У суботу, 30 жніўня 2025 г. Яго Святасць Папа Леў прызначыў прэзбітара Рафаіла Дэ Анджэліс, з кліру епархіі Лунгра, біскупам каталіцкай італа-албанскай епархіі візантыйскага абраду П'яна-дэльі-Альбанезі (Piana degli Albanesi) на Сіцыліі. 

Папас Рафаіл Дэ Анджэліс нарадзіўся ў Кастравілары (правінцыя Козенца) у 1979 годзе. Ён скончыў дзяржаўную класічную сярэднюю школу ў 1998 годзе.

🌿 Ян Хрысціцель - апошні з прарокаў, якія жылі да Хрыста, і Яго папярэднік. Ісус называў яго «большым, чым прарок», «найвялікшым з народжаных жанчынамі» і параўноўваў яго з Іллёй.

🌿 Пасля асуджэння беззаконняў правіцеля Юдэі Ірада Антыпы ён быў арыштаваны, а затым абезгалоўлены.

🌿 Ян Хрысціцель шануецца не толькі ва ўсім хрысціянскім свеце, але і паслядоўнікамі ісламу. Храмы ў яго імя ёсць у любой краіне свету, яго імя (у перакладзе са старажытнагабрэйскай мовы азначае «Бог міласэрны») стала адным з самых распаўсюджаных імёнаў у свеце. Сваім святым апекуном яго лічаць многія гарады і краіны, а таксама манахі.

Паводле тэлеграм-канала "Грэка-католікі Беларусі"

“Супакой усім вам: да міру бяззбройнага і абяззбройваючага” – такую тэму Папа Леў XIV выбраў для свайго паслання на 60-ы Сусветны дзень міру, які будзе адзначацца ў Касцёле 1 студзеня 2026 года.

“Тэма паслання запрашае чалавецтва адмовіцца ад логікі гвалту і вайны, каб прыняць сапраўдны мір, заснаваны на любові і справядлівасці”, - гаворыцца ў спецыяльным паведамленні, якое 26 жніўня 2025 года апублікавала Дыкастэрыя па служэнні інтэгральнаму развіццю чалавека.

“Пілігрымы надзеі” – дэвіз святога юбілейнага 2025 года. Гэты дэвіз быў адлюстраваны і ў тэме сёлетніх урачыстасцяў у Браславе — “З Марыяй да Бога —  шлях надзеі”.

На ўрачыстасці ў дыяцэзіяльны санктуарый 22 і 23 жніўня сабраліся вернікі з усіх куточкаў Беларусі. Кранальным момантам пачатку свята стала прывітанне пілігрымаў, калі пастыр дыяцэзіі біскуп Алег Буткевіч разам з кусташам санктуарыя айцом Станіславам Мжыглудам SDS сустракалі пешыя і роварныя пілігрымкі на прыступках храма.

Папа Леў XIV прызначыў кардынала Клаўдыё Гуджэроці, прэфекта Дыкастэрыі па справах Усходніх Цэркваў, сваім спецыяльным пасланнікам на ўрачыстасці з нагоды стагоддзя Пінскай дыяцэзіі, якое адбудзецца 25 кастрычніка 2025 года.

Кардынал Гуджэроці, які раней быў апостальскім нунцыем у Беларусі (2011-2015), добра знаёмы з Касцёлам у краіне і мае вялікі досвед дыпламатычнай працы на постсавецкай прасторы.

Пінская дыяцэзія была заснавана 28 кастрычніка 1925 года папам Піем XI. Цяпер яна з'яўляецца адной з чатырох каталіцкіх дыяцэзій у Беларусі і ахоплівае тэрыторыю Брэсцкай і Гомельскай абласцей.

Аляксандр Амяльчэня - Vatican News

У Стакгольме праходзяць урачыстасці, прысвечаныя 100-годдзю Першай Сусветнай Канферэнцыі Цэркваў па пытаннях Практычнага Хрысціянства, якія працягнуцца да 24 жніўня 2025 года.

Шведская Рада Хрысціянскіх Цэркваў запрасіла прадстаўнікоў розных канфесій адзначыць знакавую падзею ў гісторыі экуменічнага руху. Першая Сусветная Канферэнцыя Цэркваў па пытаннях Практычнага Хрысціянства адбылася ў Стакгольме 19-30 жніўня 1925 года і стала важным крокам у развіцці сучаснага экуменізму.

Браслаўская ікона Багародзіцы, больш вядомая як абраз Маці Божай Валадаркі азёраў, з'яўляецца адной з самых шанаваных хрысціянскіх святынь у Беларусі. Яна размешчана ў галоўным алтары касцёла Нараджэння Найсвяцейшай Дзевы Марыі ў г. Браславе Віцебскай вобл. Гэтая ікона ўвасабляе Маці Божую як Валадарку азёраў, апякунку Браслаўскага краю, які вядомы сваімі маляўнічымі азёрамі. Свята гэтай іконы адзначаецца 22 жніўня, што супадае з урачыстасцю Маці Божай Каралевы, і з'яўляецца асаблівым днём для вернікаў, якія збіраюцца на малітвы і паломніцтвы.

Гісторыя Браслаўскай іконы пачынаецца ў XV ст., калі на востраве возера Неспіш быў заснаваны праваслаўны манастыр па фундацыі літоўскага магната Войцеха Манівіда. У пач. XVII ст. манастыр далучыўся да уніі і стаў святыняй манахаў-базыльянаў. У 1744 г. манастыр быў уключаны ў спіс святынь з цудатворнымі абразамі, а ікона атрымала рэпутацыю цудатворнай дзякуючы шматлікім сведчанням аб ласках і аздараўленнях.

У міжнарожный малітоўнай сеці песні беларускіх грэка-каталіцкіх спевакоў (на Youtube): "Маці Божая ў Барунах" (спявае Мінскі грэка-каталіцкі гурт Orientale Lumen); "Дай добры Божа" (тэкст і выкананне Алесь Палуйка - Chabor). 

Вечары: 20-21 жніўня: Roma, Rimini, Munchen, Luxemburg, Vilnius, Tallinn.

18 жніўня 2025 года з Жыровіцкага Успенскага мужчынскага манастыра выйшаў IV Усебеларускі хрэсны ход "Жыровічы - Мінск" (арганізаваны Сінадальным аддзелам Беларускай Праваслаўнай Царквы па развіцці паломніцтва). 

Паломніцтва пачалося Боскай Літургіяй ва Успенскім саборы манастыра, пасля якой архібіскуп Навагрудскі і Слонімскі Высокапраасвяшчэнны Уладыка Гурый накіраваў архіпастырскае слова да паломнікаў і ўзначаліў пачатак малітоўнага шэсця. 

На заканчэнне агульнай аўдыенцыі, якая прайшла 20 жніўня 2025 года ў Ватыкане, Пантыфік заклікаў правесці ў бліжэйшую пятніцу Дзень малітвы і посту ў інтэнцыі міру ў свеце.

Леў XIV нагадаў, што 22 жніўня 2025 года ў Касцёле будзе адзначацца літургічны ўспамін Найсвяцейшай Панны Марыі Каралевы. Ён заклікаў “усіх вернікаў правесці гэты дзень у посце і малітве, просячы Пана, каб Ён падарыў нам мір і справядлівасць і каб ацёр слёзы тых, хто пакутуе з прычыны ўзброеных канфліктаў, якія трываюць”.