія) завяршылася першая частка еўрапейскага кантынентальнага этапу Сіноду Біскупаў на тэму сінадальнасці ў Касцеле, у якой узялі ўдзел 156 дэлегатаў з еўрапейскіх епіскапатаў і 44 госці, запрошаныя Радай Канферэнцыяй Біскупаў Еўропы.

Дэлегаты ад Канферэнцыі Каталіцкіх Біскпаў у Беларусі на Еўрапейскай асамблеі Сіноду Біскупаў біскуп Аляксандр Яшэўскі SDB і ксёндз Віктар Гайдукевіч SDB падзяліліся з Catholic.by сваімі ўражаннямі пасля завяршэння першага этапу сустрэчы ў Празе.

*8.02.1893 --- +6.01.1943

6 студзеня 2023 году споўняецца 80 гадоў з дня мучаніцкай смерці айца Антона Неманцэвіча, Апостальскага экзарха беларускіх грэка-католікаў.

6 лютага, у першы працоўны дзень Еўрапейскай асамблеі Сіноду Біскупаў на тэму сінадальнасці, якая ў гэтыя дні праходзіць у Празе (Чэхія), выступіў прадстаўнік Канферэнцыі Каталіцкіх Біскупаў у Беларусі біскуп Аляксандр Яшэўскі SDB.

У сваёй прамове Старшыня Сінадальнай камісіі пры ККББ зазначыў тэмы, якія знаходзяць найбольшы водгук у Касцёле ў нашай краіне. Тэзісы яго выступу былі сфармуляваныя ў выніку сумеснай працы усіх біскупаў Канферэнцыі Каталіцкіх Біскупаў у Беларусі, якія перадусім сцвердзілі, што супольнасць Касцёла ў нашай краіне, як і іншыя партыкулярныя Касцёлы, з вялікай радасцю прыняла ініцыятыву Папы Францішка склікаць Сінод на тэму сінадальнасці, што праходзіць у тры этапы: дыяцэзіяльны, кантынентальны і паўсюдны.

5 лютага завяршылася Апостальскае падарожжа Папы Францішка ў Афрыку, у межах якога Святы Айцец наведаў дзве краіны: Дэмакратычную Рэспубліку Конга і Паўднёвы Судан.

У нядзелю апоўдні на самалёце Папа вярнуўся з Джубы ў Рым, завяршыўшы сваё 40-е замежнае падарожжа.

3 лютага Папа Францішак завяршыў свой візіт у Дэмакратычную Рэспубліку Конга, дзе ён знаходзіўся з 31 студзеня ў межах Апостальскага візіту ў дзве афрыканскія краіны.

Як паведаміла Беларуская рэдакцыя парталу Vatican News, раніцай самалёт з Пантыфікам на борце вылецеў з аэрапорта Нджылі ў Кіншасе ў сталіцу Паўднёвага Судана Джубу. Святога Айца праводзіў прэзідэнт ДРК Фэлікс Чысекедзі, афіцыйныя асобы і мясцовыя біскупы. Перад вылетам Папа развітаўся з прадстаўнікамі ўлад і духавенствам.

У сеціве распачаў працу сайт, створаны спецыяльна для асвятлення пасяджэння Еўрапейскай асамблеі Кантынентальнага этапу Сіноду Біскупаў, якая пройдзе ў сталіцы Чэхіі Празе з 5 па 9 лютага.

Сайт prague.synod2023.org, які з’яўляецца афіцыйнай крыніцай інфармавання грамадскасці пра падзеі Еўрапейскай асамблеі Сіноду, даступны на англійскай і італьянскай мовах. Як паведамляецца на партале Рады Канферэнцый Біскупаў Еўропы ccee.eu, на новаствораным рэсурсе можна знайсці абноўленую праграму сустрэчы і іншую актуальную інфармацыю адносна Еўрапейскай асамблеі Сіноду. Сайт паступова дапаўняецца новымі матэрыяламі.

У грэка-каталіцкіх парафіях і супольнасцях у Беларусі традыцыйны Дзень падзякі і малітвы за дабрачынцаў БГКЦ. 

"Падзячнай малітвай абдымаем усіх: 

Біскупаў, святароў, дыяканаў, семінарыстаў, 

манахаў і манахіняў, спевакоў (харыстаў), панамароў, катэхізатараў, валянцёраў... 

усіх вернікаў і сяброў, хто добрымі справамі і словамі падтрымлівае нашае сведчанне Евангелля ў Беларусі" 

- сказаў архім. Сяргей у час Боскай Літургіі ў храме душпастырскага Цэнтра св. Язэпа ў Мінску, 2.02.2023. 

Час святочнай малітвы працягваецца да 9 лютага (аддання Свята) - далучыцца можа кожны.

У трыццаты дзень пасля смерці Бэнэдыкта XVI Ватыканская пошта выпусціла спецыяльную марку ў памяць пра яго.

Выпуск паштовага знака стаў выразам удзячнасці памерламу, - гаворыцца на сайце структуры. Тут гучыць спасылка на словы Бэнэдыкта XVI, якія прагучалі на агульнай аўдыенцыі 19 снежня 2012 года: “Але менавіта той, хто, як Марыя, цалкам адкрыты да Бога, прыходзіць прыняць Божую волю, нават калі яна таямнічая, нават калі яна часта не адпавядае яго волі і з'яўляецца мячом, што пранізвае душу, як прароча скажа Марыі стары Сімяон у той момант, калі Езуса ахвяруюць у святыні”.

25 студзеня, у апошні дзень Тыдня малітваў аб адзінстве хрысціянаў, у катэдральным касцёле св. Францішка Ксаверыя ў Гродне адбылося экуменічнае набажэнства з удзелам прадстаўнікоў розных хрысціянскіх канфесій горада над Нёманам.

У малітве, якую ўзначаліў біскуп Гродзенскі Аляксандр Кашкевіч, удзельнічалі прадстаўнікі Рыма-Каталіцкага Касцёла, Грэка-Каталіцкай i Праваслаўнай Цэркваў, Евангелічна-лютэранскай супольнасці, Царквы поўнага Евангелля “Жывое Слова”, вернікі розных канфесій.

У нядзелю Божага Слова, 22 студзеня 2023 г., падчас Тыдня малітваў за еднасць хрысціянаў, грэка-каталіцкую царкву св. братоў-апосталаў Пятра і Андрэя ў Берасці наведалі прадстаўнікі міжканфесійнай рэлігійнай арганізацыі «Гедэонавы браты». Яны прысутнічалі на літургіі і разам з грэка-католікамі памаліліся «Ойча наш».

Пасля набажэнства прадстаўнік гэтай міжнароднай хрысціянскай арганізацыі, якая займаецца бясплатным распаўсюджаннем Бібліі па ўсім свеце, расказаў пра місію «Гедэонавых братоў» і падараваў прысутным вернікам і ўсёй парафіі розныя біблійныя выданні.