У святкаваннях 1025-годдзя Хросту Кіеўскай Русі ў Кіеве ўдзельнічаюць беларускія грэка-католікі

Беларускія вернікі удзельнічаюць у міжнароднай Пілігрымцы да Кіева з нагоды 1025-годдзя Хросту Кіеўскай Русі.

На ўрачыстасці 1025-годдзя Хросту Кіеўскай Русі Яго Святасць Папа Францішак накіраваў свайго спецыяльнага Легата ў асобе кардынала Аўдрыса Юозаса Бачкіса, Віленскага архібіскупа на пенсіі.

Цэнтральным момантам святкаванняў, што праходзяць 16-18 жніўня 2013 г., будзе асвячэнне патрыяршага саборнага храму ў чэсць Уваскрасення Гасподняга ў Кіеве. У гэтых урачыстасцях, сярод шматлікіх замежных іерархаў, удзельнічае Апостальскі Візітатар Беларускай Грэка-Каталіцкай Царквы архімандрыт Сяргей (Гаек)

Афіцыйную пілігрымку беларускіх грэка-католікаў узначальвае а. Аляксандр Шаўцоў з Полацка.