Радасьць ад Божага Нараджэньня

Вось ужо заканчваецца калядны час паводле нашае традыцыі і гэта натхняе нас прыгадаць радасьць ад сьвяткаваньня, якую мы разам з нашымі дзецьмі перажылі на самым пачатку, 25 сьнежня, ў дзень Божага Нараджэньня.

Насамрэч супольнае сьвяткаваньне парафіяў Праведнага Язэпа і сьв. Мікалая пачалося яшчэ ўвечары 24-га з урачыстай вячэрні з літургіяй Васіля Вялікага, якая паводле старажытнай царкоўнай традыцыі служыцца ў навячэр'е (вечар напярэдадні) самога Сьвята. 25-га сьнежня а 12-й гадзіне, адразу пасьля ўрачыстай сьвяточнай Літургіі Яна Залатавуснага, адбылося сьвяткаваньне для ўсіх нашых дзетак і іхніх бацькоў.

Навагодняя духоўная вандроўка івацэвіцкіх грэка-католікаў

3 студзеня 2010, у першую нядзелю новага года, група вернікаў грэка-каталіцкай парафіі Маці Божай Жыровіцкай у Івацэвічах зьдзейсьніла духоўную вандроўку ў Слонім, Жыровічы і Быцень.
Мэтай гэтай пілігрымкі была малітва да Багародзіцы на месцах шанаваньня Яе Жыровіцкай Іконы, 280 гадоў каранацыі якой сьвяткуецца ў 2010 г.
Сярод пілігрымаў былі Апостальскі Візітатар БГКЦ Архімандрыт Сяргей і семінарыст Сяргей Раюнец, які навучаецца ў Рыме.

Грэка-каталіцкі “Царкоўны каляндар 2010”

1 судзеня 2010 г., у капліцы Душпастырскага цэнтра нашай Парафіі Праведнага Язэпа прайшла прэзэнтацыя грэка-каталіцкага “Царкоўнага каляндара” на новы 2010 год..
Пасьля Боскай Літургіі протапрэзьбітар Цэнтральна-заходняга дэканата а. Яўген Усошын прадставіў тытул, тэму і зьмест новага каляндара.
У гэтым годзе каляндар мае тытул “Жыровіцкая Заступніца – Маці Еднасьці” і прысьвячаны ён 280-тым угодкам каранаваньня папскімі каронамі Жыровіцкай Іконы Багародзіцы. Таму ў ім зьмешчаныя розныя спіскі Жыровіцкай Іконы і фрагменты Акафісту, які чытаецца перад гэтай Іконай а прыпеў якога гучыць: “Радуйся, ласкавая Ўладарка нашая і міласэрная Заступніца!”

Згодна з шматгадовай традыцыяй царкоўных каляндароў выдаваных для грэка-каталіцкіх парафіяў у Беларусі ў календаруюме на кожны дзень, акрамя імёнаў сьвятых, пададзены біблійныя чытаньні на Літургіі. На кожны месяц прапануецца цытата з навучаньня Папы Бенядыкта XVI адносна Багародзіцы.

Каляндар выдадзены на замову грэка-каталіцкай парафіі Маці Божай Жыровіцкай у Івацэвічах.
Яго можна атрымаць за ахвяраваньне ў грэка-каталіцкіх парафіях нашай Царквы.

У выпадку немагчымасьці знайсьці каляндар, просім зьвяртацца за дапамогай на наш адрас:
svjazep@gmail.com

а. Алесь АўдзяюкУлюбёныя ў Госпадзе Браты і Сёстры, вернікі Парафіі Праведнага Язэпа!

Да канца гэтага 2009 года засталіся апошнія гадзіны.
І тое, што мы можам у гэты час зрабіць, дык гэта задумацца аб тым, як прайшоў гэты год для нас і нашае парафіяльнае супольнасьці.
Мы можам узгадаць усё тое дабро, якое мы атрымалі ад нашага Госпада і таксама якое мы зрабілі самі з Ягонаю дапамогай, і падзякаваць Яму за гэта.
Мы можам узгадаць некаторыя, сумныя на першы погляд падзеі, якія далі нам новы жыцьцёвы вопыт ды новыя веды, і таксама падзякаваць за гэта Госпаду.
Мы можам зірнуць вакол, на тых, хто крочыць па жыцьці побач з намі, пабачыць усё тое, што яны заўважна ці незаўважна робяць для нас, і падзякаваць за гэта... і ім, і Госпаду.

ераманах Антон (Нікалаеў)Беларускі новасьвятар - ераманах Антон (Нікалаеў) з ордэну рэдэмптарыстаў (Ордэну Найсьвяцейшага Збавіцеля – CSsR), які быў рукапакладзены на сьвятара ў Львове на сьвята Сьвятамучаніка Язафата – 25 лістапада (паводле юліянскага календара) 2009 г., на ўрачыстасьці Раства Хрыстовага прыехаў у Менск.

На 9-ты дзень пасьля сьмерці сьвятой памяці Веры Рыч - 29 сьнежня 2009 г. - у капліцы Душпастырскага цэнтра Сьв. Язээпа ў 18:30 была адслужаная заўпакойная Літургія за спачын яе душы. Літургію адслужыў архімандрыт Сяргей.

Спадарыня Вера ціха адышла да Бога каля нядзелі 20 сьнежня ў сваім дому, да самага апошняга дня захаваўшы лучнасьць з Беларусьсю і Беларускай Царквой.

Грэка-каталікі г. Менска сьвяткуюць Новы 2010 Год паводле наступнага раскладу:

31 СЬНЕЖНЯ 2009 г.
Адданьне сьвята Раства Хрыстовага
Вечар падзякі за 2009 г.
18:30 – Боская Літургія (для ўсіх парафіяў Менска)
ў капліцы Душпастырскага Цэнтра Сьвятога Язэпа
(вул.Арджанікідзэ, 6; ст.метро «Аўтазаводская»)

1 СТУДЗЕНЯ 2010 г.
Абрэзаньне Гасподняе
Сусьветны Дзень Міру

Парафія Праведнага Язэпа і Парафія сьвятога Міколы Цудатворцы
ў капліцы Душпастырскага Цэнтра сьвятога Язэпа
(вул.Арджанікідзэ, 6; ст.метро «Аўтазаводская»)
11:00 — Боская Літургія на пачатак Новага грамадзянскага году.

* * *
Парафія Маці Божай Нястомнай Дапамогі і Парафія Сьвятога Духа
ў ніжнім храме касьцёла сьвятых Сымона і Алены (Чырвоны касьцёл)
(пл. Незалежнасьці, 15)
18:00 — Боская Літургія на пачатак Новага грамадзянскага году.

Калядны Зварот
Апостальскага Візытатара для Беларусаў каталікоў Замежжа
Мітрафорнага Протаярэя Аляксандра Надсана

Неяк ня вельмі даўно з маёй знаёмай здарыўся цікавы выпадак. Вось што яна расказала мне пра яго. Ехала яна лёнданскім мэтро — са сваёй дачушкай, якой яшчэ не было аднаго годзіка. Раптам у вагон убег малады чалавек, які пачаў паводзіць сябе даволі агрэсіўна. Усе пасажыры насьцярожыліся, але ніводзін зь іх не асьмеліўся зрабіць яму заўвагу, баючыся ягонай рэакцыі. Толькі дачушка маёй знаёмай заставалася бесклапотнай, і калі малады чалавек падышоў бліжэй, яна ўсьміхнулася яму.

Сьвята Парафіі Праведнага Язэпа

11:00 – сьвяточная Боская Літургія (для ўсіх парафіяў Менска)
ў капліцы Душпастырскага Цэнтра Сьвятога Язэпа
(вул.Арджанікідзэ, 6; ст.метро «Аўтазаводская»)

Віншаваньні з нагоды Парафіяльнага сьвята
Вернікам Парафіі Праведнага Язэпа віншаваньні з нагоды Парафіяльнага сьвята даслаў былы пробашч Парафіі - а. Андрэй Абламейка.

Дарагія Браты і Сёстры !

Віншуем вас з нашым парафіяльным Сьвятам!

Пішам нашым таму, што парафія Сьвятога Язэпа заўсёды застаецца для нас Радзімай Духоўнай.
Радзіму, як бацькоў і сваякоў не выбіраюць, і Вы, нашая парафія, сталіся для нас сапраўдным Божым дарам і сьведчаньнем Хрыстовай Любові і адданасьці Богу і Царкве! Будзьце ж і надалей Сьведкамі Евангелья для Беларускага народу ў такія нялёгкія часы, заўжды насьледуйце нашага нябеснага апякуна Сьвятога і Праведнага Язэпа!

На гэтым мейсцы хочацца кожнага з вас абняць ды прыгадаць сабе і вам словы з Евангельля: “вось, анёл Гасподні ў сьне явіўся яму і сказаў: Язэпе, сыне Давідаў! ня бойся прыняць Марыю, жонку тваю; бо зачатае ў Ёй ёсьць ад Духа Сьвятога; і народзіць Сына, і дасі Яму імя: Ісус, бо Ён уратуе людзей Сваіх ад грахоў іхніх. А ўсё гэта сталася, каб збылося сказанае Госпадам праз прарока, які кажа: “вось, Дзева ва ўлоньні зачне; народзіць Сына, і дадуць Яму імя: Эмануіл, што азначае: з намі Бог”. Устаўшы ад сну, Язэп зрабіў, як загадаў яму анёл Гасподні…”(Мц.1.20-24)

Сьвяты Язэпе памагай і нам усім жыць згодна загадаў Гасподніх!

Узгадвайце часамі нас ў малітве, каб і нашыя жыцьцёвыя выбары і нашая вучоба былі на Славу Божую ды на карысьць Царкве.

Хрыстос нарадзіўся! Яго славім!

Вашыя ў Госпадзе, парафіяне парафіі Сьвятога Язэпа,
Андрэй і Сьвятлана Абламейкі
ды нашыя дзеці: Багдан, Альжбэта і Наста.