Гамілія Біскупа Алега Буткевіча падчас урачыстых нешпараў ва Урачыстасць Беззаганнага Зачацця Найсв. Дзевы Марыі, з нагоды 100 годдзя нараджэння Біскупа Чэслава Сіповіча, Рым – 8 снежня 2014 г.

1. Сардэчна вітаю ўсіх Вас і вельмі сардэчна дзякую Богу і Вам за гэтае спатканне, бо лічу, што яно з’яўляецца асаблівым дарам Божай прадбачнасці, так як для нас, для Касцёла і для Кангрэгацыі Айцоў Марыянаў у Беларусі і па-за яе межамі з’яўляецца знакамітая асоба айца Біскупа Чэслава Сіповіча, сотую гадавіну нараджэння якога абыходзім у гэтым годзе. Не буду Вам апавядаць гісторыі яго жыцця, бо ведаеце яе напэўна лепш за мяне, бо яна складае частку вашых асабістых і супольных святых падзей. Асабліва для мяне асоба Біскупа Чэслава Сіповіча, яго жыццё, праца, поспехі і цяжкасці – блізкія ўжо праз паходжанне з той жа зямлі (быў маім земляком), а таксама з пункту гледжання падабенства паклікання і апостальскага задання.
Таму хацеў бы падзяліцца з Вамі тым, у чым я бачу яго асаблівае значэнне і бласлаўленне для нас і не толькі ў мінулым, але на сённяшні дзень і ў будучыні. Па-першае выключнай постаццю, добрай, святой і годнай памяці Біскуп Чэслаў Сіповіч, марыянін, з’яўляецца праз тое, што стаўся Слугою Беззаганнай і Беззаганнага Зачацця, Прарокам Еднасці, Настаўнікам вернасці, а таксама Сведкам добрай надзеі для Беларускага народу.

У нядзелю 7 снежня беларуская грамада ў Лондане святкавала 100-годдзе з дня нараджэння біскупа Чэслава Сіповіча. Да гэтай даты было прымеркаванае ўрачыстае багаслужэнне і прэзентацыя кнігі выбраных твораў а. Аляксандра Надсана, які ў 2012 г. напісаў біяграфію біскупа.

Біскуп Сіповіч стаяў у вытокаў беларускага жыцця ў Вялікабрытаніі, якім яно было на працягу ўсіх пасляваенных гадоў і якім застаецца дагэтуль. Ён быў выдатным арганізатарам і лідарам — сузаснаваў Згуртаванне беларусаў у Вялікай Брытаніі (ЗБВБ), Англа-беларускае таварыства, Скарынаўскую бібліятэку ў Лондане, Беларускую каталіцкую місію і «беларускую вёску» (як часта называюць некалькі дамоў ў раёне Фінчлі ў паўночным Лондане) вакол яе. Усе гэтыя арганізацыі і ўстановы існуюць дагэтуль і гуртуюць нашых суайчыннікаў на Імглістым Альбіёне.

Святы Айцец Францішак пажадаў грэка-католікам Беларусі асэнсаваць сваю спадчыну

19 лістапада 2014 г. з Яго Святасцю Папам Францішкам сустрэўся архімандрыт Сяргей (Гаек), апостальскі візітатар для грэка-католікаў Беларусі. Яго кароткая размова са Святым Айцом адбылася пасля агульнай аўдыенцыі.

У інтэрв’ю Беларускай рэдакцыі Ватыканскага радыё архімандрыт Сяргей распавёў таксама пра ўрачыстасці 100-годдзя з дня нараджэння біскупа Чэслава Сіповіча, якія праходзяць у Беларусі і Рыме.

Размова з грэка-каталіцкім біскупам са Славакіі Міланам (Ляхам)

- Дастойны Уладыка! Амаль месяц таму Вы наведалі Беларусь, і Вы самі кажаце, што гэта быў "візіт духоўнай салідарнасці” з хрысціянамі Беларусі.

- У Беларусь я прыбыў, каб засведчыць духоўную салідарнасць славацкіх грэка-католікаў з грэка-католікамі Беларусі. Літургічным выразам гэтай салідарнасці быў мой удзел у святкаванні 100-годдзя з дня нараджэння беларускага грэка-каталіцкага біскупа Чэслава Сіповіча. Я вельмі ўдзячны ўладам Рэспублікі Беларусь, якія паспрыялі, каб я змог хутка атрымаць уязную візу. Гэта сведчыць аб тым, што ўлады з разуменнем ставяцца да патрэбаў вернікаў розных канфесій. За некалькі дзён майго візіту ў Беларусь я змог убачыць багацце яе культурнай спадчыны, у тым ліку адноўленыя храмы, і духоўнае багацце вернікаў розных канфесій, якія ўмеюць супрацоўнічаць на карысць краіны.

"Мы хочам асэнсаваць ягоную вялікую спадчыну, ягоную любоў да Беларусі, да беларускай культуры... Мы хочам паставіць сабе пытаньне, што гэта спадчына значыць для нас." (з інтэрв'ю айца архімандрыта Сяргея Гаека радыё Свабода ад 8 верасня 2014 года).

31 жніўня 2014 года ў мястэчку Друя прайшло святкаванне 100-гадовага юбілею з дня нараджэння Чэслава Сіповіча - каталіцкага ўніяцкага біскупа, удзельніка ІІ Ватыканскага Сабору, беларускага грамадска-рэлігійнага дзеяча ў замежжы. На гэтае свята прыбылі святары і вернікі з розных месцаў Беларусі і замежжа. Ва ўрачыстасцях удзельнічалі Апостальскі нунцый Клаўдыё Гуджэроцці, біскуп Віцебскай дыяцэзіі Алег Буткевіч, Апостальскі візітатар для грэка-каталікоў Беларусі архімандрыт Сяргей Гаек, госць са Славакіі біскуп Мілан Лях, святар каталіцкай місіі ў Велікабрытаніі айцец Сяргей Стасевіч, мясцовы пробашч айцец Сяргей Сурыновіч і іншыя прадстаўнікі духавенства і вернікаў абодвух абрадаў.

31 жніўня 2014 г. у парафіі Найсвяцейшай Тройцы ў Друі адзначалася 100-годдзе нараджэння біскупа Чэслава Сіповіча. У межах святкаванняў Апостальскі Нунцый у Беларусі арцыбіскуп Клаўдыё Гуджэроцці ўзначаліў святую Імшу. Прадстаўляем тэкст гаміліі арцыбіскупа.

Апостальскі Нунцый Архібіскуп Клаўдыё Гуджэроці прамаўляў па-беларуску.

На святкаванні прыбылі Апостальскі Нунцый у Беларусі архібіскуп Клаўдыё Гуджэроці, біскуп Віцебскі Алег Буткевіч, грэка-каталіцкі дапаможны біскуп Прэшаўскі (Славакія) Мілан Лях, Апостальскі візітатар для грэка-католікаў Беларусі архімандрыт Сяргей Гаек, асістэнт Апостальскага візітатара для беларусаў замежжа айца Аляксандра Надсана айцец Сяргей Стасевіч (Лондан). Аляксадр Надсан па стане здароўя не змог прысутнічаць на ўрачыстасцях.

Візіт духоўнай салідарнасці славацкага біскупа Мілана

У рамках святкавання 100-годдзе з дня нараджэння Біскупа Чэслава Сіповіча Беларусь наведаў дапаможны біскуп Прэшаўскай грэка-каталіцкай архіепархіі Уладыка Мілан (Лях). Ён наведаў Пінск, Мінск, Браслаў і Друю.

У суботу, 30 жніўня 2014 г., у 10:00 гадз., у капліцы грэка-каталіцкай Парафіі Праведнага Язэпа ў г. Мінску Уладыка Мілан узначаліў Архіерэйскую Літургію. На пачатку Літургіі Уладыку Мілана, святароў і вернікаў прывітаў Апостальскі Нунцый у Беларусі архібіскуп Клаўдыё Гуджэроцці.
Пасля Евангелля Уладыка Мілан прамовіў гамілію, у якой заахвоціў вернікаў да радаснай вернасці Каталіцкай Царкве усходняй традыцыі.