Хворыя павінны быць у цэнтры чалавечай увагі, але культура індывідуалізму вядзе да таго, што многія жывуць у адзіноце і пакінутасці, - гаворыцца ў пасланні Францішка на XXXII Сусветны дзень хворага, які будзе адзначацца 11 лютага 2024 года.

Тэма паслання – "Нядобра чалавеку быць аднаму" (пар. Быц 2, 18).

З самага пачатку Бог стварыў чалавека для зносін і надзяліў прыроджанай здольнасцю ўступаць у адносіны з іншымі людзьмі. Такім чынам, наша жыццё закліканае цалкам рэалізаваць сябе ў дынамізме адносін, сяброўства і ўзаемнай любові. Мы створаны, каб быць разам, а не ў адзіноце. Мы ўспрымаем досвед пакінутасці і адзіноты як нешта страшнае, хваравітае і нават бесчалавечнае. Гэта пачуццё яшчэ больш абвастраецца ў час сур'ёзнай хваробы, калі чалавек адчувае сябе ўразлівым, няўпэўненым і неабароненым, - напісаў Пантыфік.

Свята Сустрэчы Госпада Бога і Збаўцы нашага Ісуса Хрыста ўсе цэрквы, акрамя армянскай, святкуюць 2 лютага

У цэнтры святкавання Стрэчання знаходзіцца падзея, апісаная ў Евангеллі паводле Лукі, калі Ісус на саракавы дзень пасля нараджэння быў прынесены ў Ерусалімскі храм, дзе яго сустрэў праведны Сімяон.

За тры тыдні да наступлення Вялікага посту пачынаецца падрыхтоўчы перыяд, які падводзіць вернікаў асаблівымі чытаннямі і спевамі. Пачынаючы з першага падрыхтоўчага Тыдня пра мытніка і фарысэя і да нядзелі пятага тыдня посту на ютрані спяваюцца пакаяныя трапары:

(Тон 8) Слава…: Пакаяньня дзьверы адчыні мне, Жыцьцядаўча: зранку дух мой імкнецца да сьвятыні Тваёй; сьвятыня ж цела майго ўся апаганеная, але Ты, як Добры, ачысьці мяне ў дабрасардэчнай міласьці Тваёй.

Цяпер…: На сьцежкі збаўленьня настаў мяне, Багародзіца, бо я апаганіў душу маю саромнымі грахамі і ў ляноце ўсё жыцьцё маё змарнаваў; але Тваімі малітвамі выбаў мяне ад усялякай нячыстасьці.

(Тон 6) Зьмілуйся нада мною, Божа, паводле Тваёй вялікай міласэрнасьці і паводле мноства дабротаў Тваіх загладзь беззаконьне маё.

Разважаючы над мноствам зробленых мною лютых грахоў, я, няшчасны, з трапатаньнем чакаю страшнага суднага дня: але, спадзяючыся на міласьць дабрасардэчнасьці Тваёй, як Давід, усклікаю Табе: “Зьмілуйся нада мною, Божа, паводле Тваёй вялікай міласэрнасьці”. 

[Паводле: ЧАСОЎНІК, Антвэрпан 2012, ст. 39].

Калі хрысціяне сталеюць у служэнні Богу і бліжняму, яны ўзрастаюць таксама ва ўзаемным разуменні, - падкрэсліў Пантыфік на заканчэнне Тыдня малітваў аб еднасці хрысціян.

25 студзеня 2024 года Папа ўзначаліў малітву нешпараў з ўдзелам лідараў розных хрысціянскіх канфесій, у тым ліку Архіепіскапа Кентэрберыйскага Джасціна Уэлбі і Мітрапаліта Палікарпа, прадстаўніка праваслаўнага Экуменічнага Патрыярхату. Яна прайшла ў рымскай базіліцы святога Паўла за Мурамі.

23 студзеня на прэс-канферэнцыі ў Ватыкане былі прадстаўлены падрабязнасці правядзення Года малітвы, які павінен дапамагчы падрыхтавацца да юбілейных урачыстасцяў.

Па інфармацыі Каталіцкага інфармацыйнага агенцтва КАІ, арцыбіскуп Рыно Фізікела, прапрэфект Дыкастэрыі па справах Евангелізацыі, паведаміў, што 9 мая Папа Францішак выдасць булу, якая абвесціць Юбілейны 2025 год.

На заканчэньне сустрэчы з вернікамі пасьля малітвы «Анёл Гасподні» ў Ватыкане, у Нядзелю Божага Слова, якая адзначаецца ў Царкве 21 студзеня 2024 году, Сьвяты Айцец Францішкак абвясьціў у Царкве асаблівы Год малітвы, які павінен дапамагчы падрыхтавацца да Юбілею 2025 году – паведамляе Vatican News.

У рамках падрыхтоўкі да Сьвятога 2025 году Папа Рымскі заклікаў нанова адкрыць важнасьць і каштоўнасьць малітвы, асабліва за хрысьціянскую еднасьць, заахвоціўшы таксама маліцца за мір на Сьвятой Зямлі, ва Ўкраіне і ў іншых краінах сьвету, якія пакутуюць ад вайны, зьвяртаючы асаблівую ўвагу на пакуты дзяцей. 

23 студзеня ўшаноўваем блаславёных мучанікаў Падляскіх, якія ў 1874 г. аддалі жыццё абараняючы сваю парафіяльную ўніяцкую царкву ў Пратуліне ад царскіх жаўнераў. Блаславёны Вінцэнты Леванюк і 12 яго паплечнікаў былі вернікамі Ўніяцкай Царквы, якая падвяргалася ганенням з боку царскіх уладаў.

АПОСТАЛ: 1 Ліст Яна 3:10-24; ЕВАНГЕЛЛЕ: Мацвей 21:33-42 

Трапар

(Тон 4) Мучанікі Падляскія! Выйшаўшы на барацьбу з лютым ворагам, які хацеў загубіць душы вашыя, не спалохаліся пагрозаў ягоных, а мужна вытрывалі пры сваёй Царкве аж да сьмерці, бо непахісна стаялі вы на духоўным камяні – Пятровай скале. Прыняўшы вянок славы ад адзінага Пераможцы і Ўладара, маліце Яго, каб і мы былі верныя Царкве Хрыстовай.

Кандак

(Тон 2) Радуйся, Пратулін! Бо ты не найменшы з паселішчаў ды гарадоў падляскіх. Ад цябе зазьзялі тыя, што за Царкву прынесьлі жыцьцё сваё ў ахвяру, і гэтым здабылі неўвядальны вянок славы. Дык маліцеся ж мучанікі, перад пасадам Усявышняга за ўмацаваньне нас у веры і за збаўленьне душаў нашых.

На заканчэнне сустрэчы з вернікамі на малітве Анёл Панскі, якая прайшла 21 студзеня 2024 года ў Ватыкане, Папа абвясціў у Касцёле спецыяльны Год малітвы, якія павінен дапамагчы падрыхтавацца да Юбілею 2025 года.

Францішак нагадаў, што бліжэйшыя месяцы будуць папярэднічаць урачыстаму адкрыццю Святых дзвярэй, якім у Касцёле распачнецца Юбілей. “Прашу вас умацаваць малітву, каб падрыхтавацца добра перажыць гэту падзею ласкі і спазнаць сілу надзеі ў Богу. Таму сёння мы распачынаем Год малітвы: гэта значыць год, прысвечаны таму, каб нанова адкрыць вялікую каштоўнасць і абсалютную неабходнасць малітвы: малітвы ў асабістым жыцці, у жыцці Касцёла, малітвы ў свеце”, - сказаў Папа, дадаючы, што ў правядзенні ініцыятывы дапамогуць матэрыялы, падрыхтаваныя ватыканскай Дыкастэрыяй па евангелізацыі.

Аляксандр Панчанка - Vatican News

20 студзеня ў катэдральным касцёле св. Францішка Ксаверыя ў Гродне адбылося экуменічнае набажэнства з удзелам прадстаўнікоў розных хрысціянскіх канфесій у межах Тыдня малітваў аб адзінстве хрысціянаў.

Дэвізам сёлетняга экуменічнага тыдня сталі словы з Евангелля паводле Лукі: “Любі Пана Бога твайго…, а бліжняга свайго, як самога сябе” (Лк 10, 27).

У малітве, якую ўзначаліў біскуп Гродзенскі Аляксандр Кашкевіч, удзельнічалі прадстаўнікі Рыма-Каталіцкага Касцёла, Грэка-Каталіцкай Царквы, Праваслаўнай Царквы, Евангелічна-лютэранскай супольнасці, Царквы поўнага Евангелля “Жывое Слова”.

17 студзеня ў Хрысціянскім сацыяльным цэнтры Місіі Добрага Самараніна ў Мінску адбылося незвычайнае калядаванне: каталіцкія і праваслаўныя вернікі сустрэліся і разам спявалі калядкі.

Як паведамляе сайт Місіі Samaranin.by, гасцямі Хрысціянскага сацыяльнага цэнтра сталі ўдзельнікі праваслаўнага хору з размешчанага непадалёк сталічнага прыхода святой роўнаапостальнай княгіні Вольгі. У выкананні царкоўнага калектыва прагучалі калядкі розных краін свету.

Напрыканцы сустрэчы сабраныя мелі магчымасць бліжэй пазнаёміцца паміж сабою і пагутарыць пры кубку гарбаты.

Паводле: Samaranin.by / Фота: Samaranin.by