Міжканфесійная малітоўная сустрэча мужчынаў у Мінску

 
У суботу, 23 студзеня 2021, у капліцы Душпастырскага цэнтра грэка-каталіцкай парафіі Праведнага Язэпа ў Мінску прайшла міжканфесійна духовая сустрэча мужчынаў.

Яна ўпісвалася ў Тыдзень малітваў аб Еднасці хрысціян (які праходзіў з 18 па 25 студзеня) ды працягвала традыцыю духовых сустрэчаў мужчынаў, што праходзілі ў мінулыя гады.

Ва ўмовах пандэміі колькасць запрошаных была абмежаваная да 20-ці чалавек.

Удзельнічалі грэка-католікі, рыма-католікі і праваслаўныя вернікі.

Чыталі Псалом 1 “Шчаслівы муж, што не ішоў за радай нязбожных” ды фрагмент Евангелля паводле Мацвея (5,3-12) “Шчаслівыя ўбогія духам…”.

Ераманах Лявонцій (Тумоўскі) – доктар ўсходняй тэалогіі, падзяліўся рэфлексіяй адносна да феномена закрытасці некаторых канфесійных супольнасцей на братэрскі дыялог.

У братэрскай супольнасці прагучала шчырая малітва за Беларусь, якой вымоўным завяршэннем быў супольны спеў гімна “Магутны Божа”.