20 ліпеня 1927 г. у Яраслаўлі нарадзіўся а. Вiктар Данілаў, аўтар шматлікіх тэалагічных прац. Найбольш вядомая з іх — «Мой шлях да Бога і Каталіцкай Царквы». Рэлiгiйны дысідэнт, публіцыст, святар Грэка-Каталiцкай Царквы ў падполлi, вязень ГУЛАГу. 

 

Сваю грамадзкую дзейнасць пачаў чалавекам камуністычных поглядаў. У 1947 г. у Яраслаўлі паступіў у Педагагічны інстытут, а ў чэрвені 1948 г. быў арыштаваны за свае крытычныя выказванні пра Сталіна і быў абвінавачаны ў антысавецкай агітацыі. Тэрмін адбываў у лагеры для асабліва небяспечных палітычных злачынцаў у Інце, Комі АССР. 

Сёння, у суботу, 15 ліпеня 2023 года, у горадзе Мінску, у храме душпастырскага цэнтра Праведнага Язэпа, перад сабранымі святарамі і вернікамі Грэка-каталіцкай Царквы, у прысутнасці Апостальскага Нунцыя ў Беларусі Архібіскупа Антэ Ёзіча, быў прачытаны Дэкрэт Дыкастэрыі для Усходніх Цэркваў ад 30 сакавіка 2023 года, у якім абвяшчаецца пра заснаванне, пастановай Рымскага Пантыфіка Папы Францішка, Апостальскай Адміністратуры для вернікаў каталіцкай Царквы візантыйскага абраду і прызначэнні Высокадастойнага Архімандрыта Сяргея Гаека, М.І.С, Апостальскім Адміністратарам гэтай Апостальскай Адміністратуры. 

Іконы, якія 28 чэрвеня 2023 г. ў Рыме блаславіў Папа Францішак, прыбылі - для малітвы вернікаў - у храм грэка-каталіцкага душпастырскага цэнтра Праведнага Язэпа ў Мінску. Выбрана 3 іконы - асабліва блізкія беларускім грэка-католікам: Маці Божай Нястомнай Дапамогі, Маці Божай Барунскай і Маці Божай Жыровіцкай. 

 

У днях 13-14-15 ліпеня храм адкрыты: 08:30 - 20:30.

Мар’яну Бярнацкую расстралялі гестапаўцы 13 ліпеня 1943 г. на фартах каля Навумавічаў (Гарадзенскі раён), разам з 49 іншымі закладнікамі. Яна аддала сябе на смерць, ахвяраваўшы сваё жыццё за нявестку і за жыццё яшчэ ненароджанага ўнука. Усяго ў Навумавічах расстраляна каля 5 тысячаў чалавек.

Мар’яна Бярнацкая - маці шасцярых дзяцей, чацвёра з якіх памерлі пры родах, ведала цану жыцця і смерці. Любіла і цаніла жыццё. Яна была шчырай верніцай, вельмі шанавала Маці Божую.
Нарадзілася Мар'яна ў 1888 г., у Сапоцкінскім краі, у мястэчку Ліпск (цяпер — Польшча), ва ўніяцкай сям’і, дзе нават пасля скасавання Уніі ў 1874-75 гг. вернікі моцна трымаліся каталіцкай веры.
У драматычным 1943 г. яна ахвяравала сваё жыцьцё за нявестку і за жыцьцё яшчэ ненароджанага ўнука. Яшчэ амаль два тыдні яна правяла ў вязніцы ў Горадні і, як адзначаюць тыя, хто выжыў, увесь час заставалася спакойнаю і шчыра малілася, была ўзорам веры і моцнага духу для іншых вязняў (сярод якіх было і 6 каталіцкіх святароў).

Праз тыдзень пасля візіту ў Беларусь у якасці Спецыяльнага пасланніка Папы Францішка на ўрачыстасцях у гонар 25-годдзя з часу каранацыі цудадзейнага абраза Маці Божай Будслаўскай, Прэфект Дыкастэрыі па справах Усходніх Касцёлаў арцыбіскуп Клаўдыё Гуджэроцці быў менаваны кардыналам.

 

Пасля намінацыі іерарх даў інтэрв’ю Італьянскай рэдакцыі парталу Vatican News, якое было апублікавана 12 ліпеня.

1160 год таму Салунскія Браты Кірыл і Мятод пачалі місію да Славянаў. Паводле традыцыі было гэта 5 ліпеня. 

 

Папа Леў ХІІІ ў 1880 г. (энцыкліка Grande munus) пашырыў літургічны культ святых Апосталаў Славянаў Кірыла і Мятода на ўсю Каталіцкую Царкву і прызначыў іх свята на дзень 5 ліпеня. 

 

У грэка-каталіцкіх парафіях і супольнасцях у Беларусі працягваецца Дэкада малітвы і ўшанавання святых Апосталаў Славянаў (5-15 ліпеня 2023 г.).

З 7 па 9 ліпеня ў санктуарыі Гродзенскай дыяцэзіі ў Тракелях (Радунскі дэканат) праходзяць штогадовыя ўрачыстасці ў гонар Маці Божай Тракельскай, Каралевы нашых сем’яў.

На фэст, які сёлета адбываецца пад дэвізам: «Марыя, аб’яднай нашы сэрцы і сем’і», у першы дзень пешкі і на роварах прыбылі пілігрымы з розных мясцін Гродзенскай дыяцэзіі.

 

Найбольш шматлікай была пешая пілігрымка з Гродна, у якой узялі ўдзел больш за 250 пілігрымаў. Сёлетняя пілігрымка Гродна–Тракелі была юбілейнай, бо прайшла ўжо ў 25-ы раз.

9 ліпеня 2023 года Папа назваў імёны новых кардыналаў. Ён зрабіў гэта пасля малітвы Анёл Панскі, якую правёў з акна апостальскага палаца для сабраных на плошчы святога Пятра вернікаў.

 

На кансіторыі, які Францішак анансаваў на 30 верасня 2023 года, кардынальскую годнасць атрымаюць: арцыбіскуп Роберт Фрэнсіс Прэвост, прэфект Дыкастэрыі па справах біскупаў; арцыбіскуп Клаўдыё Гуджэроці, прэфект Дыкастэрыі па справах Усходніх Цэркваў; арцыбіскуп Віктар Мануэль Фернандэс, прэфект Дыкастэрыі веравучэння; арцыбіскуп Эміль Поль Шэрыг, апостальскі нунцый; арцыбіскуп Крыстоф Луі Іў Жорж П’ер, апостальскі нунцый; арцыбіскуп П'ербатыста Піцабала, Лацінскі Патрыярх Іерусаліма; арцыбіскуп Кейптаўна Стывен Брыслін; арцыбіскуп Кордавы Анхель Сіста Росі; арцыбіскуп Багаты Луіс Хасэ Руэда Апарысьё; арцыбіскуп Лодзінскі Гжэгаж Рысь; арцыбіскуп Джубы Стэфан Эмею Марцін Мула; арцыбіскуп Мадрыдскі Хасэ Коба Кана; арцыбіскуп-каад'ютар Таборы Пратасэ Ругамбва; біскуп Пенанга Себасцьян Фрэнсіс; біскуп Ганконга Стывен Чоў Сау-Ян; біскуп Аяча Франсуас-Ксав’е Бусціё; дапаможны біскуп Лісабона Амерыку Мануэль Алвеш Агіяр; генеральны настаяцель салезіянаў Анхель Фернандэс Арцімэ.

Копіі цудадзейных абразоў Найсвяцейшай Панны Марыі, якія ўжо наведалі шмат беларускіх парафій, 28 чэрвеня былі выстаўлены на плошчы святога Пятра ў Ватыкане, дзе падчас агульнай аўдыенцыі іх благаславіў Францішак.

Як нагадвае Беларуская рэдакцыя парталу Vatican News, збор з пятнаццаці ікон Багародзіцы, напісаныя мастачкай з Маладзечна Ядзвігай Сянько, у трэці раз выехаў за межы краіны. У лістападзе копіі абразоў знаходзіліся ў Вільні падчас Апекаў Маці Божай — урачыстасцяў у гонар Найсвяцейшай Панны Марыі Вастрабрамскай, а ў маі — у галоўным Марыйным санктуарыі Польшчы на Янай Гары ў Чэнстахове.

У сваіх намаганнях па прасоўванні хрысціянскага адзінства Папа робіць большы акцэнт на практычным экуменізме, - звярнуў увагу прэфект Дыкастэрыі спрыяння хрысціянскаму адзінству ў інтэрв'ю прадстаўнікам аўстрыйскіх СМІ.

 

"Быць разам у дарозе, разам маліцца і разам працаваць” – такая формула Францішка, - адзначыў кардынал Курт Кох. Асабліва важным элементам для яго з’яўляецца экуменізм мучанікаў: “Хрысціяне сёння падвяргаюцца пераследу не таму, што яны праваслаўныя, лютэране ці католікі, а таму, што яны хрысціяне”, менавіта таму кроў, пралітая імі, аб’ядноўвае.