Апостальскі Нунцый Архібіскуп Клаўдзій (Гуджэроцці) узначаліў святочную сінаксу грэка-католікаў Беларусі.

У нядзелю 27 кастрычніка 2014 г., напрыканцы Года веры, Апостальскі Нунцый у Беларусі Уладыка Клаўдзій (Гуджэроцці) наведаў грэка-каталіцкую парафію Святых Кірыла і Мятода ў Баранавічах. На святочную сінаксу (сустрэчу), у якой было адзначана 1150 гадоў пачатку Славянскай Місіі святых Кірыла і Мятода (863-2013), сабраліся прадстаўнікі грэка-каталіцкіх парафіяў Заходняга протапрэзбітарату (дэканата), але прыбылі таксама пілігрымы з Віцебска (Усходні протапрэзбітарат) і Мінска (Цэнтральны протапрэзбітарат).

Сінакса праходзіла пад тытулам “Святло веры” і была інспіраваная зместам энцыклікі “Lumen fidei” (Святло веры) Яго Святасці Папы Францішка.

У супольнаяй малітве былі ўзгаданыя вялікія сведкі веры, пачынаючы ад святых Кірыла і Мятода, праз вялікіх мітрапалітаў Уніяцкай Царквы Іпація Пацея (+1613 г.) і Язэпа Руцкага (уступіў на пасад у 1613 г.), праз святога Язафата да блаславёнага святамучаніка Мікалая Чарнецкага (які быў Апостальскім Візітатарам для грэка-католікаў Беларусі ў міжваенны час) ды пакутніка экзарха Антона Неманцэвіча (+1942).

Удзельнікі сінаксы з вялікай удзячнасцю прынялі словы Прадстаўніка Святога Айца, які напомніў, што святло веры прасвятляе ўсё жыццё народу, ягоную працу і культуру.

Матэрыял з гэтай падзеі чытайце: http://catholic.by/2/home/news/belarus/gkc...ryl-mjatod.html

Фота бр. Карнэлія Консэка SVD