18 кастрычніка 2024 ў Фарным касцёле Перамянення Госпада ў Навагрудку была асвячаная памятная табліца з нагоды 450 гадавіны нараджэння грэка-каталіцкага мітрапаліта Язэпа Руцкага, уражэнца Навагрудскай Зямлі: "Сыну Зямлі Навагрудскай, Мітрапаліту Іосіфу Вельямін - Руцкаму, Выдатнаму дзеячу Уніяцкай Царквы, стваральніку Ордэна базільянаў, багаслову, асветніку, пісьменніку - у 450-ую гадавіну нараджэння". (Табліцу фандаваў грэка-каталіцкі вернік Віктар Малежык).

У 18:00 гадз. св. Імшу ўзначаліў Біскуп Андрэй Зноска, дапаможны біскуп Пінскай дыяцэзіі, казанне прамовіў протапрэзбітар Андрэй Крот з Гародні, асвяціў табліцу Архімандыт Сяргей (Гаек).

Урачыстасць супала з 50-тай гадавінай Хросту настаяцеля храму - ксяндза дэкана Яна Балтрукевіча. Яму "Многія ды шчасныя леты!"

Некаторыя міфы, якія ўзніклі вакол пытання аб паходжанні ўраджэнца Навагрудчыны, грэка-каталіцкага Мітрапаліта Язэпа Руцкага, былі развенчаны падчас міжнароднай навуковай канферэнцыі, якая праходзіць у Рыме.

16 кастрычніка 2024 года ў Папскім грыгарыянскім універсітэце распачаўся двухдзённы форум, прысвечаны ролі Мітрапаліта Кіеўскага Язэпа (Івана Іосіфа) Руцкага ў рэалізацыі рашэнняў Трыдэнцкага Сабора.

Унійны Сабор у Берасці праходзіў 16-18 кастрычніка 1596 г. Штогадовы ўспамін гэтага Сабору ў грэка-каталіцкіх парафіях ды супольнасцях у Беларусі - гэта дні малітвы і духоўнага асэнсавання словаў  Сімвала Веры "Веру ў адзіную, святую, паўсюдную і апостальскую Царкву".

Боская Літургія ў МІНСКУ:

16 кастрычніка - у Парафіі Маці Божай Нястомнай Дапамогі: 18:30;

17 кастрычніка - у Парафіі св. Мікалая: 09:30;

18 кастрычніка - у Парафіі Прав. Язэпа: 18:30.

У нядзелю 13 кастрычніка ў Віцебску прайшлі заключныя ўрачыстасці ў межах святкавання 25-гадовага юбілею з часу ўтварэння Віцебскай дыяцэзіі — самай маладой каталіцкай дыяцэзіі ў Беларусі.

Віцебская рыма-каталіцкая дыяцэзія была ўтворана 13 кастрычніка 1999 года Святым Айцом Янам Паўлам II на моцы Апостальскай Канстытуцыі Ad aptius consulendum. Напярэдадні ў віцебскім катэдральным касцёле Езуса Міласэрнага прайшла сустрэча святароў і сясцёр законных, якія нясуць служэнне ў дыяцэзіі, на чале з біскупам Віцебскім Алегам Буткевічам.

12 кастрычніка ў санктуарыі Гродзенскай дыяцэзіі ў Барунах (Ашмянскі дэканат) з удзелам вялікай колькасці вернікаў прайшлі ўрачыстасці каранацыі цудадзейнага абраза Маці Божай Барунскай, Суцяшальніцы засмучаных.

Папярэдняя каранацыя абраза Найсвяцейшай Панны Марыі адбылася ў Беларусі пятнаццаць гадоў таму: 22 жніўня 2009 года арцыбіскуп Кёльнскі кардынал Ёахім Майснэр усклаў папскія кароны на цудатворную ікону Маці Божай Браслаўскай, Валадаркі азёраў.

Перад каранацыяй цудадзейнага абраза Маці Божай Барунскай, Суцяшальніцы засмучаных, якая адбылася 12 кастрычніка, грэка-каталіцкі гурт «Святло Усходу» стварыў спеў «Маці Божая ў Барунах».

Як адзначаюць аўтары твора, Баруны — невялікае мястэчка на Ашмяншчыне — гэта асаблівае месца для грэка-католікаў. Першапачаткова тут быў уніяцкі кляштар, а сама ікона таксама спачатку належала базыльянскаму манаху.

Папа Францішак 10 кастрычніка 2024 года прыняў адстаўку дапаможнага біскупа Пінскай дыяцэзіі Казіміра Велікасельца пасля амаль чвэрць стагоддзя яго біскупскага служэння.

Біскуп Казімір Велікаселец, нарадзіўшыся ў 1945 годзе ў вёсцы Стараволя Пружанскага раёна, прайшоў доўгі шлях духоўнага станаўлення і служэння. Яго глыбокая вера фарміравалася з маленства, калі бацька вазіў яго на ровары за дзясяткі кіламетраў у касцёл у Кобрыне.

Ушануем Маці Божую Барунскую - напярэдадні Каранацыі Яе Іконы. У МІНСКУ - тых хто зможа ЗАПРАШАЕМ да храму  Цэнтра  Прав. Язэпа на ЛІТУРГІЮ ў ЧАЦВЕР - 10.10.24; у ПЯТНІЦУ  - 11.10.24; у СУБОТУ - 12.10.24 - кожны з гэтых дзён у 18:30.

11-12 кастрычніка 2024 ў санктуарыі Гродзенскай дыяцэзіі ў Барунах пройдуць урачыстасці каранавання цудадзейнага абраза Маці Божай Суцяшальніцы засмучаных.

Святую Імшу, на якой адбудзецца каранаванне абраза, узначаліць старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Юзаф Станеўскі. Ускладанне карон здзейсніць біскуп эмерыт Гродзенскай дыяцэзіі Аляксандр Кашкевіч.

Папа працягвае фарміраваць Калегію кардыналаў у адпаведнасці са сваім бачаннем Каталіцкага Касцёла. Сярод 21 новага кардынала – вядомыя асобы і нечаканыя выбары, якія адлюстроўваюць імкненне Францішка да разнастайнасці і ўвагі да перыферыі.

Пантыфік абвясціў аб скліканні кансісторыя па прызначэнні новых кардыналаў на 8 снежня 2024 года. Сярод іх дзесяць еўрапейцаў, але таксама прадстаўнікі глабальнага Поўдня і перыферыі Касцёла.