Папа прызначыў арцыбіскупа Клаўдыё Гуджэроці, прэфекта Дыкастэрыі па справах Усходніх Касцёлаў, сваім спецыяльны пасланнікам на ўрачыстасці 25-годдзя каранацыі абраза Маці Божай Будслаўскай.

 

Урачыстасці ў гонар Маці Божай Будслаўскай адбудуцца з 30 чэрвеня па 1 ліпеня 2023 года.

 

Арцыбіскуп Гуджэроці не аднойчы наведваў Будслаў падчас свайго служэння ў якасці Апостальскага нунцыя ў Беларусі. Падчас святой Імшы ў беларускім Нацыянальным марыйным санктуарыі, якую цэлебраваў падчас урачыстасцей у ліпені 2015 года, ён заўважыў, што ў гэтым месцы Маці Божая чакае ўвесь народ.

Першая палова другога дня Апостальскага падарожжа Папы Францішка ў Венгрыю завяршылася наведваньнем грэка-каталіцкай царквы Покрыва Найсьвяцейшай Багародзіцы ў Будапешце.

Пасьля сустрэчы з беднымі і бежанцамі, якая адбылася ў касьцёле сьвятой Альжбеты Вянгерскай у Будапешце, Папа Францішак наведаў суседні грэка-каталіцкі храм, дзе адбылася яго кароткая сустрэча з супольнасьцю Вянгерскай Грэка-Каталіцкай Царквы. Сёньня яна сфармавана як мітрапалічая Царква свайго права, якая аб’ядноўвае Гайдудорагскую архіяпархію, Мішкальцкую і Ньірэдзьгазскую япархіі і налічвае каля 300 тыс. вернікаў, якія моляцца па-вянгерску.

Кірыла Тураўскі займае выключнае месца ў беларускай гісторыі. Манах-аскет, ахвярны пастыр, таленавіты пісменнік і прапаведнік, “другі Залатавусны”, як называлі Кірылу за красамоўства, стаўся адным з найбольш вядомых усходне-славянскіх духоўных дзеячаў ХІІ стагоддзя. 

 

28.04.2023 Святочная Літургія ў МІНСКУ, у храме Душпастырскага цэнтра Прав. Язэпа, у 18:30.

 

Паводле а. Аляксандра Надсана, Кірыла Тураўскі быў выдатным, хоць і не вельмі арыгінальным багасловам у часы, калі багаслоўская думка ў нашай краіне рабіла толькі першыя нясмелыя крокі. Той самы даследчык называе яго найбольш значным з усіх ранніх беларускіх пісьменнікаў і першым вядомым беларускім паэтам. 

З нагоды Дня сяброўства паміж коптам і католікамі, які адзначаецца 10 мая, Рым наведае Патрыярх Копцкай Праваслаўнай Царквы Тавадрас ІІ. Пра значэнне гэтай падзеі распавёў Vatican News айцец Гіацынт Дэстывель.

 

Тавадрас ІІ будзе знаходзіцца ў Вечным горадзе з 9 па 14 мая 2023 года. Нагодай стане 50-годдзе гістарычнай сустрэчы Паўла VI і Шэнуды ІІІ, якая адбылася 10 мая 1973 года ў Рыме і стала важнай вяхой у збліжэнні Каталіцкага Касцёла і Копцкай Праваслаўнай Царквы, - зазначыў прадстаўнік Дыкастэрыі спрыяння хрысціянскаму адзінству. Іншай нагодай для візіту стане 10-годдзе першай сустрэчы Патрыярха з Францішкам, якая адбылася праз некалькі месяцаў пасля абрання Хорхэ Бэрголіа Наступнікам святога Пятра.

Ян 11, 25–26

 

Высокапраасвяшчэннейшаму
Мітрапаліту Мінскаму і Заслаўскаму Веніяміну,
Патрыяршаму Экзарху ўсяе Беларусі.

Ваша Высокапраасвяшчэнства,

 

З глыбокім смуткам мы пачулі вестку пра смерць Праасвяшчэннейшага Архіепіскапа Арцемія.

 

Ад імя Канферэнцыі Каталіцкіх Біскупаў у Беларусі, ад імя вернікаў Каталіцкага Касцёла ў Беларусі выказваем Вам, родным Уладыкі, усім вернікам Праваслаўнай Царквы ў Беларусі, а асабліва вернікам Гродзенскай епархіі, шчырыя і глыбокія спачуванні.

Каля 300 прадстаўнікоў Каталіцкіх Цэркваў, прысутных на Блізкім Усходзе, – патрыярхі, біскупы, кансэкраваныя асобы, члены касцёльных рухаў і свецкіх арганізацый – сабраліся ў сталіцы Кіпра на сустрэчу, арганізаваную Дыкастэрыяй па справах Усходніх Цэркваў.

 

Чатырохдзённы кангрэс на тэму Укаранёныя ў надзеі, прымеркаваны да дзясятай гадавіны Апостальскай адгартацыі Ecclesia in Medio Oriente, будзе праходзіць да 23 красавіка 2023 года. Узначаліць форум прэфект дыкастэрыі арцыбіскуп Клаўдыё Гуджэроці.

Сёння свет як ніколі раней мае патрэбу ва Ўваскрэсенні, - гаворыцца ў Велікодным разважанні Патрыярха Канстантынопальскага Барталамея І на старонках ватыканскага выдання L'Osservatore Romano.

 

“Уваскрасенне ніколі не было так тэрмінова неабходным, як сёння, калі ўсе мы бачым вакол сябе цемру пераследаў, пакут і смерці. Крыж ўяўляе сабой вышэйшае сутыкненне паміж моцай Божай Любові і любоўю да зямной улады. Дастаткова толькі паглядзець на варожасць ва Украіне. Дастаткова паглядзець на раскол у грамадстве”, - такімі разважаннямі падзяліўся Экуменічны Патрыярх з нагоды Вялікадня, які праваслаўныя святкуюць 16 красавіка 2023 года.

Хрыстос Уваскрос – сапраўды Ўваскрос!

 

Дарагія Браты, Сёстры, Сябры. Гэтым пасхальным вітаннем у гэтыя дні мы выказваем нашую веру, што ўваскрослы Хрыстос жыве сярод нас – не толькі ў пасхальны час, але кожны дзень нашага жыцця.

 

У гэтым годзе гэтыя пасхальныя дні паводле грыгарыянскага календара супадаюць з Вялікім Тыднем Пакутаў Хрыстовых паводле календара юльянскага. Гэта значыць, што хрысціяне розных традыцый маюць магчымасць глыбока задумацца над каштоўнасцю гэтых збаўчых падзей Ісуса Хрыста – Ягонага распяцця, пахавання, Уваскрасення.

Пра патрэбу ў Божай міласэрнасці ў наш час, калі свет усё больш і больш пакутуе ад войнаў і аддаляецца ад Нябеснага Айца, нагадаў Папа на заканчэнне агульнай аўдыенцыі, якая 12 красавіка 2023 года прайшла ў Ватыкане.

 

“Неўзабаве мы будзем святкаваць Нядзелю Божай Mіласэрнасці; яна была ўстаноўлена Янам Паўлам II, як таго пажадаў Пан Езус праз святую Фаўстыну Кавальскую амаль сто гадоў таму.

60 гадоў таму – 11 красавіка 1963 года – святы Ян XXIII, ужо смяротна хворы, выдаў сваю восьмую і, як неўзабаве высветліцца, апошнюю энцыкліку Pacem in terris (Мір на зямлі).

 

Дакумент з’явіўся ў вельмі складаны перыяд найноўшай гісторыі, калі менш чым за паўгода да гэтага – у кастрычніку 1962 года – свет стаяў на парозе новай вайны ці, прынамсі, вялікага ўзброенага канфлікту, выкліканага размяшчэннем на Кубе савецкіх ядзерных ракет, нацэленых на ЗША. Папа Ранкалі адыграў важную ролю ў разрадцы тагачаснай напружанасці, а падзеі Карыбскага крызісу моцна паўплывалі на выданне энцыклікі.