ЛІТУРГІЯ НА ЗАВЯРШЭННЕ ЮБІЛЕЮ УСХОДНІХ ЦЭРКВАЎ У РЫМЕ

У сераду, 14 траўня 2025 г., у базіліцы Святога Пятра ў Ватыкане адбылася ўрачыстая Боская Літургія ў візантыйскім абрадзе ў рамках Юбілею Усходніх Каталіцкіх Цэркваў. 

 

Літургію ўзначаліў Патрыярх Мельхіцкай Грэка-Каталіцкай Царквы Юсеф Абсі, а пропаведзь прамовіў Блажэннейшы Святаслаў, Айцец і Галава УГКЦ. 

 

Прысутнічалі так сама ерархі усходніх каталіцкіх Цэркваў: Армянскай, Сіра-Каталіцкай, Мараніцкай,Сіра- Малабарскай. 

 

Боскую Літургію саслужылі прэфект Дыкастэрыі  Усходніх Цэркваў кардынал Клаўдыё Гуджэроці, а таксама біскупы і святары Цэркваў візантыйскай традыцыі з розных краінаў, у т. л. БГКЦ (ахімандрыт Сяргей Гаек, а. Андрэй Абламейка, а. Андрэй Крот, а. Яўген Усошын). Сярод прысутных вернікаў былі і пілігрымы з Беларусі.

 

 

Паводле тэлеграм-канала "Грэка-католікі Беларусі"