Слова «праваслаўны» ужо мае за сабой у царкоўнага жыцця і літаратуры доўгую гісторыю. На працягу ўсяго часу многія навукоўцы, дзеячы, біскупы ды вернікаў выказваліся за захаванне яго ў царкоўнай практыцы або за ліквідацыю або замену яго на слова «прававерны», або на іншае яму падобнае. З прычыны таго, што гэтым тэрмінам карыстаюцца як лацінскія і ўсходнія католікі, гэтак і ўсе нез'яднаныя праваслаўныя, а паміж імі і тыя, якія нядаўна адступілі ад нашай Царквы, пытанне зноў стала актуальным. Таму трэба трохі сёе-тое ўзгадаць і сёе-тое высветліць ў гэтай спрэчцы.

Многія ведаюць, што такое катэхізіс, але для тых хто яшчэ ня ведае, то ў двух словах можна нагадаць. Катэхізіс (ад лац. Catechēsis і грэч. Κατηχισμός - павучанне, настаўленьне) - гэта веравучыцельны дакумент, кніга якая зьмяшчае асноўныя палажэньні хрысціянскага (у нашым выпадку - каталіцкага) веравучэньня.

Аднак, напрошваецца пытаньне, навошта патрэбны яшчэ й грэка-каталіцкі катэхізіс, бо ўжо ж існуе Катэхізіс Каталіцкай Царквы, які выказвае веру ўсіх каталікоў? Сапраўды, нічога «новага» у новым катэхізме няма, ды і быць не можа, аднак жа ў ім выкладзены погляд на тую ж самую веру, з пункту гледжаньня ўсходняй багаслоўскай традыцыі.

Xрысціянскі летнік для асобаў з абмежаваннямі фізічнага развіцця

„Ветразь любові” - такую назву атрымаў хрысціянскі летнік для асобаў з абмежаваннямі фізічнага розвітку і валанцёраў, які праходзіў 25-31 ліпеня 2011 пры грэка-каталіцкай парафіі святамучаніка Язафата ў Полацку. Каля 40 удзельнікаў з розных куткоў Беларусі сабраліся каб правесті адзін тыдзень разам у братэрскай хрысціянскай атмасферы.

Праграма летніка была вельмі насычаная. Удзельнікі мелі магчымасць набраць досведу на практычных занятках (варштатах), а таксама ўдзельнічыць у разнастайнай конкурсна-забаўляльнай праграме (“Міс і Містер Летнік”, “Акіян любові”, віктарыны, конкурсы, ролевыя казкі) і проста адпачыць каля вогнішча, паслухаць гітару, схадзіць на рэчку.

"Я абяцаю усім беларусам слухаць і любіць іх", - з такімі словамі звярнуўся да вернікаў нашай краіны новапрызначаны Апостальскі нунцый у Беларусі арцыбіскуп Клаўдыё Гуджэроцці. У інтэрв'ю нашаму радыё іерарх расказаў аб сваім каўказскім вопыце дыпламатычнай службы і аб планах на новым этапе працы ад імя Апостальскай Сталіцы. Прапануем вашай увазе тэкст інтэрвью з арцыбіскупам Гуджэроцці.

Яго Святасць Папа Бэнэдыкт XVI скіраваў спачувальную тэлеграму на імя Біскупа Гродзенскага Аляксандра Кашкевіча, старшыні Канферэнцыі Каталіцкіх Біскупаў Беларусі ў сувязі са смерцю кардынала Казіміра Свёнтка.

Ніжэй прыводзім поўны тэкст звароту Яго Святасці.

Курыя Мінска-Магілёўскай архідыяцэзіі і Пінскай дыяцэзіі са смуткам паведамляюць, што 21 ліпеня 2011 г. а 9-й гадзіне на 97 годзе жыцця адышоў у вечнасць Яго Эмінэнцыя кардынал Казімір Свёнтак.

У найбліжэйшым часе заахвочваем святароў арганізаваць набажэнствы са шматлікім удзелам вернікаў аб вечным супакоі святой памяці кардынала, які на працягу 15 гадоў з’яўляўся арцыпастырам Мінска-Магілёўскай архідыяцэзіі і 20 гадоў — Апостальскім Адміністратарам Пінскай дыяцэзіі. У касцёлах, капліцах і іншых месцах культу неабходна зрабіць дэкарацыю ў адпаведным месцы (паставіць партрэт кардынала, кветкі, знічы), можна пакласці кнігу спачуванняў.

З 26 па 31 ліпеня ў Полацку пры грэка-каталіцкай парафіі Святамучаніка Язафата пройдзе Летнік для асобаў непоўнаспраўных і валанцёраў. Арганізаваны ён Хрысціянскім валанцёрскім рухам св. Мікалая пры падтрымцы міжнароднага дабрачыннага руху Бэтэль.

Пад час правядзення летніка асобы непоўнаспраўныя і валанцёры раздзеляць між сабою ўсю радасць сумеснага адпачынку і ўзаемнага клопату. У расклад летніка ўваходзіць духоўная праграма (духоўныя разважанні, малітвы, набожэнствы), практычныя заняткі (варштаты) і проста адпачынак, для якога будзе шмат вольнага часу (экскурсія па Полацку, адведзіны рэчкі, вогнішча, лазня…).

Мінск, 15 ліпеня 2011 г.

Апостальская Нунцыятура ў Рэспубліцы Беларусь інфармуе, што Яго Святасць Бэнэдыкт XVI прызначыў Яго Эксцэленцыю арцыбіскупа Клаўдыё Гуджэроцці Апостальскім Нунцыем у Беларусі. Да моманту гэтага прызначэння на Апостальскага Нунцыя ў Беларусі іерарх з’яўляўся Апостальскім Нунцыем у Грузіі, Арменіі і Азербайджане.

Кс. прэлат д-р Крыспін Дубель,
часова павераны Апостальскай Нунцыятуры ў Мінску.

З 6 па 10 ліпеня 2011 г. праходзіць XVII штогадовая грэка-каталіцкая пілігрымка з Віцебску ў Полацк. Акрамя традыцыйнага ўспаміну Полацкіх пакутнікаў (1705 г.) кожны год у пілігрымцы ушаноўваюцца таксама іншыя Божыя падзьвіжнікі.

Сёлета Пілігрымка носіць характар падзякі за беатыфікацыю Блаславёнага Папы Яна Паўла ІІ-га. Падчас яе ўспамінаюцца таксама Блаславёны сьвятамучанік Мікалай Чарнецкі (10 год ад ягонай беатыфікацыі), пакутнік Хрыстовы Экзарх Антон Неманцэвіч ды страстацерпцы Барыс і Глеб.

Напярэдадні Пілігрымкі, у аўторак – 5.07.2011, у грэка-каталіцкай капліцы Ўваскрасеньня Хрыстовага ў Віцебску а 18:00 гадз. будзе адслужаная Боская Літургія для пілігрымаў а ў 19:30 пры статуі Блаславёнага Папы Яна Паўла ІІ-га (ля рыма-каталіцкага катэдральнага сабора) адбудзецца Малебен, пасьля якога працягнецца вечар асабістай малітвы.

Рэгістрацыя пілігрымаў пачынаецца ў 17:00 гадз. у грэка-каталіцкай капліцы (вул.2 Войкава 6А)