8 верасня 1983 г. адбылася біскупская хіратонія Уладзіміра Тарасевіча, OSB, прызначанага Апостальскім візітатарам для беларусаў-каталікоў на Захадзе. 

Яго хіратонію здзейсніў украінскі грэка-каталіцкі біскуп з епархіі св. Мікалая ў Чыкага (ЗША) Інакенцій Іларыён Латоцкі ў саслужэнні рыма-каталіцкага біскупа Даніэля Вільяма Кучэры з епархіі Саліна (ЗША) і русінскага біскупа Эміля Джона Міхаліка з грэка-каталіцкай епархіі Парма (ЗША).

Звесткі аб Нараджэнні Найсвяцейшай Багародзіцы Царква чэрпае з апакрыфічнага Евангелля ад Якуба, напісанага ў 2 ст. З гэтага апокрыфа мы даведваемся, што бацькі Божай Маці Якім і Ганна доўгі час былі бяздзетнымі, што ў народзе лічылася ганьбай. Бо, паводле традыцыі, кожны праведнік павінен даць нашчадкаў Ізраілю. З-за гэтага Якім, нягледзячы на ўсё сваё багацце, быў пагарджаны перад людзьмі і не мог першым прынесці дары Богу.

У пошуках адказу ад Бога Якім адпраўляецца пасціцца сорак дзён і начэй у пустыню, у той жа час Ганна моліцца дома аб дараванні дзіцяці, якое яна прысвяціць Госпаду. Бог адказвае на малітву Ганны і Якіма і абвяшчае праз анёла, што яны зачнуць дзіця, якое будзе праслаўлена ва ўсіх народах. Якім з вялікай радасцю вяртаецца дадому, раздаючы народу і святарам мноства падарункаў, а праз дзевяць месяцаў Ганна нараджае дзяўчынку, якую называе Марыяй.

Успамінаючы гераічны "подзвіг міласэрнасці" Маці Тэрэзы, вернікі ў грэка-каталіцкіх парафіях у Беларусі абмяркоўваюць формы сацыяльнага служэння ў новым царкоўным годзе.

Віншуем Сясцёр Маці Тэрэзы, якія мужна і ахвярна служаць ў Гомелі. Іхні Дом міласэрнасці ў Гомелі наведаў архімандрыт Сяргей (Апостальскі адміністратар для грэка-католікаў Беларусі) у суботу, 26 жніўня 2023.

2 верасня ў катэдральным касцёле Найсвяцейшага Імя Марыі ў Мінску адбыўся гістарычны сімпозіум, прысвечаны 225-годдзю з часу заснавання гістарычнай Мінскай рыма-каталіцкай дыяцэзіі.

У ім бралі ўдзел Мітрапаліт Мінска-Магілёўскі арцыбіскуп Юзаф Станеўскі, арцыбіскуп эмэрыт Тадэвуш Кандрусевіч, Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч, Генеральныя вікарыі Мінска-Магілёўскай архідыяцэзіі біскупы Юрый Касабуцкі і Аляксандр Яшэўскі SDB, найстарэйшы каталіцкі іерарх у нашай краіне біскуп Казімір Велікаселец, Апостальскі адміністратар для католікаў візантыйскага абраду ў Беларусі архімандрыт Сяргей Гаек, а таксама святары, браты і сёстры законныя, навукоўцы, даследчыкі і свецкія вернікі.

2 верасня 1998 г. памёр а. Ян Матусевіч, з 1990 г. ён быў пробашчам першай грэка-каталіцкай парафіі ў Мінску - парафіі Праведнага Язэпа. З 1993 г.быў першым дэканам Беларускай Грэка-Каталіцкай Царквы. 

У гадах 1979-1990, калі немагчыма было праводзіць публічна душпастырскую працу ў грэка-каталіцкім абрадзе, а. Ян быў пробашчам рыма-каталіцкай парафіі ў Барунах, пры даўнім базыльянскім храме.

Малалікасць з’яўляецца рэсурсам, самае важнае – шчырая вера, - падкрэсліў Папа падчас сустрэчы ў біскупамі, святарамі, кансэкраванымі асобамі і свецкімі душпастырскімі работнікамі, якія служаць у Манголіі.

Францішак звярнуўся да прадстаўнікоў Касцёла ў Манголіі 2 верасня 2023 года ў катэдральным касцёле святых Пятра і Паўла ва Улан-Батары. Ён нагадаў пра гісторыю хрысціянскай веры на тэрыторыі гэтай краіны і руплівае служэнне шматлікіх місіянераў, а потым прапанаваў задумацца: “Чаму людзі прысвячаюць сваё жыццё Евангеллю?”.

Мір, сустрэча і дыялог стануць трыма краевугольнымі камянямі апостальскага падарожжа ў Манголію, - адзначыў кардынал П'етра Паралін.

Напярэдадні 43-га апостальскага візіту ў Манголію, якое распачнецца 31 жніўня 2023 года, кардынал Дзяржаўны сакратар П’етра Паралін даў інтэрв'ю адказнаму рэдактару Vatican News Масіміліяна Мэнікэці.

26 жніўня ў Гомелі адбылося ўрачыстае ўмураванне вуглавога каменя, які раней благаславіў Папа Францішак.

Закладку вуглавога каменя ў муры касцёла здзейсніў Генеральны вікарый Пінскай дыяцэзіі біскуп Казімір Велікаселец.

Найстарэйшы каталіцкі іерарх у Беларусі ў апошняе дзесяцігоддзе прысвячае сябе справе аднаўлення старадаўняй парафіі, якая некалі існавала ў Гомелі. Ён таксама займаецца будаўніцтвам новага касцёла для адроджанай супольнасці пад гістарычным тытулам Унебаўзяцця Найсвяцейшай Панны Марыі ў адным са спальных мікрараёнаў другога па велічыні горада ў краіне.

Францішак зацвердзіў Асобныя нормы для Апостальскага экзархату для ўкраінскіх католікаў візантыйскага абраду ў Італіі. Адпаведны рэскрыпт быў абнародаваны 28 жніўня 2023 года ў Ватыкане.

У дакуменце зазначаецца, што Святы Айцец, падчас аўдыенцыі для арцыбіскупа Клаўдыё Гуджэроці, прэфекта Дыкастэрыі па справах Усходніх Касцёлаў, “беручы пад увагу той факт, што захаванне ўласнай тоеснасці карыснае для захавання і ўмацавання каталіцкай веры”, прыняў прапанову аб зацвярджэнні пэўных норм, пакліканых дапамагчы ў арганізацыі плённага духоўнага клопату над вернікамі, якія належаць да экзархату, заснаванага 11 ліпеня 2019 года булай Christo Salvatori.

Святы Айцец звярнуўся да вернікаў, якія 15 жніўня 2023 года прыбылі ў французскі марыйны санктуарый у Лурдзе ў рамках 150-й пілігрымкі з нагоды ўрачыстасці Унебаўзяцця Найсвяцейшай Панны Марыі.

“Далучаюся да вашых гарачых малітваў просьбаў і падзякі, якія вы скіроўваеце да нашай умілаванай Маці”, - напісаў Пантыфік, нагадваючы пра старажытныя карані ўшанавання Багародзіцы ў шматлікіх месцах на тэрыторыі Францыі, чаму садзейнічалі многія святыя.