Пошук
Нядзельнае казаньне
пятніца
САКАВІКА |
Вялікая пятніца. Успамін мукаў і сьмерці Хрыстовай |
Папа Рымскі Францішак сустрэўся з Патрыярхам Іерусалімскім Тэафілам ІІІ
23 кастрычніка 2017 года ў Ватыкане прайшла сустрэча Папы Францішка і Патрыярха Тэафіла ІІІ, прадстаяцеля Іерусалімскай Праваслаўнай Царквы.
У прамове Пантыфік выказаў шчырае жаданне і гатоўнасць працягваць шлях да поўнай еднасці паміж католікамі і праваслаўнымі. «Калі б мы гэтага не рабілі, гэта было б самай цяжкой правінай сённяшняга дня, было б ухіленнем ад настойлівага закліку Хрыста, а таксама знакаў часу, якія Дух сее на шляху Царквы», — сказаў Святы Айцец.
Папа Францішак выказаў занепакоенасць сітуацыяй тых, хто пакутуе ад канфліктаў у Святой Зямлі. Ён пажадаў, каб у рэгіёне спынілася насілле, дыскрымінацыя і праявы неталерантнасці супраць людзей, а таксама юдэйскіх, хрысціянскіх і мусульманскіх культавых будынкаў.
Іерусалім, актуальны статус якога павінен бараніцца і ахоўвацца, павінен быць месцам, дзе ўсе могуць жыць у міры, бо ў адваротным выпадку, «спіраль пакут будзе працягвацца для ўсіх і бясконца», падкрэсліў Папа.
Пантыфік таксама пажадаў, каб хрысціяне Святой Зямлі лічыліся інтэгральнай часткай грамадства, якая робіць свой унёсак у супольнае дабро і будаванне міру, што можа быць яшчэ больш плённым пры ўзаемадзеянні розных канфесій, прысутных у рэгіёне.
Сустрэча Папы Францішка з Тэафілам ІІІ была не першай. Дагэтуль яны сустракаліся ўжо двойчы: падчас пілігрымкі Пантыфіка ў Святую Зямлю ў маі 2014 г. і з нагоды малітвы за мір, якая ў чэрвені 2014 г. была арганізавана ў Ватыканскіх садах.
Паводле Catholic.by |
24.10.2017
|