Пошук

Каляндар

 

У галоўным касцёле Мінска памоляцца за спачылага Мітрапаліта Філарэта  


У галоўным касцёле Мінска памоляцца за спачылага Мітрапаліта ФіларэтаУ пятніцу 15 студзеня ў мінскім катэдральным касцёле Найсвяцейшага Імя Марыі арцыбіскуп Тадэвуш Кандрусевіч узначаліць цэлебрацыю святой Імшы за спачылага Мітрапаліта Філарэта, які адышоў у вечнасць 12 студзеня.

 

Вернікі Каталіцкага Касцёла ў Беларусі разам са сваімі пастырамі падзяляюць смутак праваслаўных братоў з прычыны смерці Ганаровага Патрыяршага Экзарха ўсяе Беларусі Мітрапаліта Філарэта, які шмат зрабіў для развіцця добрых адносін паміж прадстаўнікамі дзвюх галоўных хрысціянскіх канфесій нашай краіны.

 

У сваім спачувальным слове Ганаровы Мітрапаліт Мінска-Магілёўскі арцыбіскуп Тадэвуш Кандрусевіч назваў спачылага праваслаўнага Экзарха сваім сябрам і настаўнікам.

 

Святая Імша ў мінскай архікатэдры за спачылага Мітрапаліта Філарэта адбудзецца ў дзень яго пахавання ў Жыровіцкім Свята-Успенскім манастыры.

 

Пачатак у 18.30.


На партале Catholic.by будзе весціся прамая трансляцыя святой Імшы, цэлебрацыю якой узначаліць арцыбіскуп Тадэвуш Кандрусевіч.

 

 

Паводле Catholic.by

 

14.01.2021

Copyright 2008 Язэп.org
Пры выкарыстаньні матэрыялаў пажадана спасылка.
Design by Zmicier