18 мая ў санктуарыі святога Андрэя Баболі ў Іванаве (Янаве Палескім) адбыліся традыцыйныя ўрачыстасці, прысвечаныя ўшанаванню нябеснага заступніка Пінскай дыяцэзіі.

Сабраныя ў гэты дзень святары, кансэкраваныя асобы і свецкія вернікі асаблівым чынам маліліся пры рэліквіях святара і мучаніка, якога нездарма называюць Апосталам Палесся, за дапаможнага біскупа Пінскай дыяцэзіі Казіміра Велікасельца ОР, які сёлета адзначае юбілей 25-годдзя біскупскага служэння, а таксама 40-годдзе святарства.

19 мая, ва ўрачыстасць Спаслання Духа Святога, Старшыня Канферэнцыі Каталіцкіх Біскупаў у Беларусі арцыбіскуп Юзаф Станеўскі, Мітрапаліт Мінска-Магілёўскі, кіруе сваё слова да вернікаў.

«Калі настаў дзень Пяцідзясятніцы, усе былі разам у тым самым месцы. Раптам узняўся шум з неба, нібы павеў моцнага ветру, і напоўніў увесь дом, дзе яны сядзелі. З’явіліся ім падзеленыя языкі, быццам ад агня, і затрымаліся на кожным з іх. Усе напоўніліся Духам Святым і пачалі гаварыць на іншых мовах, як Дух даваў ім прамаўляць»

(Дз 2, 1–4).

У суботу 18 мая ў Іванаве (Янаве Палескім) Апостальскі нунцый у Беларусі арцыбіскуп Антэ Ёзіч узначаліць урачыстую цэлебрацыю ў гонар галоўнага апекуна Пінскай дыяцэзіі святога Андрэя Баболі, святара і мучаніка.

Удзел у цэлебрацыі возьмуць каталіцкія біскупы Беларусі на чале з новаабраным Старшынёй ККББ арцыбіскупам Юзафам Станеўскім, Мітрапалітам Мінска-Магілёўскім.

🌿Сьвяты Айцец Францішак: «Менавіта маладыя людзі, падтрыманыя надзеяй, заснаванай на веры, могуць разарваць ланцугі крыўдаў, неразуменьня і забабонаў, якія стагоддзямі трымалі ў палоне католікаў і праваслаўных, не дазваляючы ім прызнаць адзін аднаго братамі, паяднанымі ў разнастайнасьці, здольнымі сьведчыць аб любові Хрыста, асабліва ў гэтым сьвеце, гэтак падзеленым і канфліктным».

🔸Гэтыя словы Папа Рымскі сказаў 16 траўня 2024 году падчас аўдыенцыі ў Ватыкане, на якой прыняў праваслаўнага Мітрапаліта Агатангела і дэлегацыю Афінскага тэалагічнага калегіюма – паведамляе Vatican News. Нагодай для сустрэчы стала 20-годдзе супрацоўніцтва паміж «Apostolikì Diakonia» Грэцкай Праваслаўнай Царквы і Каталіцкім камітэтам па культурным супрацоўніцтве Дыкастэрыі па спрыяньні хрысьціянскай еднасьці.

Раніцай 15 мая Папа Францішак благаславіў звон «Голас ненароджаных», які будзе дастаўлены ў Казахстан.

«Ён будзе нагадваць нам пра неабходнасць абароны чалавечага жыцця ад зачацця да натуральнай смерці», — сказаў Святы Айцец падчас традыцыйнай агульнай аўдыенцыі ў сераду.

Сёння свет мае патрэбу ў надзеі, і таму задачай нас, хрысціян, з’яўляецца сведчанне аб ёй, - лічыць арцыбіскуп Рына Фізікела, адказны за падрыхтоўку Святога 2025 года.

Каментуючы нядаўнюю булу, праз якую Папа афіцыйна абвясціў Юбілей, іерарх патлумачыў, чаму Францішак робіць у ёй настолькі вялікі акцэнт на абвяшчэнні надзеі.

У гэтым паломніцтве я хацеў бы накіраваць асаблівае запрашэнне вернікам Усходніх Цэркваў, асабліва тым, хто ўжо знаходзіцца ў поўнай еднасці з Пераемнікам Пятра. Яны, якія так шмат пакутавалі, часта да самай смерці, за сваю вернасць Хрысту і Царкве, павінны адчуваць сябе асабліва жаданымі ў гэтым Рыме, які з'яўляецца Маці і для іх, і які захоўвае так шмат успамінаў аб іх прысутнасці.

Каталіцкая Царква, узбагачаная іх старажытнымі літургіямі, багаслоўем і духоўнасцю Айцоў, манахаў і багасловаў, хоча сімвалічна выказаць прывітанне ім і іх праваслаўным братам і сёстрам у той час, калі яны ўжо перажываюць паломніцтва Крыжовага шляху, падчас якога яны часта вымушаны пакідаць свае радзімы, свае святыя землі, з якіх гвалт і нестабільнасць гоняць іх у больш бяспечныя краіны. Для іх надзея быць любімымі Царквой, якая не пакіне іх, але рушыць услед за імі, куды б яны ні пайшлі, робіць знак Юбілею яшчэ мацнейшым.

9 мая 2024 года, ва ўрачыстасць Унебаўшэсця Пана, Францішак узначаліў цырымонію, падчас якой была зачытана і ўручана Божаму народу була аб абвяшчэнні Юбілею Святога 2025 года.

Цырымонія прайшла ў атрыўме базілікі святога Пятра, перад закрытымі Святымі дзвярыма. Яна папярэднічала малітве Нешпараў, якую затым узначаліў Папа. Дакумент носіць назву Spes non confundit – Надзея не расчаруе. Ён мае 25 раздзелаў і ўтрымлівае просьбы, прапановы і заклікі Францішка адносна святкавання Святога года, які будзе праходзіць у Каталіцкім Касцёле з 24 снежня 2024 года па 6 студзеня 2026 года пад дэвізам Пілігрымы надзеі. Пантыфік пажадаў, каб менавіта надзеяй стала дарам Юбілея для чалавецтва.

Тыя, хто натхнёны надзеяй і цярплівыя, здольныя перажыць нават самыя цёмныя ночы, - адзначыў Пантыфік падчас агульнай аўдыенцыі, якая прайшла 8 мая 2024 года ў Ватыкане.

Францішак прысвяціў сваю катэхезу надзеі, нагадаўшы, што Катэхізіс Каталіцкага Касцёла называе яе тэалагальнай цнотай, якая дапамагае імкнуцца да Нябеснага Валадарства і прагнуць вечнага жыцця, спадзеючыся не на ўласныя сілы, а на абяцанні Хрыста і ласку Святога Духа.

10-11 мая 2024 года ў Рыме пройдзе Другая сусветная сустрэча па пытаннях чалавечага братэрства пад дэвізам #BeHuman (Быць чалавекам). У мерапрыемствы, арганізаваным ватыканскім Фондам Fratelli tutti, прымуць удзел 30 лаўрэатаў Нобелеўскай прэміі.

У рамках ініцыятывы адбудуцца 12 круглых сталоў з удзелам навукоўцаў, эканамістаў, дзеячаў культуры і спорту, мэраў, менеджараў, рабочых і простых грамадзян з усяго свету. Яны будуць шукаць альтэрнатывы войнам і беднасці, разважаць пра братэрства як аснову новага свету, які складаецца з прыгожых чалавечых і сацыяльных адносін.