"Учынкі іх ідуць за імі" - да 160-годдзя з дня нараджэння Магдалены Радзівіл

8 ліпеня 2021 споўнілася 160 гадоў з дня нараджэння Магдалены Радзівіл – мецэнаткі беларускага рэлігійнага і нацыянальнага адраджэння.

 
У гэты дзень у мінскім касцёле Святой Тройцы (на Залатой Горцы) -  дзе захоўваецца ўрна з яе прахам - Паніхіду за супакой душы спачылай Магдалены адслужыў архім. Сяргей (Гаек).

Заўпакойная Літургія будзе служыцца ў храме грэка-каталіцкай парафіі Праведнага Язэпа у пятніцу, 9 ліпеня 2021, у 18:30.

 
+++

 

 

Магдалена Радзівіл нарадзілася 8 ліпеня (26 чэрвеня) 1861 года ў Варшаве.

Справа духоўнага адраджэння Беларусі была для Магдалены адной з найважнейшых.

Яна сама была шчырай верніцай-каталічкай, прыхільніцай усходняга абраду i рупілася аб пабудове грэка-каталіцкай царквы ў Менску, але не атрымала на тое дазволу гарадскіх уладаў.
Пасылала грошы на набыццё беларускіх кніг для Духоўнай каталіцкай акадэміі ў Пецярбургу, дзе вучылася цэлая грамада будучых беларускіх святароў.
Пры фінансавай падтрымцы Магдалены быў выдадзены першы беларускі малітоўнік „Бог з намі”.