Леў XIV скіраваў віншаванні з Божым Нараджэннем вызнаўцам хрысціянскіх канфесій, які карыстаюцца юліянскім календаром, і падзякаваў дзецям, якія моляцца за місіянераў.

Пасля заканчэння малітвы “Анёл Панскі” Пантыфік нагадаў, што 6 студзеня 2026 года ў Італіі адзначаецца Місійны дзень дзяцей, які ў розных краінах святкуецца ў розныя даты. Ён выказаў падзяку ўсім дзецям і падлеткам, якія ў розных кутках свету моляцца за місіянераў і імкнуцца дапамагаць сваім равеснікам у цяжкім становішчы.

Дзень перад святам Богаз’яўлення (Хросту Гасподняга), які ў візантыйскай традыцыі называецца Навячэр’ем, — гэта час асаблівага прыгатавання. У народзе гэты вечар называюць «Галоднай куццёй».

Навячэр’е Богаз’яўлення — гэта дзень строгага посту. Сама назва «Галодная куцця» падкрэслівае кантраст з багатым калядным сталом: стравы на вячэру павінны быць поснымі (без мяса і малочных прадуктаў), а іх колькасць — больш сціплай.

У бліжэйшыя дні ў кнігарнях з’явіцца новае выданне “Lex Ecclesiae Fundamentalis” (“Асноўны закон Касцёла”) – грунтоўны том аб’ёмам больш за 1300 старонак, падрыхтаваны Дыкастэрыяй па заканадаўчых тэкстах і выдадзены ватыканскім выдавецтвам LEV.

У інтэрв'ю ватыканскім СМІ сакратар Дыкастэрыі па заканадаўчых тэкстах, біскуп Хуан Ігнасіа Арыета адзначыў, што новае выданне "Асноўны закон Касцёла. Дакументы працэсу распрацоўкі (1959–1983)" пралівае святло на сённяшнюю заканадаўчую сістэму Касцёла і на тое, як ў яе было ўключана вучэнне Другога Ватыканскага Сабора. У выданні сабраныя матэрыялы пленарных пасяджэнняў юрыстаў, працоўных сесій кансультантаў, праекты і справаздачы кансультацый, у якіх удзельнічалі епіскапаты ўсяго свету, факультэты кананічнага права і шматлікія эксперты.

1 студзеня 2026 года, ва ўрачыстасць святой Багародзіцы Марыі і 59-ы Сусветны дзень міру, Леў XIV заклікаў распачаць эпоху міру і сяброўства паміж усімі народамі і маліцца аб усіх пацярпелых ад гвалту і болю.

“Дарагія браты і сёстры, з Новым годам! Па меры таго, як паўтараецца рытм месяцаў, Пан заклікае нас абнавіць наш час, распачаўшы нарэшце эпоху міру і сяброўства паміж усімі народамі. Без гэтага імкнення да дабра не было б сэнсу перагортваць старонкі календара і весці нашы дзённікі”, - сказаў Леў XIV падчас малітвы “Анёл Панскі”.

Te, Deum, laudamus (Песьня хвалебная сьв. Амбражэя)

(Тон 3)

Цябе, Бога, хвалім, Цябе, Госпада, вызнаем,

Цябе, спрадвечнага Айца, уся зямля ўзьвялічвае.

Табе ўсе анёлы, Табе нябёсы і ўсе сілы,

Табе хэрувімы і сэрафімы несьціханымі галасамі ўсклікаюць:

Сьвяты, сьвяты, сьвяты Госпад Бог Сілаў,

неба і зямля поўныя хвалы Тваёй!

Цябе слаўны апостальскі збор, Цябе хор пачэсных прарокаў,

Цябе сьветлая мучанікаў грамада хваліць.

Цябе па ўсім сьвеце прапаведуе Сьвятая Царква

– Айца недасяжнае велічы;

роўнага славаю Твайго адзінароднага праўдзівага Сына,

і Сьвятога Суцяшальніка Духа.

Ты, Хрысьце – Уладар славы, Ты – Айца спрадвечны Сын;

Ты дзеля збаўленьня сьвету стаўся чалавекам,

не пагардзіўшы дзявочым улоньнем.

Ты скрышыў джала сьмерці

і адчыніў верным валадарства нябеснае.

Ты сядзіш па правай руцэ Бога ў славе Айца

і прыйдзеш зноў як судзьдзя.

Просім Цябе, дапамажы слугам Тваім,

якіх Ты выкупіў сваёй пачэснай крывёю,

і зрабі іх дастойнымі разам са сьвятымі Тваімі

валадарыць у вечнай славе Тваёй.

Збаў, Госпадзе, людзей Тваіх, і блаславі набытак Твой,

кіруй імі і ўзьнімі іх на вякі.

Будзем штодня бласлаўляць Цябе

і хваліць імя Тваё давеку і на век вякоў.

Дай, Госпаде, у гэты дзень захавацца нам без граху.

Зьмілуйся над намі, Госпадзе, зьмілуйся над намі.

Хай міласэрнасьць Твая спачыне на нас,

бо мы ўсклалі надзею на Цябе.

На Цябе, Госпадзе, спадзяемся:

хай не пасаромеемся давеку. Амін.

Каляндар выдала Грэка-каталіцка парафія святапакутніка Язафата ў г. Полацк. Ён выдадзены ў рамках Душпастырскай праграмы "Orientale Lumen 2033", падрыхтаваны ў парафіях у Гародні і ў Берасці: Складальнік літургічнай часткі - а. Зміцер Чарнель, рэдэмптарыст; Складальнік памятных датаў - Ігар Бараноўскі; Дызайн вокладкі - Кірыл Кудакоў. 

2026-greek-catholic-calendarium.pdf [934.22 Kb] (запамповак: 5)

Шчодрая гасціннасць, якую моладзь атрымае ў Парыжы ад вернікаў і людзей добрай волі, стане моцным пасланнем свету, - адзначыў Леў XIV у лісце да супольнасці "Тэзэ" з нагоды экуменічнай сустрэчы ў сталіцы Францыі.

48-я Еўрапейская сустрэча, арганізаваная Супольнасцю "Тэзэ", сёлета пройдзе ў Парыжы з 28 снежня 2025 года да 1 студзеня 2026 года.

Прэзідэнт Беларусі Аляксандр Лукашэнка павіншаваў хрысціян, якія святкуюць Нараджэнне Хрыстова 25 снежня.

«У гэта светлае і доўгачаканае свята сэрцы вернікаў напоўнены асаблівым хваляваннем і надзеяй, — гаворыцца ў віншаванні. — Таямнічасць свята Нараджэння Хрыстовага прыносіць духоўную радасць, аб'ядноўвае ў малітве і нагадвае аб тым, што жыццё з'яўляецца бясцэнным дарам».

У візатныйскай царкоўнай дысцыпліне ў гэты святочны перыяд няма традыцыйных аднадзённых пастоў у сераду і пятніцу, можна есці любую ежу. 

5 студзеня 2026 дзень посту перад святам Богаз'яўлення.