Пошук

Каляндар

 

У свае імяніны Папа Францішак наведаў бедных, якія праходзяць вакцынацыю, і пачаставаў іх шакаладнымі яйкамі  


У свае імяніны Папа Францішак наведаў бедных, якія праходзяць вакцынацыю, і пачаставаў іх шакаладнымі яйкамі23 красавіка, у дзень свайго нябеснага апекуна святога Юрыя, Папа Францішак скіраваўся ў атрыум Залы Паўла VI, каб наведаць бедных, якія праходзяць вакцынацыю ў Ватыкане.


Як са спасылкай на прэс-службу Святога Пасаду паведаміла беларуская рэдакцыя парталу Vatican News, прысутныя праспявалі Святому Айцу песню з добрымі пажаданнямі на імяніны, а ён паразмаўляў з некалькімі валанцёрамі, запрасіўшы іх працягваць высакародную місію.

 

У паведамленні прэс-службы таксама адзначаецца, што Папа Францішак пачаставаў усіх шакаладнымі яйкамі, якія валанцёры з захаваннем неабходных санітраных мер раздалі прысутным.

Святы Айцец падзякаваў тым, хто робіць свой унёсак у ініцыятыву па вакцынацыі людзей у самых бедных краінах свету.

 

Між тым у Ватыкане 23 красавіка другой дозай вакцыны былі прышчэплены каля 600 з 1400 асоб, што знаходзяцца ў патрэбе.

 

Паводле: Vatican News / Catholic.by

23.04.2021

Copyright 2008 Язэп.org
Пры выкарыстаньні матэрыялаў пажадана спасылка.
Design by Zmicier