Старажытны гімн добра ўводзіць вернікаў у Тайну Уцелаўлення Сына Божага.

Частка I 

ДЗЕНЬ І (14 снежня) - Ікас 1

Князь анёлаў быў пасланы з неба сказаць Багародзіцы «Радуйся». Убачыўшы, як Ты, Госпадзе, прыняў цела ад Яе, калі яшчэ ня сьціх бесьцялесны гук ягоных словаў, ён сумеўся і ўсклікнуў: 

Радуйся, бо дзякуючы Табе радасьць зазьзяе! 

Радуйся, бо праз Цябе згіне праклён! 

Радуйся, Узьняцьце з падзеньня Адама! 

Радуйся, Вызваленьне Эвы ад сьлёзаў! 

Радуйся, недасяжная Вышыня думак людзкіх! 

Радуйся, Глыбіня непранікальная нават для анёлаў! 

Радуйся, Пасад Уладара! 

Радуйся, Носьбітка Таго, Хто носіць усё! 

Радуйся, Зорка, праз якую сонца зазьзяла! 

Радуйся, Улоньне Божага ўцелаўленьня! 

Радуйся, бо праз Цябе абнаўляецца ўсё стварэньне! 

Радуйся, бо праз Цябе пакланяемся Творцы! 

* Радуйся, Дзева Маці! 

 Кандак 2

Ведаючы сваё чыстае дзявоцтва, сьвятая сьмела адказвае Габрыэлю: «Дзіўнымі і цяжкімі да ўспрыняцьця для душы маёй здаюцца словы твае: што гэта ты кажаш мне пра нараджэньне бяз семя зачатага і клічаш: Алілуя!»

У чацвер, 11 снежня 2025 г. у г. Іўе адбылася сесія Кансультатыўнай міжканфесійнай рады пад старшынствам Упаўнаважанага па справах рэлігій і нацыянальнасцей Аляксандра Румака.

Мерапрыемства пачалося са знаёмства ўдзельнікаў з іўеўскай мячэццю, гісторыю якой прадставіў старшыня Мусульманскага рэлігійнага аб’яднання ў Беларусі муфцій Абу-Бекір Шабановіч – ураджэнец Іўя.

Падчас надзвычайнай юбілейнай аўдыенцыі 6 снежня 2025 года Леў XIV заклікаў вернікаў не чакаць Бога склаўшы рукі, а актыўна ўдзельнічаць у будаўніцтве Яго Валадарства.

Звяртаючыся да пілігрымаў у кантэксце Адвэнту, Святы Айцец нагадаў, што чаканне прыйсця Хрыста не павінна быць пасіўным. Нараджэнне Езуса паказвае Бога, Які ўцягвае чалавека ў сваю гісторыю: Марыя, Юзаф, пастухі, а пазней вучні – усе яны былі пакліканы да дзеяння.

У Венецыі прайшла экуменічная малітоўная сустрэча, прысвечаная 60-й гадавіне гістарычнага рашэння Паўла VI і Патрыярха Афінагора аб скасаванні ўзаемных адлучэнняў, якія падзялялі Каталіцкі Касцёл і Праваслаўную Царкву з 1054 года. Сумесная дэкларацыя аб адмене адлучэнняў была падпісана 7 снежня 1965 года.

Ва ўрачыстасці прынялі ўдзел кардынал Матэа Дзупі, праваслаўны Мітрапаліт Італіі і экзарх Паўднёвай Еўропы Палікарп, Патрыярх Венецыі Франчэска Маралья, біскупы, святары, прадстаўнікі ўлады і вернікі. Сустрэча распачалася ў касцёле святога Захарыя, дзе спачывае святы Афанасій Александрыйскі, які спрыяў фармуляванню Нікейскага сімвала веры, а завяршылася ў суседняй праваслаўнай царкве святога Георгія, у якой захоўваецца старажытная ікона Хрыста Уседзяржыцеля XIV стагоддзя, дастаўленая ў Венецыю з Канстанцінопаля да падзення Візантыйскай імперыі.

Усхвалім, верныя, святаначальнікаў красу, айцоў славу,

крыніцу цудаў і вялікага заступніка верных, кажучы:

"Радуйся, Міраў ахоўнік, слаўны святаначальнік і стоўп непарушны!

Радуйся, ясны светачу, што асвятляеш усе канцы зямлі цудамі!

Радуйся, сумных боская радасць і пэўны абаронца пакрыўджаных.

Сёння, блаславёны Мікола, не пераставай маліцца Хрысту Богу за тых,

што з вераю і любоўю шануюць цябе

і радасна спраўляюць тваю светлую памяць”.

На завяршэнне першага дня свайго прабывання ў Ліване Леў XIV здзейсніў кароткі візіт, не прадугледжаны афіцыйнай праграмай яго падарожжа: ён наведаў манастыр кармелітак усходняга абраду ў Харысе.

Святы Айцец накіраваўся да манахінь адразу пасля сустрэчы з прадстаўнікамі ўладаў, грамадзянскай супольнасці і дыпламатычнага корпуса, якая прайшла 30 лістапада 2025 года ў Прэзідэнцкім палацы ў Бейруце.

У нядзелю, 30 лістапада 2025 г. Архібіскуп Іньяцыё наведаў капліцу грэка-каталіцкай парафіі Маці Божай Нястомнай Дапамогі ў Мінску, у якой на святочную Літургію сабраліся вернікі той жа парафіі разам з вернікамі парафіі Святога Духа. 

Боскую Літургію саслужылі апостальскі адміністратар архімандрыт Сяргей (Гаек), протасінкел Яўген Усошын, протапрэзбітар Андрэй Абламейка і дыякан Аляксандр Хахлоў.

У гэтым годзе свята прыпадае ў нядзелю, у якую вернікі будуць святкаваць у сваіх парафіяльных супольнасцях. 

Адначасова гэта дзень асаблівай  духоўнай сулучнасці і салідарнай малітвы з Папам Львом XIV ў час Ягоных сустрэчаў з хрысціянамі Турцыі і Лівана.

 ***

Трапар Свята (тон 4). Першапакліканы сярод апосталаў і вярхоўнага браце, Андрэю мудры, Уладара ўсіх малі, каб Ён дараваў супакой усяму сьвету і душам нашым багацьце свайго зьмілаваньня.

Папа Леў XIV наведаў рэзідэнцыю Патрыярха Канстанцінопальскага Барталамея І. Візіт адбыўся ў другой палове дня 29 лістапада 2025 года. Ён пачаўся супольнай малітвай праслаўлення – даксалогіяй – у патрыяршай царкве святога Георгія.

“Увайшоўшы ў гэту царкву, я адчуў вялікае ўзрушэнне, усведамляючы, што іду па слядах Папы Паўла VI, Папы Яна Паўла ІІ, Папы Бэнэдыкта XVI і Папы Францішка”, - сказаў Святы Айцец у прывітальнай прамове, падчас якой пажадаў, каб Бог пачуў малітву хрысціян аб адзінстве.

У старажытнай Нікеі Папа Леў XIV і Патрыярх Барталамей I узначалілі экуменічную малітву. Ля руін затопленай базілікі святога Неафіта прагучала супольнае “Credo” – знак імкнення хрысціян да адзінства і пераадолення драмы падзелаў.

У другой палове дня 28 лістапада 2025 года цэнтр падзей апостальскага падарожжа перамясціўся са Стамбула ў Ізнік – горад, вядомы ў гісторыі Касцёла як Нікея. Менавіта тут адбыліся два Саборы (у 325 і 787 гадах), якія сфарміравалі фундаментальныя дагматы хрысціянства.

Святы Айцец прыбыў сюды на верталёце, дзе яго сустрэў Патрыярх Канстантынопальскі Барталамей I.