Што значыць для нас дыялог Ісуса і самаранкі? Адказ на гэта пытанне ў кароткім казанні айца Андрэя Буйніча. Ліда, 10 траўня 2020.

 

Нядзеля, 10 траўня 2020, з 11:00 да 12:30 (час Мінска)

 

Запрашаем на анлайн-трансляцыю Боскай Літургіі з парафіі св. Язафата! 
Увага! Сябры, каб паглядзець трансляцыю трэба ўвайсці на старонку "Грэка-каталіцкая парафія св. Язафата г. Ліда" у адпаведны час (https://www.facebook.com/lidabhkc/),
каб не прапусціць трансляцыю, заахвочваем вас упадабаць старонку - у гэтым выпадку, пры адкрытай старонцы фэйсбуку, вы атрымаеце паведамленне, што трансляцыя пачалася.
Калі вы упадабаеце, гэту падзею, то ў адпаведны час атрымаеце паведамленне аб пачатку падзеі, АЛЕ вам усё роўна трэба будзе ўвайсці на старонку. (Падзея на фэйсбуку дзейнічае толькі як напаміналка).

7 траўня, у дзень ушанавання Іконы Маці Божай Жыровіцкай

грэка-католікі моляцца за Беларусь.

 

***

 

У 2003 годзе, зьвяртаючыся да каталіцкіх ярархаў Беларусі падчас іх візіту «ad limina Apostolorum», менавіта Яе апецы даручыў Папа Рымскі Ян Павел II Беларусь:

«Даручаю ўсіх апецы Найсьвяцейшай Панны Марыі, якая ўшаноўваецца на вашай зямлі пад імем Маці Божай Жыровіцкай.

Прашу Яе быць заступніцай вас, вялебныя і любыя Сабраты, і вашых бліжэйшых памочнікаў — сьвятароў, законьнікаў і законьніц, семінарыстаў і сьвецкіх асобаў, якія актыўна займаюцца апостальскай дзейнасьцю, і ўсёй каталіцкай грамады, што жыве ў Беларусі.

Няхай на ўсіх і на кожнага прасьцягне Яна разам са сьвятымі Заступнікамі вашай зямлі, сваю матчыну апеку».

Першаіерарх Украінскай Грэка-Каталіцкай Царквы Яго Блаславенства СВЯТАСЛАЎ адзначае 50 год жыцця. 

 

Клір і вернікі Беларускай Грэка-Каталіцкай Царквы шчыра віншуюць Найдастойнага Юбіляра.

 

Апостальскі Візітатар для грэка-католікаў Беларусі, архімандрыт Сяргей (Гаек)

накіраваў Дастойнаму Юбіляру віншавальны ліст.

3 мая Папа Францішак прызначыў ксяндза Генрыха Мечыслава Ягадзінскага, які пэўны час працаваў у прадстаўніцтве Святога Пасаду ў Беларусі, Апостальскім нунцыем у Гане, менаваўшы яго тытулярным біскупам Лімасанскім.

Адпаведнае паведамленне з’явілася ў нядзелю на рэсурсе Святога Пасаду Vatican.va.

 

Ксяндзу Генрыху Ягадзінскаму 51 год, ён паходзіць з Келецкай дыяцэзіі ў Польшчы.

 

З 2001 па 2005 год святар працаваў як сакратар Апостальскай нунцыятуры і Часовы павераны ў справах Святога Пасаду ў Рэспубліцы Беларусь.

5 мая найстарэйшы ў Беларусі каталіцкі іерарх біскуп Казімір Велікаселец ОР адзначае 75-гадовы юбілей з дня нараджэння.

Казімір Велікаселец нарадзіўся ў вёсцы Стараволя Пружанскага раёна, што на Брэстчыне, у пабожнай каталіцкай сям’і. Пасля службы ў войску працаваў на будоўлі ў Вільні. Там пазнаёміўся з Ордэнам Прапаведнікаў (дамінканаў), у які пажадаў уступіць.

 

Гэтыя мары здзейсніліся падчас навучання ў Рыжскай духоўнай семінарыі, куды быў залічаны ў 1981 годзе. Паколькі атэістычныя ўлады доўга не давалі яму дазволу на паступленне ў гэтую адну з двух каталіцкіх семінарый, што дзейнічалі ў Савецкім Саюзе, душпастырскую фармацыю Казімір Велікаселец распачаў у тагачаснага Генеральнага вікарыя Пінскай дыяцэзіі ксяндза Вацлава Пянткоўскага.

Гамілія пробашча парафіі святога Язафата а. Андрэя Буйніча на Нядзелю Раслабленага, Ліда, 3 траўня 2020.

 

Нядзеля, 3 траўня 2020, з 11:00 да 12:30 (час Мінска)

 

Запрашаем на анлайн-трансляцыю Боскай Літургіі з парафіі св. Язафата! 
Увага! Сябры, каб паглядзець трансляцыю трэба ўвайсці на старонку "Грэка-каталіцкая парафія св. Язафата г. Ліда" у адпаведны час (https://www.facebook.com/lidabhkc/),
каб не прапусціць трансляцыю, заахвочваем вас упадабаць старонку - у гэтым выпадку, пры адкрытай старонцы фэйсбуку, вы атрымаеце паведамленне, што трансляцыя пачалася.
Калі вы упадабаеце, гэту падзею, то ў адпаведны час атрымаеце паведамленне аб пачатку падзеі, АЛЕ вам усё роўна трэба будзе ўвайсці на старонку. (Падзея на фэйсбуку дзейнічае толькі як напаміналка).

Віншуем протапрэзбітара Андрэя Абламейку з 50годдзем!

Хрыстос уваскрос! Сёння - 30 красавіка 2020 - а. Андрэй Абламейка, протапрэзбітар Цэнтральнага Дэканата БГКЦ  адзначае  50 год жыцця і 30 год дзейнасці ў БГКЦ. Нагода памаліцца за яго і павіншаваць! 
Віншуем а. Андрэя як стваральніка і пачынальніка нашага сайта: www.svjazep.org

Viber а. Андрэя: +375-29-6504714.

Казанне а. Андрэя Буйніча на нядзелю Жанчын Міраносіцаў. Ліда, 26 красавіка 2020.