СУПАКОЙ, ГОСПАДЗЕ, ДУШЫ СЛУГАЎ ТВАІХ

Працягваецца восеньскі малітоўны ўспамін памерлых

У нядзелю, 1 лістапада 2009 г., а. Пахом (Кавалёў), адміністратар менскай грэка-каталіцкай парафіі Маці Божай Нястомнай Дапамогі маліўся на Маскоўскіх могілках.
На магіле сьвятой памяці Васіля Быкава ён адслужыў Паніхіду за ўсіх памерлых вернікаў, асабліва за патрыётаў, што сваёй працай ды творчасьцю служылі Беларусі.

У тойжа дзень а. Пахом адслужыў Паніхіду ля крыжа ва ўрочышчы Курапаты. Удзельнікі малітвы даверылі Божай Міласэрнасьці душы пахаваных там нявінна забітых, што загінулі ў час рэпрэсіяў.

* * *

“У сялібах Тваіх, Госпадзе,
дзе ўсе праведнікі спачываюць,
супакой душы слугаў Тваіх,
бо Ты адзіны Чалавекалюбец”.