У 2024 годзе Пятроў пост: 27 мая - 28 чэрвеня

 
Падчас дэкады 10 -19 чэрвеня 2024  ў грэка-каталіцкаіх парафіях і супольнасцях у Беларусі праходзіць абмяркаванне (асэнсаванне) сацыяльнага служэння. Духоўны патранат вызначае літургічны каляндар: 

11 чэрвеня: Апосталаў Баўтрамея і Барнабы 

19 чэрвеня: Апостала Юды Тадэвуша

Канчатковая дэкада: 20 - 29 чэрвеня 2024 гэта час асаблівай малітвы:

20 чэрвеня: заступніцкая малітва за святароў, іхняе служэнне ды за святарскія пакліканні;

22 чэрвеня: Дзень усенароднай памяці ахвяр Вялікай Айчыннай вайны і генацыду беларускага народа;-Паніхіда

24 чэрвеня: свята нараджэння св. Яна Хрысціцеля;

29 (30) чэрвеня: свята Вярхоўных Апосталаў Пятра і Паўла - малітва за служэнне Папы Францішка. 

Рэкамендаванай малітвай ў гэты час з'яўляецца Акафіст Вярхоўным Апосталам Пятру і Паўлу.

 Далучаем 1-шую частку Акафісту (на першыя дні 20-23.06).

У Рымскім літургічным каляндары 13 чэрвеня адзначаецца успамін св. Антонія Падуанскага, прэзбітара і доктара Царквы. 

Гэта дзень нябеснага Апякуна Апостальскага Нунцыя Антэ Ёзіча і Біскупа Пінскага Антонія Дзям'янкі. Іхняе апостальскае служэнне даручаем у малітве заступніцтву нястомнага Падуанскага Святаслужыцеля. 

"НА МНОГІЯ і ШЧАСНЫЯ ЛЕТЫ"!

25 год таму - 13 чэрвеня 1999 г. Папа Ян Павел ІІ бэатыфікаваў 108 мучанікаў Другой сусветнай вайны, з ліку якіх 12, што мучаніцкую смерць прынялі ў Беларусі, з рук нямецкіх нацысцкіх карнікаў.

Сярод гэтых новамучанікаў была і Мар'яна Бярнацкая, якая паходзіла з верных Каталіцкай Царкве ўніятаў з былой холмскай епархіі. Былі мучанікі Росіцкія - марыяне Антоні Ляшчэвіч і Юры Кашыра, святары Мечыслаў Багаткевіч, Станіслаў Пыртэк, Уладзіслаў Мацьковяк, Генрык Глябовіч...

Сярод мноства Божых слоў, якія мы чуем кожны дзень на Імшы ці ў Літургіі гадзін, заўсёды ёсць адно, прызначанае спецыяльна для нас, - нагадаў Папа падчас агульнай аўдыенцыі, якая прайшла 12 чэрвеня 2024 года ў Ватыкане.

Францішак працягнуў катэхетычны цыкл, прысвечаны Святому Духу, “які вядзе Касцёл да Хрыста, нашай надзеі”. “У мінулы раз мы разглядалі дзейнасць Духа ў стварэнні, а сёння мы ўбачым яе ў Аб’яўленні, натхнёным Богам, аўтарытэтным сведчаннем якога з’яўляецца Святое Пісанне”, - сказаў ён.

З 3 па 7 чэрвеня 2024 г. у Бары (Італія) праходзіла пасяджэнне Каардынацыйнага камітэта Сумеснай міжнароднай камісіі па тэалагічным дыялогу паміж Рымска-Каталіцкай і Праваслаўнай Цэрквамі.  Дэлегацыю РКЦ узначаліў кардынал Курт Кох, праваслаўную — мітрапаліт Ёў (Геча).

Каардынацыйны камітэт разгледзеў праект тэксту «Да еднасці ў веры: багаслоўскія і кананічныя пытанні», у якім падсумоўваюцца вынікі дыялогу на сённяшні дзень і ўказваюцца на пытанні, якія патрабуюць вырашэння паміж рыма-католікамі і праваслаўнымі. Камісія разгледзела праект дакумента аб ходзе дыялогу і праблемах, якія патрабуюць вырашэння, пачынаючы з абмеркавання Filioque і непамыльнасці Папы Рымскага.

19 (8) верасня 1730 г. адбылося каранаванне Жыровіцкай Іконы Багародзіцы папскімі каронамі. Папам Рымскім быў тады Клімент ХІІ (12.VII.1730 - 6.ІІ.1740). Але рашэнне "узлажыць на галаву Богадзіцяці Ісуса і Багародзіцы Дзевы ў г. Жыровіцах, у царкве айцоў ордэна св. Васіля, залатыя кароны" было прынята яшчэ ў 1726 годзе (А. Соніч), у час пантыфікату Папы Бэнэдыкта ХІІІ (29.V.1724-21.ІІ.1730).

Ад 2010 года, калі адзначалася 280 год каранавання Жыровіцкай Іконы Багародзіцы, беларускія грэка-католікі (асабліва парафія Маці Божай Жыровіцкай ў Івацэвічах) ушаноўваюць памяць Слугі Божага папы Бэнэдыкта ХІІІ. Адбыліся і пілігрымкі (авія-пілігрымкі) да месца ягонага нараджэння ў Gravina in Puglia.

Чацвёртая царкоўная запаведзь («Захоўвай прадпісаныя Царквой перыяды ўстрымання ад мясной ежы і пасты») вызначае перыяды аскетычнага жыцця і пакаяння, якія рыхтуюць нас да літургічных святкаванняў і спрыяюць таму, што мы набываем уладу над сваімі інстынктамі і свабоду сэрца. (ККЦ 2043).

Перыяды і дні пакаяння на працягу літургічнага года з'яўляюцца ў Царкве асаблівым часам практыкі пакаяння.  Гэтыя перыяды найбольш падыходзяць для духоўных практыкаванняў, пакаяльных набажэнстваў, паломніцтваў пакаяннага характару, а таксама для добраахвотных самаабмежаванняў, такіх, як пост і міласціна, і для таго, каб па-братэрску дзяліцца з іншымі (дабрачынныя і місіянерскія справы). (ККЦ 1438).

У нядзелю 26 мая адзін з найстарэйшых святароў Мінска-Магілёўскай архідыяцэзіі ксёндз канонік Уладзіслаў Завальнюк адзначыць 50-годдзе святарства.

Сёлетні год для ксяндза Уладзіслава юбілейны ўдвая: 8 ліпеня ён будзе святкаваць 75-гадовы юбілей з дня нараджэння.

У суботу 25 мая ў катэдральнай базыліцы святога Францішка Ксавэрыя ў Гродне адбылося біскупскае пасвячэнне біскупа каад’ютара Гродзенскай дыяцэзіі Уладзіміра Гуляя.

Галоўным пасвячаючым біскупам новага беларускага іерарха быў Апостальскі нунцый у Беларусі арцыбіскуп Антэ Ёзіч, для якога Уладзімір Гуляй стаў першым пасвячаным біскупам у пастырскім служэнні харвацкага іерарха, прадстаўніка Папы Францішка ў нашай краіне. Асістуючымі пры пасвячэнні біскупамі былі Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Юзаф Станеўскі і першы Гродзенскі біскуп Аляксандр Кашкевіч, наступнікам якога пасля завяршэння яго пастырскага служэння стане ноавапасвячаны біскуп: менавіта гэта азначае яго тытул «каад’ютар».

У 1980 годзе Папа Ян Павел ІІ абвясціў Святых братоў Кірыла і Мятода Супакравіцелямі Еўропы. 

На працягу многіх гадоў склалася традыцыя, што дзяржаўна-царкоўныя дэлегацыі Балгарыі і Паўночнай Македоніі прыбываюць да Рыму на аўдыенцыі ў Святога Айца з нагоды святкавання 24 траўня. У гэтым годзе дэлегацыі, у склад якіх традыцыйна ўвайшлі прадстаўнікі Каталіцкіх Цэркваў візантыйскага абаду, Папа Францішак прыняў у чацвер, 23 траўня.