30 верасня ў біскупскай курыі ў Гродне была афіцыйна абвешчана інфармацыя аб змене біскупа Гродзенскага.

Як паведаміла Прэс-служба Гродзенскай дыяцэзіі, канцлер курыі ксёндз канонік Аляксандр Мацкевіч прачытаў Паведамленне Апостальскай нунцыятуры ў Беларусі, у якім гаворыцца, што Святы Айцец Францішак прыняў адмову біскупа Аляксандра Кашкевіча ад пасады дыяцэзіяльнага біскупа ў сувязі з дасягненнем 75-гадовага ўзросту, згодна з нормамі кананічнага права (гл. кан. 401–402), і што яго наступнікам стаў біскуп Уладзімір Гуляй, да гэтага часу каад’ютар Гродзенскай дыяцэзіі.

28 верасня ў Ружанах (Пінская дыяцэзія, Пружанскі дэканат) адбылося ўрачыстае адкрыццё юбілею сотай гадавіны ад заснавання Пінскай дыяцэзіі.

Менавіта 28 кастрычніка 1925 года Папа Пій ХІ заснаваў гэтую дыяцэзію, якая сёння ахоплівае тэрыторыю ўсяго беларускага Палесся і з’яўлецца самай вялікай па плошчы каталіцкай дыяцэзіяй у нашай краіне.

30 верасня Апостальская нунцыятура ў Рэспубліцы Беларусь выдала Паведамленне адносна змены дыяцэзіяльнага біскупа Гродзенскай дыяцэзіі.

«Апостальская нунцыятура ў Рэспубліцы Беларусь паведамляе, што Святы Айцец Папа Францішак прыняў адмову ад пасады дыяцэзіяльнага біскупа Гродзенскай дыяцэзіі Яго Эксцэленцыі Аляксандра Кашкевіча ў сувязі з дасягненнем 75-гадовага ўзросту.

28 верасня ў Ружанах (Пружанскі дэканат, Пінская дыяцэзія) распачнецца ўрачыстае свякаванне стогоддзя з часу заснавання Пінскай дыяцэзіі, якое будзе працягвацца да восені 2025 года ў розных мясцінах самай вялікай каталіцкай дыяцэзіі ў Беларусі.

Ружанскі фэст будзе адметны не толькі пасвячэннем адрэстаўраванай старадаўняй капліцы святога Казіміра, магчымасцю пачуць адноўлены пасля стогадовага перапынку ўнікальны барочны арган, паўдзельнічаць у рэканструкцыі сярэднявечных святкаванняў, а таксама пагрузіцца ў непаўторную духоўную атмасферу набажэнстваў і сустрэчы з рэліквіямі святога Казіміра ў велічным ружанскім касцёле Найсвяцейшай Тройцы.

Тэме сумеснага святкавання Пасхі была прысвечана сустрэча Святога Айца з дэлегацыяй экуменічнай групы Pasqua Together 2025, якая адбылася 19 верасня 2024 года ў Ватыкане.

Францішак уручыў сваім гасцям тэкст прамовы, у якім назваў “важным знакам” тое, што ў 2025 годзе – Юбілейным у Каталіцкім Касцёле – па прычыне супадзення календароў хрысціяне ўсіх канфесій будуць святкаваць Пасху ў адзін дзень. Да гэтага дадаецца 1700-годдзе першага Экуменічнага Сабора ў Нікеі, на якім акрамя Сімвала веры, абмяркоўвалася і тэма даты святкавання Пасхі, бо ўжо ў той час існавалі розныя традыцыі, - падкрэсліў Пантыфік.

У нядзелю 22 верасня ў Лёзне (Віцебская дыяцэзія, Віцебскі дэканат) адбылася парафіяльная ўрачыстасць у гонар святога айца Піо з П’етрэльчыны.

Урачыстасць напярэдадні літургічнага ўспаміну святога італьянскага капуцына распачалася з Акафісту. Набажэнства правёў айцец Аляксей Варанко, пробашч грэка-каталіцкай парафіі Уваскрасення Хрыстовага з удзелам парафіянаў сваёй супольнасці і пілігрымамі, якія прыбылі, каб ушанаваць святога.

Віншуем біскупа Аляксандра Кашкевіча з юбілеем 75-годдзя.

Біскуп Аляксандр Кашкевіч нарадзіўся 23 верасня 1949 г. у в. Падгайдзі (у парафіі Эйшышкай Віленскай Архідыяцэзіі). Скончыў Вышэйшую духоўную семінарыю ў Коўне. Атрымаў святарскія свячанні 30 мая 1976 года. У 1976—1981 гадах быў вікарыем у Панявежысе, у 1981 годзе стаў пробашчам парафіі Св. Духа ў Вільні. 

13 красавіка 1991 года Папа Ян Павел II прызначыў Аляксандра Кашкевіча біскупам наваўтворанай Гродзенскай дыяцэзіі. 23 мая 1991 года адбылася ягоная біскупская хіратанія.

На многія леты, Уладыка! - Ad multos annos prosperos!

Святой Імшой у нядзелю 22 верасня ў сталіцы Казахстана Астане завяршылася сустрэча каталіцкіх біскупаў Еўразіі, у якой бралі ўдзел іерархі з васьмі постсавецкіх краін і Манголіі.

У сустрэчы на казахстанскай зямлі, якая мела менавіта братэрскі, а не афіцыйны характар, удзельнічалі біскупы з Азербайджана, Беларусі, Казахстана, Кыргызстана, Манголіі, Расіі, Таджыкістана, Туркменістана і Узбекістана.

19 верасня ў сталіцы Казахстана Астане распачалася братэрская сустрэча каталіцкіх біскупаў Еўразіі.

На ёй сабраліся разам іерархі Касцёла з Азербайджана, Беларусі, Казахстана, Кыргызстана, Манголіі, Расіі, Таджыкістана, Туркменістана і Узбекістана. Касцёл у нашай краіне на форуме прадстаўляюць Старшыня Канферэнцыі Каталіцкіх Біскупаў у Беларусі арцыбіскуп Юзаф Станеўскі, а таксама намеснік Старшыні ККББ біскуп Віцебскі Алег Буткевіч і Генеральны сакратар беларускага каталіцкага епіскапату біскуп Юрый Касабуцкі.

Святы Айцец Папа Францішак прызначыў айца Штэфана Ліпке, езуіта, дапаможным біскупам дыяцэзіі Перамянення Пана ў Новасібірску (Расійская Федэрацыя), надаўшы яму тытулярную катэдруу ў Арэне.

Як адзначаецца ў афіцыйным паведамленні Святога Пасаду, біскуп намінат з’яўляецца Генеральным сакратаром Канферэнцыі Каталіцкіх Біскупаў у Расійскай Федэрацыі і дырэктарам Інстытута Святога Тамаша ў Маскве.

Апостальская адміністратура Сібіры была створана Папам Янам Паўлам ІІ у красавіку 1991 года. У маі 1999 года яна была пераўтворана ў Апостальскую адміністратуру Заходняй Сібіры, а з 11 лютага 2002 года была ўтворана дыяцэзія Перамянення Пана ў Навасібірску. Ад часу стварэння Апостальскай адміністратуры яе ўзначальвае біскуп Ёзаф Верт, езуіт.