13 красавіка 1991 года булай Ex quadam святы Ян Павел ІІ устанавіў Мінска-Магілёўскую архідыяцэзію і мітраполію, адрадзіўшы такім чынам касцёльныя структуры на тэрыторыі незалежнай Беларусі пасля дзесяцігоддзяў панавання на нашых землях савецкай улады, якая вяла барацьбу з рэлігіяй, і пераследу веры і Касцёла.

13 красавіка 2026 года ў 12.00 у мінскім архікатэдральным касцёле Імя Найсвяцейшай Панны Марыі будзе цэлебравацца святая Імша з нагоды 35-годдзя адраджэння структур Каталіцкага Касцёла ў Беларусі, а таксама аднаўлення колішняй Мінскай дыяцэзіі і Магілёўскай архідыяцэзіі ў выглядзе Мінска-Магілёўскай архідыяцэзіі і новай Мінска-Магілёўскай мітраполіі.

Узначаліць святую Імшу арцыбіскуп Юзаф Станеўскі, Мітрапаліт Мінска-Магілёўскі.

Крыж Хрыста нагадвае нам пра пакуты і боль, якія суправаджаюць смерць. Усе мы баімся смерці, і з-за гэтага страху адварочваемся ў іншы бок. Аднак мы не можам заставацца абыякавымі і мірыцца са злом, - сказаў Леў XIV.

У Вялікдзень, 5 красавіка 2026 года, Папа звярнуўся да горада Рыма і ўсяго свету з традыцыйным пасланнем і благаслаўленнем “Urbi et Orbi”.

Хрыстос уваскрос - Χριστὸς ἀνέστη - Al Masih Qam // Уваскрослы Хрыстос прыносіць свету мір. Песні радасці гучаць і ў Святой Зямлі, у тым ліку з вуснах арабскіх хрысціян.

Старшыня Канферэнцыі Каталіцкіх Біскупаў Беларусі арцыбіскуп Юзаф Станеўскі кіруе зварот да святароў, кансэкраваных асобаў і вернікаў Беларусі, заахвочваючы іх падтрымаць ахвяраваннямі хрысціян, якія жывуць у Святой Зямлі.

Падтрымка хрысціян у Святой Зямлі

«Па гэтым усе пазнаюць, што вы Мае вучні, калі будзеце мець любоў адзін да аднаго»
(Ян 13, 35)

Усяго 21 386 дарослых і падлеткаў прымуць хрост у Каталіцкай Царкве ў Вялікую суботу ў Францыі. За апошнія чатыры гады колькасць дарослых, якія просяць аб хросце, вырасла ў тры разы. Значна знізіўся ўзрост асоб, якія звяртаюцца па хрост. Вядома таксама, што стала прычынай навяртання.

Даныя прадставіў епіскапат Францыі. У Францыі будзе ахрышчана 13 234 дарослых і 8 152 падлеткі. Гэта аж на 20% больш, чым у мінулым годзе. Гэтыя лічбы паказваюць, што замацоўваецца тэндэнцыя, якая пачалася чатыры гады таму. Біскупы тады падкрэслівалі, што новая хваля навяртанняў не выклікана новай праграмай ці душпастырскім стылем. Яны бачылі ў гэтым хутчэй незаслужаны дар Божай ласкі.

Сумесныя ініцыятывы хрысціян і мусульман сведчаць аб тым, што мірнае суіснаванне людзей розных культур і веравызнанняў цалкам магчымае, - падкрэсліў Папа падчас сустрэчы з міжрэлігійнай дэлегацыяй з Афрыкі.

25 сакавіка 2026 года Леў XIV прыняў на аўдыенцыі ў Ватыкане дэлегацыю Праграмы хрысціянска-мусульманскіх адносін у Афрыцы (PROCMURA) – панафрыканскай арганізацыі, якая спрыяе паглыбленню міжрэлігійнага дыялогу і ўзаемаразумення паміж хрысціянамі і мусульманамі. Яе штаб-кватэра знаходзіцца ў Кеніі.

Арганізатары VI Сусветнага Апостальскага Кангрэса Міласэрнасці раскрылі падрабязную праграму і імёны ключавых выступоўцаў, якія прыедуць у Вільню ў чэрвені.

Падрыхтоўка да форуму, што пройдзе 7-12 чэрвеня 2026 года, выходзіць на фінішную прамую. Спіс запрошаных экспертаў дэманструе імкненне Дыкастэрыі па евангелізацыі і Віленскай архідыяцэзіі да паглыбленага аналізу ролі хрысціяніна ў сучасным свеце.

Кардынал Клаўдыё Гуджэроцці — адзін з самых вопытных галасоў Ватыкана на хрысціянскім Усходзе. На працягу сваёй кар'еры ён служыў і працаваў папскім нунцыем у краінах Закаўказзя, Беларусі і Украіне.

У лістападзе 2022 года папа Францішак прызначыў Клаўдыё Гуджэроцці прэфектам Дыкастэрыі па справах Усходніх Касцёлаў, ватыканскага структурнага падраздзялення, які адказвае за 23 усходнія каталіцкія Касцёлы, што знаходзяцца ў еднасці з Рымам. Менш чым праз год, у верасні 2023 года, ён быў менаваны кардыналам.

Лацінскі Патрыярх Іерусаліма абвясціў аб адмене традыцыйных урачыстасцей Вялікага тыдня з прычыны вайны, заклікаўшы вернікаў да супольнай малітвы на ружанцы за мір у рэгіёне.

Сёлетні шлях да ўваскрасення Хрыстовага для хрысціян Святой Зямлі азмрочаны суровай рэчаіснасцю ваенных дзеянняў. Кардынал П’ербатыста Піцабала ў сваім адмысловым звароце да вернікаў са смуткам канстатаваў, што немагчымасць правесці традыцыйныя набажэнствы ў месцах Мукі Збаўцы стала яшчэ адной балючай ранай, нанесенай канфліктам.

Упершыню ў гісторыі Базіліка Гробу Пана ў Іерусаліме зачынена на такі працяглы тэрмін, што ставіць пад пагрозу правядзенне набажэнстваў Вялікага тыдня ў Святой Зямлі.

Іерусалім перажывае беспрэцэдэнтны час выпрабаванняў: з 28 лютага 2026 года галоўная святыня хрысціянства, Базіліка Гробу Пана, застаецца зачыненай. Ізраільскія ўлады не дазволілі цэлебраваць нядзельныя літургіі Вялікага посту нават пры зачыненых дзвярах, як гэта практыкавалася ў часы пандэміі. Гэта стварае атмасферу глыбокай няпэўнасці напярэдадні Пасхальнага Трыдуума.