375 год УЖГАРАДСКАЙ ЦАРКОЎНАЙ УНІІ

З нагоды 375-х угодкаў Ужгарадскай Уніі Апостальскі візітатар для грэка-католікаў Беларусі архімандрыт Сяргей (Гаек) павіншаваў Апостальскага Адміністратара Мукачаўскай епархіі Русінскай Грэка-Каталіцкай Царквы на Закарпацці Высокадастойнага Уладыку Ніла (Лушчака), духавенства і вернікаў епархіі.

Ужгарадская царкоўная унія паміж праваслаўнымі хрысціянамі Закарпацця і Рымскім Апостальскім Пасадам Каталіцкай Царквы была заключана 24 красавіка 1646 г. ва Ужгарадзе. Хрысціянства на Закарпацці пачынаецца ад часоў місіі святых Апосталаў славянскіх Кірыла і Мятода, а гэта азначае яшчэ да падзелу Цэркваў.