10 кастрычніка 2026 года Пантыфік прыняў на аўдыенцыі ў Ватыкане біскупаў Грэка-мельхіцкай Царквы Антыёхіі, якія сабраліся ў Рыме на Сінод. Вітаючы гасцей, ён перадаў цёплае прывітанне святарам, манахам і манахіням, семінарыстам і ўсім вернікам Мельхіцкай Царквы як на радзіме, так і ў дыяспары па ўсім свеце.

Другі дзень, 8 кастрычніка, у Рыме працягваецца пасяджэнне Папы Льва XIV з старшынямі канферэнцый біскупаў і старшынямі Усходніх Касцёлаў. Агульная тэма пасяджэння: «10-годдзе папскай адгартацыі Amoris Laetitia — Евангелізацыя сямей сёння».

У мерапрыемстве прымаюць удзел арцыбіскуп Юзаф Станеўскі, Старшыня Канферэнцыі Каталіцкіх Біскупаў Беларусі, і ксёндз канонік Юрый Ясевіч, прэс-сакратар ККББ.

У Ватыкане 7 кастрычніка 2026 года пачалася сустрэча, якую Леў XIV склікаў праз 10 гадоў пасля публікацыі апостальскай адгартацыі "Amoris laetitia". Да яе далучыліся прадстаяцелі Усходніх Цэркваў і старшыні біскупскіх канферэнцый.

Цяперашні апостальскі адміністратар у Кыргызстане, айцец Антоні Коркаран SJ, прыняў біскупскае пасвячэнне з рук кардыналам Джорджыа Марэнга. Біскупскае прызначэнне амерыканскаму езуіту з’яўляецца выразным сігналам падтрымкі Святога Пасаду невялікай, але надзвычай актыўнай каталіцкай супольнасці ў краіне. У цырымоніі ў Рыме, прынялі ўдзел святары, якія служаць у краінах Цэнтральнай Азіі, дыпламатычныя прадстаўнікі і галоўны імам Кыргызстана.

Біскупскае пасвячэнне мае фундаментальнае значэнне для структуры і ідэнтычнасці мясцовага Касцёла, які ў цяперашні час налічвае каля тысячы вернікаў.

28 верасня 2026 года ў Мецы, у кангрэс-цэнтры імя Робера Шумана, Леў XIV сустрэўся з прадстаўнікамі розных рэлігійных традыцый. Папа нагадаў, што горад, які на працягу гісторыі быў месцам сустрэчы розных культур, сёння можа стаць прасторай для дыялогу, сяброўства і міру.

25 верасня 2026 года на Стад дэ Франс у Сен-Дэні Леў XIV правёў малітоўнае чуванне з моладдзю і прапанаваў сваю медытацыю.

Самалёт з Папам на борце прызямліўся ў аэрапорце Парыж-Арлі – другім па значнасці аэрапорце французскай сталіцы пасля Руасі-Шарль-дэ-Голь. Каб павітаць Святога Айца, на борт паднялiся апостальскі нунцый у Францыі арцыбіскуп Чэлесціна Мільёрэ і кіраўнік пратакольнай службы краіны.

23 верасня з'яўляецца яшчэ адным святам у гонар прарока, Прадвесніка і Хрысціцеля Гасподняга Яна. У гэты дзень адзначаюць яго цудоўнае Зачацце. Свята мае чыста біблейскае паходжанне, і Евангелле паводле Лукі на сваім пачатку апісвае гэтую падзею, а літургічныя тэксты 23 верасня пэўным чынам яе інтэрпрэтуюць, робячы адмысловыя акцэнты.

Юдэйскі народ на зломе Старога і Новага Запаветаў чакае абяцанага прарокамі Месію. Увесь народ на чале са святарамі моліцца пра гэта, а кожная жанчына марыць стаць маці Божага Памазаніка. Таму і перажывалі такія вялікія пакуты святар Захарыя ды ягоная жонка Альжбета з мястэчка Эйн-Карэм, бо ўжо шмат гадоў запар не маглі мець дзяцей.

15 верасня 2026 года ў Папскім патрыстычным інстытуце "Аўгустыніянум" у Рыме адбылася міжнародная канферэнцыя "XXI стагоддзе: новы час мучанікаў?". Сярод удзельнікаў быў прадстаўнік Канферэнцыі Каталіцкіх Біскупаў у Беларусі ксёндз Яўген Вінтоў, які пракаментаваў яе вынікі для беларускай рэдакцыі "Vatican News".

Святы Айцец 16 верасня 2026 года сустрэўся з удзельнікамі навуковага форуму "XXI стагоддзе: новы час мучанікаў?", які арганізавалі Дыкастэрыя па справах кананізацыі і Камісія па новамучаніках – сведках веры.