Гендарная тэорыя сур'ёзна супярэчыць чалавечай прыродзе і мае глыбокія наступствы для абвяшчэння асноў хрысціянскай веры, падрываючы ролю бацькі, маці, сужэнства і адносін паміж дзецьмі і бацькамі, - лічыць кардынал Вілем Эйк.

Прымас Нідэрландаў падкрэсліў, што тэрмінова неабходны дакумент, які дакладна вызначыць канцэпцыю Каталіцкага Касцёла ў гэтай справе. Ён прапанаваў тут папскую энцыкліку, у якой будзе афіцыйна адкінута памылковая антрапалогія, што ляжыць у аснове гендарнай тэорыі.

Папа Францішак запэўніў у падтрымцы ініцыятыў Юдэйска-хрысціянскага сяброўства (Amitié Judéo-Chrétienne). Чальцоў французскай асацыяцыі ён прыняў 12 снежня 2022 года ў Ватыкане. Нагодай стала 75-годдзе яе заснавання.

Папа падзякаваў сваім гасцям за дапамагу яўрэям і хрысціянам ва “ўзаемным пазнанні, разуменні, павазе і сяброўстве”, “ва ўсведамленні сябе як братоў, дзяцей аднаго Айца”.

10 снежня ў касцёле Найсвяцейшай Тройцы (святога Роха) на Залатой Горцы ў Мінску трое біскупаў маліліся ў першую гадавіну адыходу ў вечнасць першага пробашча адроджанай Залатагорскай парафіі і першага дырэктара Дабрачыннага каталіцкага таварыства Caritas у Беларусі ксяндза Міхала Сапеля.

Цэлебрацыю святой Імшы ў інтэнцыі спачылага святара ўзначаліў Мітрапаліт Мінска-Магілёўскі арцыбіскуп Юзаф Станеўскі. Разам з ім маліліся арцыбіскуп эмэрыт Тадэвуш Кандрусевіч, які ў 1991 годзе прызначыў ксяндза Міхала Сапеля пробашчам парафіі на Залатой Горцы, Генеральны вікарый Мінска-Магілёўскай архідыяцэзіі біскуп Юрый Касабуцкі, які доўгі час супрацоўнічаў з ксяндзом Міхалам, а таксама Апостальскі візітатар для беларускіх грэка-католікаў архімандрыт Сяргей Гаек.

Паводле каляндара Каталіцкай Царквы лацінскага абраду 8 снежня святкуецца Ўрачыстасць Беззаганнага Зачацця Найсвяцейшай Дзевы Марыі (festivitas Immaculatae Conceptionis Beatissimae Virginis Mariae).

Тайну Беззаганнага Зачацця Багародзіцы Цэрквы візантыйскай традыцыі адзначаюць 9 снежня: "Зачацце св. Ганны, калі яна зачала Найсвяцейшую Багародзіцу".

У сувязі з гэтым варта даведацца, што насамрэч у гэты дзень святкуе Царква. Запрашаем прачытаць тэкст з сайта Catholic.by.

Віншуем Мінскую грэка-кат. парафію св. Мікалая, Валянцераў св. Мікалая і ўсіх, хто носіць імя гэтага святога Іерарха.

Памятайма, што св. Мікалай быў біскупам: клапаціўся аб бедных, прыносіў падаркі дзецям але і вучыў іх хрысціянскай веры. Сёння добрая нагода, каб здынамізаваць наш клопат пра хрысціянскае выхаванне дзяцей і моладзі, каб падтрымаць катэхізатараў і святаслужыцеляў, якія мужна служаць у Беларусі.

Cтымуляваць добрую палітыку для сем'яў і з сем'ямі, - заклікаў Папа ўдзельнікаў Форуму сямейных аб'яднанняў, якіх прыняў 2 снежня 2022 года ў Ватыкане.

Прычым рабіць гэта трэба зыходзячы не з нейкай ідэалогіі, а з дактрыны і сацыяльнай практыкі Касцёла, шляхам дыялогу з усімі інстытутамі, якія адказваюць за сямейную палітыку, служачы не інтарэсам аднаго боку, а агульнаму дабру, - звярнуў увагу Францішак.

На заканчэнне агульнай аўдыенцыі 30 лістапада 2022 года Папа Францішак запэўніў у сваёй любові і малітве Праваслаўную Царкву Канстанцінопаля і Патрыярха Барталамея І. Ён таксама запрасіў маліцца за ўкраінскі народ.

“Сёння мы адзначаем урачыстасць святога апостала Андрэя, брата Сымона Пятра, апекуна Царквы ў Канстанцінопалі, куды, як звычайна, накіравалася дэлегацыя Апостальскай Сталіцы. Хачу выказаць сваю асаблівую любоў да майго дарагога брата, Патрыярха Барталамея І, і да ўсёй Царквы Канстанцінопаля. Няхай заступніцтва святых братоў апосталаў Пятра і Андрэя хутка дазволіць усёй Царкве цешыцца поўнай еднасцю і мірам ва ўсім свеце, асабліва ў гэты час у нашай дарагой і змучанай Украіне, заўсёды прысутнай у нашых сэрцах і ў нашых малітвах”, - сказаў Францішак. 

Аляксандр Амяльчэня - Vatican News

Перадкалядныя рэкалекцыі  ў грэка-каталіцкім Душпастырскім цэнтры Праведнага Язэпа ў г. Мінску  (вул. Арджанікідзе, д. 6) - праводзіць а. Зміцер Чарнель, іераманах-рэдэмптарыст.

2.12.2022 - ПЯТНІЦА:

18:30 – Пачатак рэкалекцый, Боская Літургія, духоўная навука, магчымасць споведзі

3.12.2022 - СУБОТА:

10:00 – Боская Літургія, духоўная навука, магчымасць споведзі

18:00 – Вячэрня, духоўная навука, магчымасць споведзі

4.12.2022 - НЯДЗЕЛЯ:

10:00 – Боская Літургія з рэкалекцыйным казаннем

29.11.2022, Аўторак, гадз.18:30 - Боская Літургія ў храме Парафіі Праведнага Язэпа (вул. Арджанікідзе, д. 6);

30.11.2022, Серада, гадз. 18:30 - Боская Літургія ў храме Парафіі Маці Божай Нястомнай Дапамогі (зав. Снежны , д. 7).

Апостал Андрэй (стар.-грэцк. Ἀνδρέας, лац. Andreas), больш вядомы як апостал Андрэй Першапакліканы (Ἀνδρέας ὁ Πρωτόκλητος). Паводле Евангелля ад Яна, быў першым пакліканы Ісусам  Хрыстом.  У спісах апосталаў, якія прыводзяцца ў Евангеллях ад Матфея і Лукі, займае другое месца пасля свайго брата, апостала Пятра, але ў Евангеллі ад Марка — чацвёртае месца. Святы Праваслаўнай і Каталіцкай Царквы. Асаблівы Пакравіцель Цэркваў візантыйскай традыцыі.