У нядзелю 27 лістапада а 10.00 вернікі мінскіх грэка-каталіцкіх парафій сьвяткавалі памяць сьв. Апостала Андрэя Першапакліканага.

У капліцы грэка-каталіцкага душпастырскага Цэнтра сьв. Язэпа была адслужана ўрачыстая Боская Літургія, якую ўзначаліў Высокадастойны Ўладыка Архібіскуп Клаудыё Гуджэроцці, Апостальскі Нунцый у Беларусі, які скіраваў да шматлікіх вернікаў сваё душпастырскае слова.

У нядзелю, 27 лістапада 2011 г., вернікі мінскіх грэка-каталіцкіх парафіяў будуць святкаваць памяць св. Апостала Андрэя Першапакліканага (дзень яго памяці адзначаецца ў царкоўным календары 30 лістапада, але паколькі гэта працоўны дзень святкаванне пераносіцца на нядзелю).

У капліцы грэка-каталіцкага Цэнтра св. Язэпа ў Мінску (па вул. Арджанікідзэ, 6), які ў 2008 г. асвяціў Кардынал Тарчызіо Бертоне, Дзяржсакратар Святога Пасаду, а 10:00 гадз. будзе адслужана Боская Літургія, на якой будзе прысутнічаць Апостальскі Нунцый у Беларусі Высокадастойны Ўладыка Архібіскуп Клаудыё Гуджэроцці, які прамовіць казанне.

Паводле шматгадовай традыцыі, у гэты дзень Апекуна Ўсходняй Царквы, вернікі будуць асабліва маліцца за Беларускую Грэка-Каталіцкую Царкву ды за горад Мінск і ўсіх яго жыхароў.

Сардэчна запрашаем на сумесную малітву.

16 лістапада - гэта дзень ушанавання Iконы Маці Божай Вастрабрамскай, што ў Вільні. Гэты цудадзейны Абраз Маці Божай з Вострай Брамы яшчэ называюць Маці Міласэрнасці.

На землях даўняй Віленшчыны Яе ікона знаходзіцца ў шматлікіх храмах, як каталіцкіх, так і праваслаўных, а таксама ў дамах вернікаў. Маці Міласэрнасці ўшаноўваецца ўсімі хрысціянамі як заступніца Беларусі і Літвы.

Паводле даўняй традыцыі, і сёлета шматлікія пілігрымы з розных краін адправіліся на святкаванне ў Вільню. З’яднаныя малітвай да Нябеснаj Маці, праслаўлялі Яе і шматлікія вернікі з Беларусі.

10–11 лістапада 2011 г. у палацы святога Пія X у Ватыкане адбылася сустрэча «Папа і еўрапейскія валанцёры», арганізаваная Папскай радай «Cor Unum». Беларусь на сустрэчы прадстаўлялі Мітрапаліт Тадэвуш Кандрусевіч, біскуп Віцебскі Уладзіслаў Блін і Апостальскі візітатар для грэка-католікаў у Беларусі архімандрыт Сяргей Гаек.

Кіраўніком Папскай рады «Cor unum» з’яўляецца кардынал Робэр Сара, які 18 чэрвеня 2011 г. узначаліў святую Імшу інаўгурацыі новай катэдры ў Віцебску, а 19 чэрвеня — святую Імшу на плошчы перад касцёлам св. Сымона і св. Алены ў Мінску з нагоды 20-годдзя ўстанаўлення структур Каталіцкага Касцёла ў Беларусі. Для Мітрапаліта Кандрусевіча і біскупа Бліна сустрэча стала добрай нагодай, каб падзякаваць кардыналу Сара за яго візіт у Беларусь у чэрвені гг. Кардынал з цеплынёй узгадаў Мінск і Віцебск і асабліва пабожнасць вернікаў, якія падчас дажджу стаялі на каленях і маліліся.

З 4 па 7 лістапада ў горадзе Орадэя, што ў Трансільваніі ў Румыніі праходзіць штогадовая Сустрэча Ярархаў Усходніх Каталіцкіх Цэркваў Еўропы. Гэтая сынакса (сход) усходніх каталіцкіх ярархаў носіць традыцыйнае імя CHOCE (Conventus Hierachorum Orientalium Catholicorum Europae). Цягам трох апошніх год яна праходзіць пад патранатам CCEE - Рады Біскупскіх Канферэнцый Еўропы.
У гэтым годзе гаспадыняй сустрэчы выступіла Румынская Грэка-Каталіцкая Царква (япархія Орадэя). У сустрэчы бярэ ўдзел большасць ярархаў Усходніх Каталіцкіх Цэркваў Еўропы (не толькі грэка-каталіцкіх але і Мараніцкай Царквы Кіпра). Беларускую Грэка-Каталіцкую Царкву прадстаўляе Апостальскі Візітатар Архімандрыт Сяргей (Гаек).
Тэмай сустрэчы ёсць Новая Евангелізацыя ва Ўсходніх Каталіцкіх Цэрквах. Уводны рэферат прадставіў Старшыня Папскай Рады па справах Новай Евангелізацыі - Архібіскуп Рына Фізікела.

У нядзелю, 30 кастрычніка 2011 года, Апостальскі Візітатар БГКЦ Архімандрыт Сяргей прадставіў вернікам нашай Парафіі новага Адміністратара айца Аляксандра Шыбеку, які быў рукапакладзены ў 2007 годзе і да гэтага часу быў вікарным святаром у Віцебску.

Нашыя віншаванні!

Фрагмент вітража в Митрополичому кафедральному храмі Свв. Володимира і Ольги УГКЦ у м. Вінніпег, Канада16-18 кастрычніка 2011 спаўняюцца 415-ыя ўгодкі памеснага царкоўнага сабору ў Берасці, які праходзіў 6-8 кастрычніка 1596 г. (гэта значыць 16-18 кастрычніка 1596 г. паводле грыгарыянскага каляндара).

*******
Гістарычная даведка

Згодна з загадам Усяленскага Патрыярха Ярэміі ІІ-га біскупы Рускай Царквы правялі ў 1590-1594 гг. шэраг сінодаў (у Берасці і Торчыне), каб абмеркаваць спосабы задавальнення душпастырскіх выклікаў Царквы. На гэтых сінодах выспела ідэя аднаўлення сулучнасці (еднасці) з Рымскім Апостальскім Пасадам.

15-17 кастрычніка 2011 г. у Маскве пройдзе навукова-асветніцкая канферэнцыя на тэму: “Каталіцкая Царква ў СССР у 20-30-ыя гаду ХХ ст.”
Канферэнцыю арганізуе каталіцкая Асацыяцыя “Una Voce Russia” пры падтрымцы Рыма-каталіцкай Архідыяцэзіі Маці Божай у Маскве.
Ад імя БГКЦ у канферэнцыі ўдзельнічае грэка-каталіцкі гісторык-даследчык протапрэзбітар Яўген Усошын, які зачытае даклад на тэму «Антон Неманцэвіч – экзарх грэка-католікаў Беларусі».

Канферэнцыя па гісторыі Каталіцкай Царквы ў СССР мае сваёй мэтай захаванне гістарычнай памяці пра жыццё каталікоў у Савецкім Саюзе ў перадваенныя дзесяцігоддзі, гэта значыць у перыяд нарастання антырэлігійных пераследаў і «вялікага тэрору». Захаванне гістарычнай памяці, на думку арганізатараў, уключае ў сябе: абмен вынікамі навуковых пошукаў паміж спецыялістамі; папулярызацыю новых і ўжо вядомых навуковых дадзеных сярод каталікоў, хрысціян іншых канфесій і ўсіх людзей, якія цікавяцца гісторыяй хрысціянства ў краінах СССР.

16-18 кастрычніка 2011 г. усе грэка-каталіцкія парафіі і супольнасці ў Беларусі адзначаюць 415-ыя ўгодкі Берасцейскай царкоўнай Уніі, якая была абвешчана на царкоўным саборы ў Берасці 6-8 кастрычніка 1596 г. (гэта значыць 16-18 1кастрычніка 1596 г. паводле грыгарыянскага каляндара).

На Боскай Літургіі ў нядзелю, 16 кастрычніка 2011 г., вернікі будуць дзякаваць Богу за 415 гадоў адноўленай царкоўнай Cулучнасці з Рымскім Апостальскім Пасадам ды ўсёй Паўсюднай Царквой.
Гэта будзе дзень малітвы за Святога Айца Бенядыкта XVI-га ды за ягонага Прадстаўніка ў Беларусі Апостальскага Нунцыя Архібіскупа Клаўдыё Гуджэроцці.

Чарговая, ужо пятая, Нацыянальная пілігрымка сем’яў сёлета адбудзецца ў суботу 15 кастрычніка 2011 г. у мінскай рыма-каталіцкай архікатэдры.
На малітоўную сустрэчу пад дэвізам «Сям’я — праца і святкаванне» запрашаюцца сем’і ўсіх дыяцэзій краіны. Групу прадстаўнікоў сем’яў БГКЦ узначальваць будзе а. Алесь Шыбека.