Кіраўнік прэс-службы Святога Пасаду Матэо Бруні апублікаваў заяву па Беларусі, якая стала адказам на шматлікія запыты журналістаў.

Са зместам заявы знаёміць Беларуская рэдакцыя парталу Vatican News.

«Святы Пасад працягвае ўважліва сачыць за развіццём сітуацыі ў Беларусі і крокамі, якія робяцца рознымі зацікаўленымі суб’ектамі, захоўваючы прыхільнасць да дасягнення дэмакратычных і мірных шляхоў рэалізацыі законных патрабаванняў беларускага народа»,— гаворыцца ў афіцыйнай заяве каіраўніка ватыканскай прэс-службы.

Vatican News нагадвае, што 16 жніўня 2020 г. падчас нядзельнай сустрэчы з вернікамі Пантыфік асабіста выказаўся адносна падзей у Беларусі. «Мае думкі кірую да дарагой Беларусі. З вялікай увагай сачу за сітуацыяй, якая склалася пасля выбараў у краіне. Заклікаю да дыялогу, спынення гвалту, паважання справядлівасці і права. Давяраю ўсіх беларусаў апецы Багародзіцы, Каралевы супакою», — сказаў тады Папа Францішак.

Паводле Catholic.by