Ян Па‌вел II (лац.: Ioannes Paulus PP. II, польск.: Jan Paweł II),  да інтранізацыі (інаўгурацыі пантыфіката) — Ка‌раль Ю‌заф Вайты‌ла (Karol Józef Wojtyła) нарадзіўся 18 траўня 1920 г. у Вадовіцах (Кракаўскае ваяводства, Польшча). Папа Рымскі з 16 кастрычніка 1978. Адышоў у вечнасць 2 красавіка 2005 года. (Месца пахавання: базіліка св. Пятра ў Ватыкане - капліца св. Себасцьяна). 

 

1 траўня 2011 г. Папа Бенядыкт XVI беатыфікаваў Яна Паўла ІІ, а 27 красавіка 2014 г. Папа Францішак кананізаваў Яго (абвясціў святым для ўсёй Каталіцкай Царквы). 

 

Як дата літургічнага ўспаміну (memoria facultativa) св. Яна Паўла, папы, ІІ быў абраны дзень 22 кастрычніка, дзень афіцыйнай інаўгурацыі (у 1978 г.) яго Пятровага служэння (пантыфіката) пасля Яго абрання ў Канклаве 16 кастрычніка 1978 г.

16 мая ў полацкай парафіі адбыўся фэст у гонар святога Андрэя Баболі. Святкаванне распачалося з адарацыі Найсвяцейшага Сакраманту, падчас якой усе сабраныя ўзнеслі свае малітвы да Бога праз заступніцтва святога Андрэя і ўшанавалі спевам Літаніі Найсвяцейшую Панну Марыю.

 

Святую Імшу з нагоды ўрачыстасці ўзначаліў біскуп Віцебскі Алег Буткевіч. Разам з ім літургію цэлебравалі святары Полацкага дэканату, а таксама Апостальскі адміністратар для грэка-католікаў Беларусі архімандрыт Сяргей Гаек.

Дух богаслужэнняў гэтага свята ў цэлым бадзёры і радасны. Святая Царква цешыцца славай Хрыста-Богачалавека, што сеў праваруч Айца. Ён узнёсся на Неба, каб спаслаць нам Суцяшальніка, Святога Духа.

 

Узьнёсься Ты ў славе, Хрысьце Божа наш,

узрадаваўшы вучняў Тваіх абяцаньнем Сьвятога Духа,

і ўмацаваўшы іх Тваім блаславеньнем,

бо Ты – Сын Божы, Збавіцель сьвету.

У санктуарыі Віцебскай дыяцэзіі Маці Божай Фацімскай у Шуміліне (Віцебскі дэканат) у суботу 13 мая адбылася адпустовая ўрачыстасць у 106-ю гадавіну з пачатку Фацімскіх аб’яўленняў Багародзіцы.

 

13 мая 1917 года ў Партугаліі ў невялікім мястэчку Фаціма Маці Божая аб’явілася тром дзецям-пастушкам, заклікаўшы штодзённа маліцца Ружанец, каб выпрасіць мір для свету, які тады перажываў трагедыю Першай сусветнай вайны. У наш час словы Маці Божай застаюцца па-ранейшаму актуальнымі. Хоць мінула ўжо больш за стагоддзе з той пары, заклік Багародзіцы не страціў сваёй моцы.

На экуменічным шляху важна заўсёды глядзець наперад, захоўваць памяць пра пройдзены шлях, а таксама скіроўваць позірк увышыню, каб дзякаваць Богу за зробленыя крокі і прасіць аб дары жаданага адзінства, - заўважыў Папа.

 

11 мая 2023 года Францішак сустрэўся ў Ватыкане з Патрыярхам Копцкай Праваслаўнай Царквы Тавадрасам ІІ. Аўдыенцыя была прымеркавана да 50-годдзя візіту ў Рым у 1973 годзе Патрыярха Шэнуды ІІІ і яго сустрэчы з папам Паўлам VI.

Выдадзена брашура: ЯЎГЕН УСОШЫН, СЯРГЕЙ ГАЕК, Беларускі грэка-каталіцкі пакутнік Антон Неманцэвіч (1893-1943), Полацк: Грэка-каталіцкая парафія Святапакутніка Язафата ў г. Полацку, 2023, старонак 24 (адказны за выпуск а. Алесь Шаўцоў; рэдактар Яўген Андросік).

 

У 2023 годзе адзначаюцца дзве даты, звязаныя з адным з найбольш актыўных беларускіх уніяцкіх душпастыраў ХХ ст. – апостальскім экзархам Антонам Неманцэвічам (1893-1943). Гэта 130-годдзе яго нараджэння (8 лютага 1893 г. у Пецярбургу) і 80 год з моманту яго пакутніцкай смерці ў мінскай нацысцкай турме СД (6 студзеня 1943 года).

 

Пакутніцкі шлях экзарха Антона пачаўся ў жніўні 1942 года, калі ён быў арыштаваны нямецкімі нацыстамі. Нямецкія акупанты разумелі ранг пастырскага служэння гэтага грэка-каталіцкая іерарха, таму пасля арышту перавязлі яго ў турму СД у Мінску.

Tрaпaр (тoн 4). Усix, штo прыбягaюць дa цудaтвoрнaгa вoбрaзу Tвaйгo, шукaючы дaпaмoгi, Tы, Улaдaркa, нe aдкiнь aд Сябe, aлe ў сумe суцeш i плaч нa рaдaсьць пeрaмянi: Taбe aднoй нaшыя цяжкaсьцi вядомыя, нa Цябe спaдзяeмся, Kрынiцa мiлaсэрнaсьцi, Умaцaвaньнe i Axoвa душaў нaшыx.

Kaндaк (тoн 2). Xтo мoжa зрaзумeць вeлiч Tвaю, Нaйсьвяцeйшaя Дзeвa, штo нaрaдзiлa Xрыстa Бoгa i Tвoрцу сьвeту? Tы – Maцi i Дзeвa нaйблaслaвёнaя i прaслaўлeнaя, Нaдзeя нaшa, Kрынiцa супaкoю, Спaчынaк вeрныx, сьвeту Збaўлeньнe.

3 траўня 2023 г., ва ўрачыстасць Маці Божай, у міжнародным марыйным санктуарыі ў кляштары айцоў паўлінаў на Яснай Гары ў Чэнстахове,  былі выстаўлены для ўшанавання вернікамі марыйныя абразы з Беларусі.

 

Гэтыя 13 копій цудатворных Іконаў, якія ўшаноўваюцца ў Беларусі рыма-католікамі, грэка-католікамі і праваслаўнымі, выстаўляліся для ўшанавання ў многіх месцах Беларусі а таксама ў Вільні і Варшаве.

Няхай май стане часам для ружанцовай малітвы ў інтэнцыі міру, - пажадаў Францішак на заканчэнне агульнай аўдыенцыі, якая прайшла на плошчы святога Пятра ў Ватыкане.

 

“У гэтым месяцы маі, які толькі распачаўся, я запрашаю вас аднавіць ваша ўшанаванне Маці Божай. Заахвочваю вас глыбей пазнаваць Марыю, увайсці ў блізкія адносіны з Ёю, прыняць Яе як духоўную Маці і ўзор вернасці Хрысту. Ёй, Маці суцяшэння і Каралеве супакою, даручаю змучанае насельніцтва Украіны”, - сказаў Францішак.

У Ватыкане з рабочым візітам знаходзіцца Мітрапаліт Валакаламскі Антоній. Прадстаўнік Рускай Праваслаўнай Царквы праводзіць шэраг сустрэч у дыкастэрыях Святога Пасада.

 

3 мая 2023 года старшыня Аддзела знешніх царкоўных сувязяў прысутнічаў на агульнай аўдыенцыі ў Ватыкане, пасля якой меў кароткую размову са Святым Айцом.

 

Напярэдадні госць з Масквы сустрэўся ў Рыме з прэфектам Дыкастэрыі па справах Усходніх Цэркваў, арцыбіскупам Клаўдыё Гуджэроці. Прадстаўнік Рускай Праваслаўнай Царквы павіншаваў ватыканскага іерарха з прызначэннем на высокую пасаду, узгадаўшы яго шматгадовае служэнне ў якасці дыпламата Святога Пасада ў Закаўказзі, Беларусі і Украіне. Суразмоўцы абмеркавалі шырокае кола пытанняў, якія ўяўляюць узаемную цікавасць, а таксама абмяняліся памятнымі падарункамі.

 

Марыя Валодзіна – Vatican News