9 мая 2025 года Папа Леў XIV узначаліў святую Імшу за Касцёл. Літургія на завяршэнне канклава прайшла ў Сікстынскай капэле Апостальскага палаца ў Ватыкане. Разам з новым Папам малілася Калегія кардыналаў.

“Ты – Хрыстус, Сын Бога жывога” (Мц 16,16). Гэтымі словамі Пётр, калі Настаўнік спытаўся яго разам з іншымі вучняў пра іх веру ў Яго, выказвае ў сціслай форме той скарб, які ўжо дзве тысячы гадоў Касцёл захоўвае, паглыбляе і перадае праз апостальскую пераемнасць”, - такімі словамі Леў XIV пачаў сваю першую гамілію, прамоўленую ў якасці Папы.

Падчас выступлення ў Афінскім музеі Патрыярх Канстантынопальскі выказаў спадзяванне на тое, што зможа працягнуць справу праваслаўна-каталіцкага збліжэння разам з Львом XIV.

Выбар імя новага Папы Барталамей I расцаніў як станоўчы знак. Пра гэта ён заявіў 8 мая 2025 года падчас мерапрыемства ў Афінскім музеі. Ганаровы прадстаяцель праваслаўных хрысціян ва ўсім свеце адзначыў, што папярэднік новага Пантыфіка – Леў XIII, які займаў Пятроў Пасад з 1878 па 1903 год, быў вядомы сваім укладам у развіццё сацыяльнага вучэння і грамадскую дзейнасць Касцёла.

«Супакой вам!» — такімі словамі Леў XIV пачаў свой першы зварот, які скіраваў да Касцёла і ўсяго свету ўвечары 8 мая 2025 года з лоджыі благаслаўленняў Базілікі Святога Пятра.

«Дарагія браты і сёстры, гэта першае прывітанне ўваскрослага Хрыста, Добрага пастыра, які аддаў жыццё за Божы статак. Таксама і я хацеў бы, каб гэта прывітанне супакою ўвайшло ў вашы сэрцы, дасягнула вашых сем’яў, усіх людзей, дзе б яны не былі, усіх народаў, усёй зямлі. Супакой вам!», — сказаў новаабраны Пантыфік.

Кардынал Роберт Фрэнсіс Прэвост абраны новым Папам і прыняў імя Леў XIV. Ён з'явіўся на балконе Базілікі Святога Пятра і ўдзяліў першае благаслаўленне.

Сёння, 8 мая 2025 года, Каталіцкі Касцёл атрымаў новага Пастыра. Кардынал Роберт Фрэнсіс Прэвост быў абраны Папам і прыняў імя Леў XIV. Кардынал-протадыякан Дамінік Мамбэрці агучыў традыцыйную формулу "Habemus Papam" з цэнтральнага балкона Базілікі Святога Пятра прыкладна ў 19.15 па рымскім часе.

7 мая ў Ватыкане распачынаюцца выбары 267-а Папы — канклаў.

Працэдуру абрання новага Пантыфіка папярэдзіла святая Імша Pro eligendo Pontifice («Аб выбары Пантыфіка») ў Базыліцы Святога Пятра, якую ўзначаліў кардынал Джавані Баціста Рэ, дэкан Калегіі кардыналаў.

7 траўня 2025 г. - свята Маці Божай Жыровіцкай (свята Парафіі ў Івацэвічах) прыпадае на сераду; 9 траўня 2025 г. - свята Перанясення мошчаў св. Мікалая з Мір Лікійскіх ў Бары (свята Парафіі ў Мінску) прыпадае на пятніцу.

Каб захаваць святочны характар гэтых святых дзён, Апостальскі Адміністратар БГКЦ архім. Сяргей (Гаек) - на падставе Канона 1536, п. 1 і п. 2 (Кодэксу Канонаў Усходніх Цэрваў) - удзяляе грэка-католікам у Беларусі дыспенсу ад устрымання ад мясных страў у гэтыя дні. 

Падчас генеральнай кангрэгацыі перад пачаткам канклава кардыналы выказалі глыбокі жаль з прычыны адсутнасці прагрэсу ў мірных працэсах і заклікалі да перманентнага спынення агню.

Святы Пасад апублікаваў афіцыйную заяву, у якой кардыналы выказваюць сур'ёзную занепакоенасць сітуацыяй у зонах канфліктаў.

Старшыня Канферэнцыі Каталіцкіх Біскупаў Цэнтральнай Азіі біскуп Хасэ Луіс Мумбіела Сьера ўзгадаў глыбокую чалавечнасць Папы Францішка, якая кранала сэрцы людзей.

У інтэрв'ю Vatican News біскуп Мумбіела Сьера адзначыў, што апостальскія падарожжы Францішка ў краіны Цэнтральнай Азіі сталі “своеасаблівым жывым Евангеллем”, пастырскім наведваннем “малога статка”. Ён падкрэсліў асаблівую ўвагу Папы да тых, хто знаходзіцца на перыферыі, як у геаграфічным сэнсе, так і з пункту гледжання грамадскай увагі. Францішак стаў першым Папам у гісторыі, які за кароткі час наведаў тры краіны рэгіёну: Азербайджан у 2016 годзе, Казахстан у 2022 годзе і Манголію ў 2023 годзе.

30 гадоў таму - 2 Траўня 1995 Папа св. Ян Павел ІІ выдаў Апостальскае пасланне СВЯТЛО ЎСХОДУ (Orientale Lumen) - аб каштоўнасці ды актуальнасці традыцыі (духоўнай спадчыны) ўсходніх цэркваў для Паўсюднай Царквы. Пераклад зроблены Беларускай рэдакцыяй Радыё Ватыкан быў выдадзены ў Мінску Дэканатам БГКЦ - як першы дакумент Яна Паўла Паўла ІІ на беларускай мове.

Апостальская пасланне "Святло Ўсходу" (Orientale Lumen) Папа Ян Павел ІІ пачынае з закліку да адзінства паміж Заходняй і Усходняй Цэрквамі, падкрэсліваючы, што Святло Усходу неабходнае для паўнаты царкоўнага жыцця на Захадзе.

Былы прэфект Дыкастэрыі па справах Усходніх Цэркваў узначаліў сёмую Імшу навендыялаў за памерлага Папу. Ён паразважаў над верай ва ўваскрасенне з мёртвых, асабліва ў святле смерці Францішка, якая адбылася ў Велікодны панядзелак.

2 мая 2025 года ў Базіліцы Святога Пятра прайшла сёмая Імша ў інтэнцыі спачылага Пантыфіка. Памаліцца за Францішка сабраліся вернікі і духавенства Усходніх Цэркваў.