18 красавіка споўнілася чарговая гадавіна блаславёнага спачыну Слугі Божага Уладыкі Баляслава Слосканса, Апостальскага Візітатара для Беларусаў у Замежжы (1952 - 1960).

У аўторак 17 красавіка 2012 г., у мінскай грэка-каталіцкай парафіі Святога Духа, прайшоў малітоўны ўспамін Слугі Божага Уладыкі Баляслава Слосканса.
На Боскай Літургіі, якую ў саслужэнні душпастыроў мінскіх грэка-каталіцкіх парафіяў ды а. Андрэя Буйніча з Ліды, узначаліў Апостальскі Візітатар БГКЦ Архімандрыт Сяргей (Гаек), удзельнікі маліліся аб праслаўленні (беатыфікацыі) Біскупа Баляслава.

Казанне пра гераічнае святарскае і біскупскае служэнне Ўладыкі Баляслава, а асабліва пра ягоную пастырскую апеку над беларусамі, сказаў мінскі протапрэзбітар Яўген Усошын.

У нядзелю Антыпасхі 15 красавіка 2012 г. у грэка-каталіцкай Парафіі Хрыста Чалавекалюбцы, што ў Маладзечне, адзначалася парафіяльнае свята.

Урачыстая Літургія распачалася а 16:00 гадз., пад час якой вернікі маліліся да Міласэрнага Хрыста аб блаславенні для парафіі ды для ўсяго Маладзечна. 

У святочнай гаміліі душпастыр парафіі а. Аляксандр Шыбека, звярнуў увагу вернікаў на вялікае значэнне чалавечай дабрыні і міласэрнасці ў справе абвяшчэння Евангелля ў сучасным свеце.

У Любліне (Польшча), горадзе, у якім нёс духоўнае служэнне Экзарх Антон Неманцэвіч, былі ўзгаданыя яго духоўны і пакутніцкі подзвіг.

Па запрашэнні а. Мітрата Стэпана Батруха, пробашча грэка-каталіцкай парафіі ў Любліне, Апостальскі Візітатар БГКЦ Архімандрыт Сяргей (Гаек) ў днях 12-13 красавіка 2012 прыняў удзел у духовай пілігрымцы па месцах звязаных з служеннем Экзарха Антона ў г. Любліне.

Гэта былі перш за ўсё Люблінскі Каталіцкі Ўніверсітэт, дзе малады рымскі доктар усходніх царкоўных навук а. Антон Неманцэвіч быў выкладчыкам у 1928/1929 гг.

Далей гэта быў храм св. Язафата па вул. Зялёнай, дзе свой час знаходзіўся Усходні Інстытут, якім у тыя ж самыя гады кіраваў а. Антон Неманцэвіч.
У гэтым храме праз пэўны час малілася Люблінская грэка-каталіцкая супольнасць.

У аўторак 10 красавіка 2012 г. у Базыліцы св. Пятра ў Рыме адбылася пахавальная служба кард. Ігната Майсея І Дауда (Ignace Moussa I Daoud), які памёр у Рыме ў Вялікую Суботу – 7 сакавіка 2012 г. ранкам ва ўзросце 81 год.
У 1998-2000 гг. быў ён Антыяхійскім Патрыярхам Сіра-Каталіцкай Царквы а ў 2000 – 2007 гг. быў Прэфектам Кангрэгацыі Ўсходніх Цэркваў.

Кардынал Ігнат Майсей І Дауд паходзіў з Сірыі, з наваколля г. Гомс. Чатыры гады (1994-1998) ён быў сіра-каталіцкім архібіскупам гэтага горада, які сёння з’яўляецца сімвалам грамадзянскай вайны, якая вядзецца на бацькаўшчыне памерлага кардынала.
Пра гэта згадаў Яго Святасць Папа Бенядыкт XVI у спачувальнай тэлеграме, вызнаючы, што паведамленне пра смерць Патрыярха ён прыняў з вялікім смуткам.

Радасьць вялікага сьвята не павінна, аднак, даць нам забыць, што Велікодную Нядзелю апярэджвала Вялікая Пятніца, калі Госпад Ісус Хрыстос павіс на крыжы, фальшыва абвінавачаны тымі, што ўважалі сябе духоўнымі правадырамі народу, і адданы на сьмерць судзьдзёю, каб дагадзіць абвінаваўцам, хоць сам не знайшоў ў Ім ніякай віны. Ні судзьдзя, ні абвінаваўцы не падазравалі, што засудзілі на сьмерць Таго, каго магіла не магла ўтрымаць і хто сказаў пра сябе: «Я — дарога, і праўда, і жыцьцё».

Да пасхальнай радасці Ўваскрасення Госпада нашага Ісуса Хрыста Святая Царква прывяла нас праз Вялікі Тыдзень Мукаў Хрыстовых, асабліва праз Вялікі Чацвер, Вялікую Пятніцу, Вялікую Суботу. У багаслужбах тых дзён мы маглі ўспамінаць увесь Провід Божы, які Ісус Хрыстос споўніў дзеля нас і дзеля нашага збаўлення.

У Вялікі Чацвер мы ўзгадвалі вялікі Дар Еўхарыстыі і святарскага служэння, які Хрыстос даручыў Сваёй Святой Царкве. Гэта было для ўсіх нас добрай нагодай асэнсаваць каштоўнасць гэтага дару святарства для ўсяго Народу Божага.
Усіх святароў Беларускай Грэка-Каталіцкай Царквы даручаю вашым малітвам і дзякую ім за ахвярнае і бескарыслівае служэнне Богу, Царкве і Бацькаўшчыне.
Усім вернікам выказваю глыбокую ўдзячнасць за духоўную, малітоўную і матэрыяльную падтрымку іхняга служэння.

Дарагія браты і сёстры!
Запрашаем на Святочныя набажэнствы у царкве святых Кузьмы і Дзям’яна (Vyšehradská 49, Praha 2. Уваход з вуліцы Na Slovanech) 

ВЯЛІКАЯ ПЯТНІЦА – 6.04.2012
гадз. 18:30 – Вячэрня з выносам Плашчаніцы, пакланенне Мукам Хрыста
магчымасць Споведзі

ВЯЛІКДЗЕНЬ - НЯДЗЕЛЯ ЎВАСКРАСЕННЯ ГАСПОДНЯГА – 8.04.2012

гадз. 11:00 – Боская Літургія Ўваскрасення Гасподняга
Асвячэнне велікодных страваў

Пасля Літургіі Пасхальная агапа ў царкоўнай залі.

Ваш у Хрысце
а. Андрусь Абламейка

У Вялікую Сераду - 4 красавіка 2012 г. у межах візіту ў Віцебскую дыяцэзію Апостальскі Нунцый у Беларусі Высокадастойны Архібіскуп Клаўдыё Гуджэроцці, па запрашэнні Апостальскага Візітатара для грэка-католікаў Беларусі архімандрыта Сяргея Гаека наведаў храм Уваскрасення Хрыстовага Грэка-каталіцкай Царквы ў Віцебску.

У сустрэчы Архібіскупа Нунцыя з віцебскімі грэка-католікамі прыняў удзел Упаўнаважаны па справах рэлігій і нацыянальнасцяў Віцебскага аблвыканкама Сяргей Н. Фадзеенкаў, пробашч віцебскай грэка-каталіцкай парафіі протапрэзбітар Зміцер Грышан і грэка-каталіцкія семінарысты. 

Расклад Службаў у грэка-каталіцкіх парафіях Мінска

Парафія Праведнага Язэпа і Парафія святога Міколы Цудатворцы
(ў капліцы Душпастырскага Цэнтра святога Язэпа: вул. Арджанікідзэ д. 6, 
ст. метро «Аўтазаводская»)

ВЯЛІКІ ПАНЯДЗЕЛАК - 2.04.2012
гадз. 18:30 – Літургія раней асвячаных Дароў

ВЯЛІКі АЎТОРАК - 3.04.2012,
гадз. 18:30 – Літургія раней асвячаных Дароў

ВЯЛІКАЯ СЕРАДА - 4.04.2012,
гадз. 17:30 – Споведзь
гадз. 18:30 – Літургія раней асвячаных Дароў

ВЯЛІКІ ЧАЦВЕР – 5.04.2012
гадз. 18:30 – Вячэрня з Літургіяй св. Васіля Вял.
і Ютрань 12-ці Евангелляў Мукаў Хрыстовых
Споведзь

ВЯЛІКАЯ ПЯТНІЦА – 6.04.2012
гадз. 18:30 – Вячэрня з выносам Плашчаніцы
і Ерусалімская Ютрань Пахавання Гасподняга
Споведзь

Рэкалекцыі а. Андрэя Крата. Трэцяе казанне.

Разважаючы пра апошнія два прыказанні, я хачу звярнуць увагу на іх супольную рысу – яны гавораць пра матэрыяльныя рэчы. Царква праз гэтыя прыказанні хоча паказаць нам, што Бог прэтэндуе не толькі на духовую частку нашага жыцця, але і на нешта, што па традыцыі не прынята звязваць з рэлігіяй, – на матэрыяльнае. Гэтыя прыказанні гавораць нам: аддайце Богу ўсё – тое, што ясцё, тое, што цешыць вас, тое, чым валодаеце.
Пасціць сёння модна. Выконваць прыказанне “Захоўваць усталяваныя пасты і ў часы пакуты ўстрымлівацца ад удзелу ў забавах” становіцца модным. Але давайце задумаемся, ці правільныя ў нас матывы захавання паста.