19 сьнежня 2008 г. прайшло 6 месяцаў ад моманту Сустрэчы Дзяржсакратара Яго Сьвятасьці Папы Бенядыкта XVI, Кардынала Тарчызіё Бэртонэ, з Супольнасьцю Беларускай Грэка-Каталіцкай Царквы ў нашым Душпастырскім Цэнтры сьвятога Язэпа.

У духу падзякі за гэтую вялікую падзею Апостальскі Візітатар БГКЦ Архімандрыт Сяргей (Гаек) зьдзейсьніў кароткую пілігрымку у Рым.

18 сьнежня 2008 г. ён маліўся ў Базыліцы сьв. Пятра ў Ватыкане, пры мошчах сьвятога Вярхоўнага Апостала Пятра, пры мошчах сьв. Сьвятамучаніка Язафата Полацкага і пры магіле Слугі Божага Папы Яна Паўла ІІ-га. У той жа дзень Апостальскі Візітатар меў сустрэчу з Кіраўніцтвам Кангрэгацыі Ўсходніх Цэркваў у Ватыкане.

Расклад сьвяткаваньняў з нагоды парафіяльнага сьвята парафіі Сьвятога Язэпа:

27.12.2008
12:00 – перадсьвяцьце парафіяльнага сьвята:
Сьвяточная працэсія, Літургія сьв.Яна Златавуснага, узначальваюць Апостальскі Нунцый у Беларусі Найдаст. Архібіскуп Марцін Відавіч і Апостальскі Візітатар Беларускай Грэка-Каталіцкай Царквы Архім. Сяргей у саслужэньні сьвятароў бізантыйскага і лацінскага абрадаў

14:00 – сьвяточны абед для сьвятароў

28.12.2008 – парафіяльнае Сьвята
09:00 – Ютрань
10:00 – Літургія сьв.Яна Златавуснага
12:00 – Сьвяточны канцэрт
13:00 – Братэрская агапа для ўсіх парафіянаў

Расклад сьвяткаваньняў з нагоды сьвята Раства Хрыстовага:

Цэнтр Сьвятога Язэпа, Капліца Усіх Сьвятых Беларускіх

24.12.2008
18:30 – перадсьвяцьце Раства Хрыстовага:
Сьвяточная працэсія, Літургія сьв.Васіля Вялікага з Вячэрняй
20:00 – Куцьця:
Братэрская агапа 12-і страваў
21:00 – Калядкі

25.12.2008
10:00 – сьвята Раства Хрыстовага:
Літургія сьв.Яна Златавуснага
12:00 – Дзіцячае сьвята:
Калядкі каля Батлеема і Каляднай елачкі на вуліцы; Калядная містэрыя, віктарыны, батлейка, Сьвяты Мікола з падарункамі ў бібліятэцы; сьвяточны ”салодкі” стол у залі ”Эмаўс”

26.12.2008
09:00 – 2-і дзень сьвята Раства Хрыстовага, Сабор Найсьвятой Багародзіцы:
Літургія сьв.Яна Златавуснага

Касьцёл сьв. Сымона і Алены (Чырвоны касьцёл)

24 сьнежня - 21.00 Боская Літургія
25 сьнежня - 11.00 Боская Літургія
26 сьнежня - 19.00 Боская Літургія

Бэтлеемскае сьвятло – гэта перш за ўсё сімвал жыцьця. Пра гэта выразна напісаў сьвяты Евангеліст Ян: “Бог ёсьць сьвятло, і няма ў ім ніякае цемры” (1 Ян 1.8). Сын Божы прыйшоў на сьвет, каб збавіць яго ад цемры граху, і абдарыць асьвячаючай ласкай – сьвятлом жыцьця. У Хросьце новаахрышчанаму падаецца запаленая сьвечка – сімвал новага жыцьця, якім абдароўвае кожнага з нас Ісус Хрыстос.

Прыйсьце Хрыста ў сьвет таксама суправаджае сьвятло. Першымі яго пабачылі пастухі, якія чувалі каля сваіх статкаў: “Раптам зьявіўся ім анёл Гасподні, і слава Гасподняя апраменіла іх; і спалохаліся страхам вялікім. І сказаў ім анёл: ня бойцеся; я абвяшчаю вам вялікую радасьць, якая будзе ўсім людзям...” (Лк 2.9-10).

19 сьнежня адышла ў вечнасьць Ніна Мацяш, чалавек сьветлай, прыгожай душы, шчырая беларуска, сяброўка нашай Царквы. Усемагутны Госпад даў ёй вялікія выпрабаваньні, якія яна з годнасьцю вытрывала і вялікі талент, які яна рэалізавала напоўніцу. Творы яе, напоўненыя незвычайнай цеплынёй і любоўю сагравалі душы многіх беларусаў, змушалі задумацца над сваім жыцьцём, вучылі шанаваць і любіць сваю зямлю, сваю мову, Бога.

Вечная памяць!

Сёньня роўна паўгады ад візіту Яго Эмінэнцыі кардынала Тарчызіо Бэртонэ, які тады асьвяціў наш Душпастырскі цэнтр. З гэтай нагоды ў Цэнтры сьв. Язэпа наш пробашч, айцец Андрэй Абламейка, адслужыў асаблівы ўдзячны малебен за Сьвятога Айца Бенядыкта ХVІ, Ягонага Дзяржаўнага Сакратара кардынала Тарчызіо Бэртонэ і Ягонага Нунцыя ў Беларусі архібіскупа Марціна Відавіча.

Акрамя таго, сёньня пачалася Дзевятніца – духовая падрыхтоўка да патранальнага сьвята нашай парафіі, таму была адслужана першая частка Акафіста Сьвятому і Праведнаму Язэпу Абручніку Найсьвяцейшай Дзевы Марыі. На працягу дзевяці дзён будзе брацца адна частка Акафіста і малітва да сьв.Язэпа.

Учора ў нашай парафіі скончыліся рэкалекцыі, якія праводзіў а. Андрэй Сідаровіч. Мы прайшлі разам са старазапаветным Абргамам ягоным шляхам веры да спаўненьня абяцаньняў Гасподніх. Пасьля Эўхарыстыі а. Андрэй удзяліў усім прысутным асаблівае блаславеньне. На заканчэньне рэкалекцыяў удзельнікі сабраліся разам на братэрскую агапу.

Сёньня, 19 сьнежня, пачынаюцца рэкалекцыі для парафіяў Маці Божай Нястомнай Дапамогі і Сьвятога Духа, якія правядзе а. Пахом Кавалёў. Пачатак у 18:30 у дольнай капліцы касьцёла сьвв. Сымона і Алены.

парафія Сьвятога Язэпа і парафія Сьвятога Міколы

У нашым Цэнтры Сьвятога Язэпа прайшоў першы дзень рэкалекцыяў. Айцец Андрэй Сідаровіч прапанаваў паразважаць над асобай старажытнага патрыярха, праайца Абрагама.
Навяртаньне і пакліканьне, давер і блаславеньне...
Дзьве канфэрэнцыі, Боская Літургія і споведзь...

Такім быў першы дзень – сьвяты Язэпе, маліся за нас!

Яны праходзілі 14-16 сьнежня 2008 г. ды былі інспіраваныя словамі Апостальскага Нунцыя ў Беларусі, Архібіскупа Марціна Відавіча зь ягонага Пасланьня да грэка-католікаў Беларусі, ад 13 ліпеня 2208 году:
Заахвочвае нас любоў Хрыста,
Які, палюбіўшы сваіх, да канца іх палюбіў (пар. Ян 13,1).

Гэты былі духоўныя практыкаваньні, вечары духоўных настаўленьняў, супольнай малітвы, чытанньня ды тлумачэньня Слова Божага, сьведчаньняў хрысьціянскага служэньня маладых людзей.

Вось чаго я ніколі сабе ўявіць ня мог, дык гэта таго, што жвавага, з жывымі, быстрымі вачыма, не пазбаўленага артыстычных здольнасьцяў рагатуна празь нейкі час буду называць бацюшкам.

А ён нейк хутка – ці не пад уплывам свайго большага брата Сяргея? – стаў царкоўным чалавекам.

У 1990 годзе на Бацькаўшчыне толькі-толькі пачала адраджацца Унія, а ўжо ў 1991 годзе прэфэкт Кангрэгацыі ўсходніх цэркваў паківаў беларусам і ўкраінцам пальцам: каб больш такога не было. Гэта значыць, каб не высьвячалі на дыяканаў надта маладых людзей. Бо і праўда, у траўні 1991-га, калі яго высьвяціў біскуп Сафрон Дмытэрка, дыякан грэка-каталіцкай парафіі Сьвятога і Праведнага Язэпа ў Менску толькі што ўступіў у дваццаць другі год жыцьця.