3–6 кастрычніка ў Браціславе (Славакія) праходзіла сустрэча Рады Канферэнцыі Біскупаў Еўропы (ССЕЕ) на тэму «Бог і дзяржава. Еўропа паміж свецкасцю і лаіцызмам». Беларусь на сустрэчы прадстаўляў старшыня Канферэнцыі Каталіцкіх Біскупаў Беларусі біскуп Аляксандр Кашкевіч.

Нагодай для таго, каб правесці пасяджэнне ў сталіцы Славакіі па запрашэнні старшыні славацкага епіскапату арцыбіскупа Станіслава Зваленскага, стала завяршэнне юбілейных мерапрыемстваў 1150-годдзя прыбыцця святых Кірыла і Мятода на гэтыя землі. Сустрэчу ўзначальваў Прымас Венгрыі кардынал Петэр Эрдзё.

Міжнародная канферэнцыя «Прымірэнне ў Цэнтральна-Усходняй Еўропе. Новыя выклікі» прайшла ў Варшаўскім Цэнтры праваслаўнай культуры з 2 па 4 кастрычніка. Канферэнцыя адбылася ў межах праекту «Прымірэнне ў Еўропе. Заданне Цэркваў у Беларусі, Украіне, Польшчы і Германіі». У ёй прымалі ўдзел прадстаўнікі Рыма-Каталіцкага Касцёла, Беларускай Праваслаўнай Царквы, Беларускай Грэка-Каталіцкай Царквы, Евангеліцка-Лютэранскай Царквы Беларусі.

28 чэрвеня гэтага года была падпісана «Супольная дэкларацыя з нагоды 70-годдзя Валынскай трагедыі паміж Рыма-Каталіцкім Касцёлам і Грэка-Каталіцкай Царквой Польшчы і Украіны». Гэты дакумент, а таксама трагічныя падзеі на Валыні сталі асноўным прадметам абмеркавання прадстаўнікоў Цэркваў з Польшчы, Украіны, Беларусі і Германіі.

Выступленне Архімандрыта Сяргея (Гаека) на міжнароднай і міжканфесійнай Канферэнцыі ў Рызе (4.10.2013 г.), прысвечанай Памяці Слугі Божага Біскупа Баляслава Слосканса.

1). Ушаноўваем памяць Біскупа Баляслава з нагоды 120-ых угодкаў ягонага нараджэння на латвійскай зямлі. З удзячнай памяццю праглядаем складаныя шляхі ягонага жыцця, нястомнай душпастырскай працы, мужнасці і вялікага сведчання веры падчас пераследванняў - шляхі, якія закранулі многія краіны Усходняй і Заходняй Еўропы, уключна з Беларуссю і Беларусамі на эміграцыі.

Каталіцкая Царква перажывае Год Веры. І для мяне вялікай радасцю з’яўляецца магчымасць удзельнічаць ва ўшанаванні памяці Вялікага Сведкі Веры, Надзеі і Любові – Біскупа Баляслава, сына латышскага народа і пастыра Каталіцкай Царквы.

У днях 3-6 кастрычніка 2013 г. у Рызе пройдуць Дні памяці Біскупа Баляслава Слосканса, з нагоды 120-ых угодкаў яго нараджэння. Ён быў Апостальскім Адміністратарам Магілеўскай архідыяцэзіі і Мінскай дыяцэзіі, а ў пасляваенны час (1952-1960) быў таксама Апостальскім Візітатарам для беларускіх грэка-католікаў у замежжы.

4 кастрычніка ў Рызе адбудзецца міжнародная і міжканфесійная Канферэнцыя, прысвечаная Памяці Слугі Божага Біскупа Баляслава Слосканса. У выступленні на гэтай Канферэнцыі Апостальскі Візітатар для грэка-католікаў Беларусі Архімандрыт Сяргей (Гаек) узгадае двух чарговых Апостальскіх Візітатараў для беларускіх грэка-католікаў у замежжы: Біскупа Баляслава Слоскана (1952-1960) і Біскупа Часлава Сіповіча (1960-1981).

Абодва іерархі заставалі ў глыбокай сяброўскай сулучнасці аж да смерці. Абодва памерлі ў адзін год: Біскуп Баляслаў Слосканс – 18 красавіка 1981 г., Біскуп Часлаў Сіповіч – 4 красавіка 1981 г. Гэтае іх сяброўства было важным знакам сяброўства латышскага і беларускага народаў.

У панядзелак 30 верасня ў 16.00 Яго Святасць Папа Францішак прыняў на прыватнай аўдыенцыі Апостальскага Нунцыя ў Беларусі арцыбіскупа Клаўдыё Гуджэроцці. Падчас саракахвіліннай сустрэчы Папа затрымаўся над жыццём і перспектывамі Беларусі. Асаблівую ўвагу Пантыфік прысвяціў сітуацыі Каталіцкага Касцёла ў Беларусі, радуючыся прагрэсу ў службе Евангеллю на карысць усяго беларускага народа і яго культуры.

Акрамя гэтага Пантыфік атрымаў усю інфармацыю, якой валодае Апостальскі Нунцый, аб становішчы святара Уладзіслава Лазара, выражаючы сваю заклапочанасць і просячы, каб яго асабіста рэгулярна інфармавалі аб развіцці гэтай сітуацыі. Папа запэўніў ўсю каталіцкую супольнасць краіны ў асаблівай блізкасці і ў сваёй асаблівай, бацькоўскай увазе да гэтай далікатнай сітуацыі.

20 верасня ў 18.30 пры грэка-каталіцкім Цэнтры Праведнага Язэпа адбудзецца Боская Літургія ў інтэнцыі абароны ненароджаных дзяцей і ўмацавання хрысціянскіх каштоўнасцяў у нашых сем’ях. Запрашаем на малітву ўсіх людзей, неабыякавых да справы абароны жыцця і сямейных каштоўнасцяў. Пасля Боскай Літургіі прадугледжана гарбата.

Нажаль, Беларусь — адзін з сусветных лідараў па колькасці абортаў і разводаў. Гэта значыць, што ўсе мы нясем пэўную адказнасць за жыццё тых дзетак, якія так і не пабачылі святла Божага. Гэта значыць, што перадусім, мы -хрысціяне павінны яшчэ больш маліцца і ахвяраваць свой час і сілы, каб абараніць нашыя сем’і і дзетак!

У год 1025-годдзя Хросту Русі гістарычная памяць вяртае нас у мінулае. Падзея Хросту кіянаў у Дняпры 988 года святым і вялікім князем Уладзімірам паўплывала на гістарычны лёс не толькі жыхароў Кіева, але і ўсёй тагачаснай Русі, у якой жылі продкі як украінцаў, так і беларусаў. Царква, якая паўстала ў працэсе хрысціянізацыі Русі – Кіеўская Мітраполія – сталася і застаецца да сённяшняга дня духоўнай бацькаўшчынай нашых народаў. Кіеўскае хрысціянства заклала падмуркі ўкраінскай і беларускай нацыянальна-культурных ідэнтычнасцяў. Місіянеры Кіеўскай Царквы пашырылі хрысціянства сярод суседніх народаў, запаліўшы і для іх святло Хрыстовага Евангелля. На працягу стагоддзяў нас аб’ядноўваў не толькі Кіеў – маці гарадоў рускіх і цэнтр хрысціянскіх паломніцтваў, але і Вільня, дзе супрацоўнічалі паміж сабою мітрапаліт Язэп з Руты ды іераманах Язафат з Уладзіміра-Валынскага. Нас асабліва аб’яднала беларускае Берасце, у якім нашыя продкі саборна пацвердзілі іхнюю сулучнасць (communio) з Рымскім Касцёлам. Нас аб’ядноўваюць мучанікі ды вызнаўцы царкоўнай еднасці. Гэта слаўная і велічная супольная гісторыя...

Першы агульнанацыянальны марш у абарону жыцця і сям’і, які пройдзе 21 верасня ў Мінску, распачнецца святой Імшой у мінскай архікатэдры ў 10.30. Дэвіз марша — «За жыццё, за сям’ю, за дзяцей».

Чакаецца, што шэсце вырушыць ад Мінскай ратушы да стэлы «Мінск — горад герой» у 12.00. Збор удзельнікаў ля ратушы ў 11.30.

Мэта маршу — прыцягнуць увагу да праблемы абароны жыцця ненароджаных дзяцей і абароны традыцыйных сямейных каштоўнасцяў.
Падобныя вулічныя акцыі сталі ўжо традыцыйнымі ў многіх краінах. Шматтысячныя маршы ў абарону жыцця штогод праходзяць у Польшчы, Чэхіі, Італіі, Ірландыі, ЗША, Канадзе. Іх арганізатарамі выступаюць актывісты руху ў абарону жыцця (Pro-life).

Яго Святасць Папа Францішак, занепакоены складанай палітычнай сітуацыяй у Сірыі (а таксама ў многіх краінах свету), якая ўсё пагаршаецца, звярнуўся з заклікам да ўсёй Каталіцкай Царквы, да іншых веравызнанняў і да ўсіх людзей добрай волі аб’яднаць свае высілкі ды дзеянні на карысць міру.

Пры гэтым Святы Айцец падкрэсліў, што не культура вайны і канфліктаў, але культура сустрэч і дыялогу вядзе да ўсталявання міру.

У сувязі з гэтым Папа Францішак абвясціў дзень 7 верасня 2013 г. — Перадсвяцце Нараджэння Найсвяцейшай Багародзіцы – днём посту і малітвы ў інтэнцыі міру ў Сірыі, на Блізкім Усходзе і ва ўсім свеце.