З 12 па 14 траўня 2025 г. у рамках Юбілейнага года ў Ватыкане праходзяць спецыяльныя дні, прысвечаныя Усходнім Каталіцкім Цэрквам.

Гэты Юбілей — гэта не толькі магчымасць для вернікаў гэтых Цэркваў здзейсніць паломніцтва ў Рым і прайсці праз Святыя Дзверы папскіх базілік. Гэта таксама магчымасць для рымлян і гасцей горада пазнаёміцца ​​з багаццем хрысціянскіх традыцый, паглыбіць сваё разуменне таго, што азначае адзінства ў разнастайнасці, пра што гавораць біскупы Рыма ў сваім вучэнні.

У Нядзелю Добрага Пастыра новаабраны Пантыфік упершыню правёў нядзельную малітву з цэнтральнай лоджыі Базілікі Святога Пятра, нечакана для ўсіх заспяваўшы старажытную малітву "Уладарка Неба". Гэта яго другі публічны выступ на галоўнай ватыканскай плошчы.

У сваім першым нядзельным звароце да вернікаў падчас малітвы "Уладарка Неба" 11 мая 2025 года Папа Леў XIV адзначыў сімвалічнасць таго, што яго першая нядзеля ў якасці Біскупа Рыма прыпала на ўрачыстасць Добрага Пастыра.

9 мая 2025 года Папа Леў XIV узначаліў святую Імшу за Касцёл. Літургія на завяршэнне канклава прайшла ў Сікстынскай капэле Апостальскага палаца ў Ватыкане. Разам з новым Папам малілася Калегія кардыналаў.

“Ты – Хрыстус, Сын Бога жывога” (Мц 16,16). Гэтымі словамі Пётр, калі Настаўнік спытаўся яго разам з іншымі вучняў пра іх веру ў Яго, выказвае ў сціслай форме той скарб, які ўжо дзве тысячы гадоў Касцёл захоўвае, паглыбляе і перадае праз апостальскую пераемнасць”, - такімі словамі Леў XIV пачаў сваю першую гамілію, прамоўленую ў якасці Папы.

Падчас выступлення ў Афінскім музеі Патрыярх Канстантынопальскі выказаў спадзяванне на тое, што зможа працягнуць справу праваслаўна-каталіцкага збліжэння разам з Львом XIV.

Выбар імя новага Папы Барталамей I расцаніў як станоўчы знак. Пра гэта ён заявіў 8 мая 2025 года падчас мерапрыемства ў Афінскім музеі. Ганаровы прадстаяцель праваслаўных хрысціян ва ўсім свеце адзначыў, што папярэднік новага Пантыфіка – Леў XIII, які займаў Пятроў Пасад з 1878 па 1903 год, быў вядомы сваім укладам у развіццё сацыяльнага вучэння і грамадскую дзейнасць Касцёла.

«Супакой вам!» — такімі словамі Леў XIV пачаў свой першы зварот, які скіраваў да Касцёла і ўсяго свету ўвечары 8 мая 2025 года з лоджыі благаслаўленняў Базілікі Святога Пятра.

«Дарагія браты і сёстры, гэта першае прывітанне ўваскрослага Хрыста, Добрага пастыра, які аддаў жыццё за Божы статак. Таксама і я хацеў бы, каб гэта прывітанне супакою ўвайшло ў вашы сэрцы, дасягнула вашых сем’яў, усіх людзей, дзе б яны не былі, усіх народаў, усёй зямлі. Супакой вам!», — сказаў новаабраны Пантыфік.

Кардынал Роберт Фрэнсіс Прэвост абраны новым Папам і прыняў імя Леў XIV. Ён з'явіўся на балконе Базілікі Святога Пятра і ўдзяліў першае благаслаўленне.

Сёння, 8 мая 2025 года, Каталіцкі Касцёл атрымаў новага Пастыра. Кардынал Роберт Фрэнсіс Прэвост быў абраны Папам і прыняў імя Леў XIV. Кардынал-протадыякан Дамінік Мамбэрці агучыў традыцыйную формулу "Habemus Papam" з цэнтральнага балкона Базілікі Святога Пятра прыкладна ў 19.15 па рымскім часе.

7 мая ў Ватыкане распачынаюцца выбары 267-а Папы — канклаў.

Працэдуру абрання новага Пантыфіка папярэдзіла святая Імша Pro eligendo Pontifice («Аб выбары Пантыфіка») ў Базыліцы Святога Пятра, якую ўзначаліў кардынал Джавані Баціста Рэ, дэкан Калегіі кардыналаў.

7 траўня 2025 г. - свята Маці Божай Жыровіцкай (свята Парафіі ў Івацэвічах) прыпадае на сераду; 9 траўня 2025 г. - свята Перанясення мошчаў св. Мікалая з Мір Лікійскіх ў Бары (свята Парафіі ў Мінску) прыпадае на пятніцу.

Каб захаваць святочны характар гэтых святых дзён, Апостальскі Адміністратар БГКЦ архім. Сяргей (Гаек) - на падставе Канона 1536, п. 1 і п. 2 (Кодэксу Канонаў Усходніх Цэрваў) - удзяляе грэка-католікам у Беларусі дыспенсу ад устрымання ад мясных страў у гэтыя дні. 

Падчас генеральнай кангрэгацыі перад пачаткам канклава кардыналы выказалі глыбокі жаль з прычыны адсутнасці прагрэсу ў мірных працэсах і заклікалі да перманентнага спынення агню.

Святы Пасад апублікаваў афіцыйную заяву, у якой кардыналы выказваюць сур'ёзную занепакоенасць сітуацыяй у зонах канфліктаў.

Старшыня Канферэнцыі Каталіцкіх Біскупаў Цэнтральнай Азіі біскуп Хасэ Луіс Мумбіела Сьера ўзгадаў глыбокую чалавечнасць Папы Францішка, якая кранала сэрцы людзей.

У інтэрв'ю Vatican News біскуп Мумбіела Сьера адзначыў, што апостальскія падарожжы Францішка ў краіны Цэнтральнай Азіі сталі “своеасаблівым жывым Евангеллем”, пастырскім наведваннем “малога статка”. Ён падкрэсліў асаблівую ўвагу Папы да тых, хто знаходзіцца на перыферыі, як у геаграфічным сэнсе, так і з пункту гледжання грамадскай увагі. Францішак стаў першым Папам у гісторыі, які за кароткі час наведаў тры краіны рэгіёну: Азербайджан у 2016 годзе, Казахстан у 2022 годзе і Манголію ў 2023 годзе.