У нядзелю, 17 студзеня 2016 г., на св. Імшы а 17:00 гадз., у касцёле святых Сымона і Алены ў Мінску будзе спяваць грэка-каталіцкі міжпарафіяльны хор "Прасфара". Будуць маліцца разам рыма-католікі і грэка-католікі - гэта будзе набажэнства падзякі за свята Богаз'яўлення а таксама малітва за служэнне Папы Францішка.

У царкоўным каляндары візантыйскай традыцыі 16 студзеня святкуецца Пакланенне пачэсным кайданам святога Апостала Пятра (царкоўнаслав.:Поклонение честным веригам святого Апостола Петра). Пачэсныя кайданы Апостала Пятра захоўваюцца і ўшаноўваюцца у храме ў san Pietro in vincoli у Рыме.

Гэтае свята асабліва блізкае беларускім грэка-католікам. У мінулых стагоддзях яно напамінала ўніятам, што за Еднасць з Рымскім Пасадам Апостала Пятра часто прыходзіць плаціць кайданамі. Што і мела месца ў час пераследу ўніятаў у царскай Расеі. 

Зараз гэтае свята адзначаецца як дзень падзякі за поўную еднасць, якой у Каталіцкай (Паўсюднай) Царкве з'яднаныя рыма-каталікі, грэка-католікі, армяна-католікі ды вернікі іншых Усходніх Каталіцкіх Цэркваў.

Пасля св. Імшы хор "Прасфара" праспявае калядныя песнапенні візантыйскай традыцыі ды беларускія калядкі.

Запрашаем да супольнай малітвы.