20 верасня ў Вене распачало працу ХІІ Пленарнае пасяджэнне міжнароднай смешанай Камісіі для тэалагічнага дыялогу паміж Каталіцкай Царквой і Праваслаўнымі Цэрквамі.
30 афіцыйных прадстаўнікоў (біскупаў і экспераў) Каталіцкай і аўтакефальных Праваслаўных Цэркваў прымаюць удзел у гэтым мерапрыемстве, якое праходзіць у венскім Кардынал-Кёнінг-хаус.

У суботу 18 верасня 2010 г. пачалося святкаванне 10-гадовага юбілею расонскай рыма-каталіцкай парафіі (Віцебская дыяцэзія).
У гэты дзень адбылася кансэкрацыя новапабудаванага касцёла ў гонар св. Язафата (Кунцэвіча), Архібіскупа Полацкага, які будаваўся больш пяці год.

У нядзелю, 19 верасня 2010 г., у касцёле св. Андрэя ў Слоніме прайшлі святкаванні 280 гадоў каранавання папскімі каронамі Жыровіцкай Іконы Маці Божай. У гэтым касцёле ўшаноўваецца Абраз, на які ў 1730 г. былі накладзеныя папскія кароны.

Нядзеля 19 верасня 2010 г.
касцёл св. Андрэя

10.00 — Акафіст у гонар Жыровіцкай Іконы Багародзіцы (хор «Прасфара, Мінск)
11.00 — Боская Літургія (у візантыйскім абрадзе)

12.30 — урачыстая працэсія з Іконай Багародзіцы
13.00 — АГАПА (братэрскі пачастунак для гасцей і пілігрымаў)

Вернікі моляцца да сьвятога Язафата пра ласку плённага сьвяткаваньня 280-х угодкаў каранаваньня Жыровіцкай Іконы Багародзіцы

Грэка-каталіцкая парафія Сьвятапакутніка Язафата ў Лідзе сьвяткуе памяць свайго нябеснага Апякуна 16 верасьня, паводле старой традыцы.
Учора адзначала яна сваё парафіяльнае сьвята.

8-га верасня 1730 г. адбылася каранацыя Жыровіцкай Іконы Багародзіцы папскімі каронамі. Гэта акт выяўляў глыбокую пашану Беларускага Народу да Найсьвяцейшай Багародзіцы. Сёньня, 280 гадоў пазьней, стаіць пытаньне, пра актуальнасьць шанаваньня Багародзіцы.

Некаторыя асьпекты гэтага пытаньня абмяркоўваюцца ў юбілейных багародзічных катэхезах-разважаньнях.

280 гадоў таму, 19 верасня 1730 г., адбылася каранацыя Жыровіцкай Іконы Багародзіцы папскімі каронамі. (Гэта было свята Раства Багародзіцы па юліянскім каляндары, а розніца паміж каляндарамі юліянскім і грыгарыянскім складала ў XVIII ст. 11 дзён)

Папам Рымскім быў тады Клімент XII (12 VII 1730 – 6 II 1740), але рашэнне «ўзлажыць на галаву Богадзіцяці Ісуса і Багародзіцы Дзевы ў г. Жыровіцах у царкве айцоў ордэна св. Васіля, Кіеўскага дыяцэза, залатыя кароны» было прынята яшчэ ў 1726 годзе, у час пантыфікату Папы Бенядыкта ХІII (29 V 1724 – 21 II 1730).

У рамках сьвяткаваньня 280-х угодкаў каранацыі Жыровіцкай Іконы Багародзіцы мінскі грэка-каталіцкі маладзёвы хор “Прасфара” запісаў CD пад назвай “Апякунку нашу песьняю славім” са сьпевам Акафісту перад Жыровіцкай Іконай Маці Божай.
Акафіст служылі сьвятары: а. Пахом Кавалёў, а. Аляксандр Шаўцоў, а. Яўген Усошын.
Над тэкстам Акафісту працавалі: а. Алесь Аўдзяюк, а. Андрэй Крот, а. Сяргей Стасевіч.

Дыск выдадзены з блаславеньня Апостальскага Візітатара для грэка-католікаў Беларусі архім. Сяргея Гаека.