Айцец Андрэй Буйніч нарадзіўся 19.04.1978 г. у г. Столін Берасьцейскай вобласьці. У 1995 г. скончыў СШ №2 і паступіў на механіка-матэматычны факультэт Беларускага дзяржаўнага ўніверсітэта. Пад час вучобы ў 1997 г. далучыўся да Каталіцкай Царквы. У 2000 г. скончыў універсітэт, атрымаўшы дыплом матэматыка-сістэматэхніка, і паступіў, як семінарыст Беларускай Грэка-каталіцкай Царквы, у Вышэйшую духоўную семінарыю ў г. Драгічын-над-Бугам (Польшча).

У 2006 г. Андрэй Буйніч скончыў вучобу ў семінарыі і абараніў магістэрскую працу з маральнай тэалогіі на тэму “Указаньне маральных вартасьцяў у «Валадару пярсьцёнкаў» Дж. Р. Р. Толкіна” на Папскам тэалагічным факультэце (секцыя Яна Хрысьціцеля) ( PWT ).

7 студзеня 2006 г. узяў шлюб з Аленай Лукашонак. 12 чэрвеня 2006 г. у Івана-Франкоўску (Украіна) атрымаў дыяканскія сьвячаньні з рук біскупа Сафрона Мудрага, 17 сьнежня гэтага ж году ўладыка Сафрон удзяліў яму сьв. Таямніцу Сьвятарства. На дадзены момант зьяўляецца вікарыям парафіі імя Сьв. Язэпа ў Мінску. Бацька дваіх дзетак.

Гл. таксама: «Я вельмі хацеў, каб Госпад жыў у маім сэрцы» Газета "Царква" № 2 (53), 2007