2–3 красавіка Папа Францішак здзейсніць Апостальскае падарожжа на Мальту.

Як паведамляе Каталіцкае інфармацыйнае агенцтва КАІ, падчас візіту Святы Айцец наведае сталіцу краіны Валету, а таксама Гоца, Рабат і Фларыяну.

Дэвізам 36-а замежнага падарожжа Папы Францішка сталі словы з Дзеяў апосталаў: «Былі да нас надзвычай ласкавыя» (Дз 28, 2).

Праграма двухдённага падарожжа 85-гадовага Пантыфіка на выспу святога Паўла даволі насычаная.

• 2 красавіка, чацвер
  • 8.30 (па цэнтральнаеўрапейскім часе) – вылет самалётам з міжнароднага аэрапорта Ф’юмічына ў Рыме
  • 10.00 – прыбыццё ў міжнародны аэрапорт Мальты
  • 10 15 – цырымонія прывітання ў аэрапорце
  • 10.50 – візіт ветлівасці да прэзідэнта Рэспублікі Мальта ў «Пакоі паслоў» Палаца вялікага магістра ў Валеце
  • 11.35 – сустрэча з прэм’ер-міністрам у «Пакоі пажоў» Палаца вялікага магістра ў Валеце
  • 11.50 – сустрэча з уладамі і дыпламатычным корпусам у «Зале вялікай рады» Палаца вялікага магістра ў Валеце — прамова Святога Айца
  • 15.50 – выезд на катамаране з Вялікага порту Валеты на Гоца
  • 17.00 – прыбыццё ў порт Мджар
  • 17.30 – малітоўная сустрэча ў Нацыянальным марыйным санктуарыі Та’Піну на Гоца — казанне Святога Айца
  • 18.45 – адплыццё на пароме з порту Мджар на Мальту
  • 19.30 – прыбыццё ў порт Чыркева і прыезд у Апостальскую нунцыятуру ў Рабаце
• 3 красавіка, нядзеля
  • 7.45 – прыватная сустрэча з манахамі Таварыства Езуса (езуітамі) ў Апостальскай нунцыятуры ў Рабаце
  • 8.30 – наведванне грота святога Паўла — базыліка святога Паўла ў Рабаце — малітва Святога Айца
  • 10.15 – святая Імша на плошчы Свірнаў (Piazzale dei Granai) у Фларыяне — гамілія Святога Айца і малітва «Анёл Панскі»
  • 16.45 – сустрэча з мігрантамі ў Цэнтры мігрантаў «Лабараторыя міру імя святога Яна ХХІІІ» ў Гал Фар — прамова Святога Айца
  • 17.50 – цырымонія развітання ў міжнародным аэрапорце Мальты
  • 18.15 – вылет самалётам у Рым
  • 19.40 – прылёт у міжнародны аэрапорт Ф’юмічына ў Рыме

Паводле: КАІ / Catholic.by