🌿 Ян Хрысціцель - апошні з прарокаў, якія былі да Хрыста, і Яго прадвеснік. Ісус называў яго "больш, чым прарокам" , "самым вялікім з народжаных жанчынамі" і прыпадабняў яго да Іллі.

🌿 Пасля асуджэння беззаконняў правіцеля Юдэі Ірада Антыпы быў узяты пад варту і затым абезгалоўлены.

🌿 Ян Хрысціцель шануецца не толькі ва ўсім хрысціянскім свеце , але таксама і паслядоўнікамі ісламу. Цэрквы яго імя ёсць у любой краіне свету, яго імя, якое ў перакладзе са старажытнагабрэйскай азначае «Бог прыхільны», стала адным з самых распаўсюджаных імёнаў у свеце. Сваім святым заступнікам яго лічаць многія гарады і краіны, а таксама богапасвячаныя асобы.

Паводле тэлеграм-канала "Грэка-католікі Беларусі"

23 жніўня Апостальскі нунцый Антэ Ёзіч, які завяршае сваю місію ў Беларусі, сустрэўся з прэзідэнтам Аляксандрам Лукашэнкам.

«Мне з Вамі лёгка размаўляць як прадстаўніком рэлігійнай канфесіі, адной з асноўных у Беларусі, таму што нашы погляды — кіраўніцтва Беларусі і Ватыкана — практычна супадаюць», — зазначыў прэзідэнт Лукашэнка, словы якога прыводзіць партал president.gov.by.

21 жніўня 2024 г. Яго Святасць Папа Францішак прызначыў Ардынарыем для армян-католікаў Усходняй Еўропы мітрафорнага протаархімандрыта Геворга Наратункяна,  дагэтуль Патрыяршага вікарыя для Інстытута Патрыяршага Кліру ў Бзомар (і настаяцеля манастыра Маці Божай у Бзомар) і надзяліў яго тытулам архібіскупа Себасты.

З гэтай нагоды Апостальскі адміністратар для грэка-католікаў у Беларусі Архімандрыт Сяргей (Гаек) даслаў Яму віншавальны ліст.

Ліван перажывае драматычныя часы, а яго жыхары жывуць у напружанасці з-за пагрозы пашырэння вайны, заўважыў у інтэрв’ю агенцтву SIR Патрыярх Кілікійскі Рафаэль Бэдрас XXI Мінасян.

Прадстаяцель Армянскай Каталіцкай Царквы, сядзіба якога знаходзіцца ў Бейруце, нагадаў, што сітуацыя ў Ліване застаецца крайне цяжкай. “Больш няма ні сацыяльнай, ні эканамічнай, а цяпер яшчэ і знешняй бяспекі. Калі мы выходзім з дому, то не ведаем, ці вернемся назад”, - дадаў ён.

Толькі Бог збаўляе нашу кволую чалавечнасць і пасярод выпрабаванняў дае нам магчымасць спазнаць радасць, якая інакш была б немагчымай, нагадаў Святы Айцец.

Францішак звярнуўся да ўдзельнікаў 45-й Сустрэчы на карысць сяброўства паміж народамі, якая пройдзе 20-25 жніўня 2024 года ў італьянскім горадзе Рыміні пад дэвізам: Калі не шукаем самага істотнага, чаго ж шукаем?

У дзень, калі Касцёл адзначае ўрачыстасць Унебаўзяцця Найсвяцейшай Панны Марыі, мы ўзносім пашану нашай Маці і Каралеве і ўзгадваем Яе святыя выявы, якія былі каранаваныя папскімі каронамі на тэрыторыі Беларусі.

Урачыстасці ў санктуарыі Віцебскай дыяцэзіі Маці Божай Браслаўскай, Валадаркі азёраў, пройдуць 16 і 17 жніўня пад дэвізам: «Праз стагоддзі пад Тваёй апекай, Марыя».

Сёлетні фэст у Браславе пройдзе ў межах святкавання 25-годдзя з часу заснавання Віцебскай дыяцэзіі.

Цудадзейны абраз Маці Божай Браслаўскай быў каранаваны Папскімі каронамі 15 гадоў таму.

У санктуарый Маці Божай ў Лагішыне з Бярозы і Баранавічаў сёлета прыйшло шмат пілігрымаў у складзе дзвюх пешых пілігрымак.

Грэка-католікі, якія традыцыйна бяруць удзел у святкаваннях, прыехалі з Берасця і Івацэвічаў. Адна з групаў па дарозе ў санктуарый у Лагішыне наведала Бабровічы і каталіцкія могілкі ў Целяханах, дзе памаліліся ля магілы выдатнага беларускага святара а. Баляслава Пачопкі, які ў міжваенны час быў душпастырам ва ўніяцкай парафіі ў суседніх Бабровічах.

Дзесяць гадоў таму, у ноч з 6 на 7 жніўня 2014 года, каля 120 тысяч хрысціян былі вымушаныя бегчы з Нінэвійскай раўніны ў Іраку з-за наступу джыхадзістаў Ісламскай дзяржавы.

Кардынал Луіс Рафаэль Сако, патрыярх Халдэйскай Каталіцкай Царквы, назваў падзею "калектыўнай трагедыяй", якая моцна ўдарыла па хрысціянскіх супольнасцях і іншых меншасцях Ірака.