У Нядзелю Тамаша - 7 красавіка 2024 года грэка-каталіцкая парафія Хрыста Чалавекалюбца ў Маладзечне адсвяткавала парафіяльнае свята. 

Перад іконай Міласэрнага Хрыста Чалавекалюбца вернікі маліліся за ўсіх парафіянаў - прысутных і адсутных - і за ўсіх жыхароў горада Маладзечна ды наваколля; узгадалі блаславёнага Міхала Сапоцьку, які нарадзіўся ў недалёкай вёсцы Юшаўшчына (побач Забрэззя). 

Боскую Літургію ўзначаліў архімандрыт Сяргей (Гаек) у саслужэнні протадыякана Вячаслава Гарчакова. 

Пасля Літургіі прысутныя выслухалі кароткі канцэрт духоўных песняў у выкананні Сяргея і Кацярыны Раюнцаў з Мінска. 

Малітоўная частка свята  завяршылася супольным спевам "Хрыстос уваскрос" перад крыжом, што стаіць пры ўваходзе ў парафіяльны храм. 

Свята завяршылася супольнай трапезай.