ЯГО БЛАСЛАВЕНСТВА СВЯТАСЛАЎ ПРЫВІТАЎ ПАТРЫЯРШАЙ ГРАМАТАЙ АРХІМАНДРЫТА СЯРГЕЯ З 70-ГОДДЗЕМ

Бацька і Глава Украінскай Грэка-Каталіцкай Царквы Яго Блаславенства Святаслаў асабіста і ад імя Сінода Біскупаў УГКЦ павіншаваў патрыяршай граматай архімандрыта Сяргея (Гаека), Апостальскага Візітатара для грэка-католікаў у Беларусі, з нагоды 70-годдзя.

“У гэты святочны дзень дзякуем Госпаду за дар Вашага жыцця і за ўсе дары, якімі Ён так багата Вас надзяліў і якія Вы шчодра памножылі на працягу свайго ахвярнага святарскага служэння Богу і Царкве”, - гаворыцца ў тэксце граматы.

 

Юбіляру пажадалі, каб Усявышні блаславіў яго сваімі шчодрымі дарамі, паслаў мудрасць у святарскім служэнні, якое святар ужо на працягу многіх гадоў ажыццяўляе ў Беларусі, сярод людзей, якія ўсім сэрцам любяць Бога і нашу Царкву.

 

«Будзьце і ў далейшым добрым ахоўнікам і настаўнікам веры, дбайным дабравеснікам слова Хрыстовага Евангелля і асобай, чуйнай да патрэб бліжніх», - гаворыцца ў віншавальнай грамаце.

 

Дэпартамент інфармацыі УГКЦ