Паведамленне з 86-а Пленарнага пасяджэння Канферэнцыі Каталіцкіх Біскупаў у Беларусі

У пасяджэнні ўзялі ўдзел Старшыня ККББ біскуп Віцебскі Алег Буткевіч, Мітрапаліт Мінска-Магілёўскі арцыбіскуп Юзаф Станеўскі, віцэ-старшыня ККББ біскуп Гродзенскі Аляксандр Кашкевіч, Генеральны сакратар ККББ біскуп Юрый Касабуцкі, біскуп Пінскі Антоні Дзям’янка, біскуп Аляксандр Яшэўскі SDB. На пасяджэнні таксама прысутнічалі Апостальскі нунцый у Рэспубліцы Беларусь арцыбіскуп Антэ Ёзіч і Апостальскі візітатар для беларускіх грэка-католікаў архімандрыт Сяргей Гаек.

 

Старшыня Сінадальнай камісіі пры ККББ біскуп Аляксандар Яшэўскі SDB прадставіў вынікі працы Еўрапейскай кантынентальнай асамблеі Сіноду Біскупаў на тэму сінадальнасці, якая праходзіла ў лютым у Празе (Чэхія).

 

Біскупы прызначылі прадстаўніка Касцёла ў Беларусі для удзелу ў чарговым этапе Сіноду, які пройдзе ўвосень у Рыме. Ім стаў біскуп Аляксандар Яшэўскі SDB.

 

Была абмеркавана праграма святкавання ў 2023 годзе 25-годдзя з часу каранацыі цудадзейнага абраза Маці Божай Будслаўскай.

 

Біскупы абмеркавалі прапановы правядзення канферэнцый у каталіцкіх навучальных установах на тэму сёлетняга пастырскага года, які ў мясцовым Касцёле праходзіць на тэму: «Апостальства свецкіх — знак надзеі для Касцёла ў Беларусі».

 

Удзельнікамі пасяджэння былі абмеркаваныя пытанні адносна ўдзелу прадстаўнікоў Касцёла ў Беларусі ў Сусветных днях моладзі, якія з 1 па 6 жніўня 2023 года пройдуць у Лісабоне (Партугалія).

 

На пасяджэння былі разгледжаныя таксама іншыя бягучыя пытанні з жыцця Касцёла ў Беларусі.

 

Пасяджэнне завяршылася супольнай малітвай.

 

Мінск, 15 сакавіка 2023 г.

✠Юрый Касабуцкі
Генеральны Сакратар ККББ

 

Кс. канонік Юрый Санько
Сакратар

 

Паводле Catholic.by