Адышоў да Госпада Біскуп Стрыйскі Уладыка Юліян

24 сакавіка 2011 г., на 69 годзе жыцця, пасля доўгай і цяжкай хваробы адыйшоў у вечнасць тытулярны біскуп Стрыйскай епархіі Украінскай Грэка-каталіцкай Царквы - першы Епарх гэтай епархіі.

Уладыка Юліян нарадзіўся 4 снежня 1942 году ў вёсцы Брыжава каля Пярэмышля. У 1947 годзе падчас аперацыі «Вісла» разам з бацькамі быў пераселены на поўнач Польшчы.

Святарскае рукапалажэнне атрымаў 21 чэрвеня 1970 г. Быў душпастырам грэка-католікаў у Кракаве, Гураве Ілавецкім і Вострым Бардзе (Польшча). У 1982-1991 гг. выконваў абавязкі дэкана Ольштынскага дэканату.

Дэкрэтам Прымаса Польшчы кардынала Стэфана Вышынскага 11 чэрвеня 1983 г. быў прызначаны візітатарам для грэка-католікаў у Польшчы і кансультантам Прымаса ў справе кіраваньня грэка-каталіцкай Царквой у Польшчы. З 26 красавіка 1991 г. быў протасінкелам Пярэмышльскай епархіі.

30 сакавіка 1994 году быў прызначаны вікарным біскупам Львоўскай архіепархіі УГКЦ. Біскупская хіратонія адбылася 7 ліпеня 1994 году. З 18 лістапада 2000 году – епархіяльны біскуп Стрыйскай епархіі.

20 студзеня 2010 году Папа Бенядыкт XVI у сувязі са станам здароўя звольніў Уладыку Юльяна з выконвання пасадавых абавязкаў, пакідаючы за ім тытул біскупа Стрыйскага.

Пахаванне святой памяці Уладыкі Юліяна адбудзецца ў суботу 26 сакавіка ў Стрыю.

Паводле UGCC.org.ua