8 студзеня 2026 года, у свята Сабору Багародзіцы (па юліянскаму каляндару), у цудатворнага Абразу Божай Маці «Вастрабрамская», што знаходзіцца ў гарадской браме на вуліцы Аўшрос Варту ў Вільні, быў адслужаны праваслаўны малебен. 

Хрэсны ход са Свята-Духава манастыра горада Вільні да Вастрабрамскай капліцы і малебен узначаліў мітрапаліт Віленскі і Літоўскі Уладыка Інакенцій. Яму саслужылі настаяцелі і клірыкі праваслаўных храмаў Вільні і наваколля. 

Падчас набажэнства ўзносіліся малітоўныя просьбы аб міры, аб народзе Літвы і  аб уладах краіны. Малітвы гучалі на літоўскай і рускай мовах.

Вастрабрамская ікона Маці Божай  - адна з самых шанаваных хрысціянскіх святынь Вільні. У многіх праваслаўных храмах Літвы ёсць шанаваныя спісы гэтага Абраза. 

Малебен стаў каштоўным моментам хрысціянскага братэрства пад покрывам Багародзіцы.

Паводле тэлеграм-канала "Грэка-католікі Беларусі"