У беларускім МЗС паведамілі, што 10-13 студзеня амбасадар Беларусі ў Вялікабрытаніі, а таксама пры Святым Пасадзе па сумяшчальніцтве Сяргей Алейнік зрабіў рабочую паездку ў Ватыкан.

Ён удзельнічаў у навагодняй аўдыенцыі Папы Рымскага Францыска для дыпкорпуса, акрэдытаванага пры Святым Пасадзе. У ходзе аўдыенцыі адбылася кароткая размова пасла з Пантыфікам, паведамілі ў МЗС.

У Ватыкане прайшлі таксама двухбаковыя сустрэчы пасла Беларусі з Дзяржсакратаром Святога Прастола кардыналам П’етра Паралiнам, Сакратаром па адносінах з дзяржавамі Дзяржсакратарыята Ватыкана (міністрам замежных спраў) арцыбіскупам Полам Галахерам і старшынёй Папскай Рады па культуры кардыналам Джанфранка Равазі. Абмяркоўваліся актуальныя пытанні супрацоўніцтва Беларусі і Ватыкана, а таксама правядзенне двухбаковых мерапрыемстваў ў 2016 годзе.

Паводле krynica.info