Простая трансляцыя з грэка-каталіцкай парафіі св.Язафата ў г.Ліда. 05.09.21, 11:00.

****

Падпішыцеся на ютуб-канал Andrei Buinich - будзьце з намі ў кантакце, каб ведаць пра ўсе нашы трансляцыі і цікавыя відэаматэрыялы.

Саветам Еўропы ўнёс Шлях святых Кірыла і Мятода ў спіс Еўрапейскіх культурных маршрутаў. Ён стаў адным з 45 афіцыйных еўрапейскіх маршрутаў, найбольш вядомы з якіх – Шлях св. Якуба.

"Апосталы славян з'яўляюцца сімваламі дыялогу і адукацыі, каштоўнасцей, важных для Еўропы", - сказаў Стэфана Дамініёні, кіраўнік Еўрапейскага інстытута культурных маршрутаў.

Эксперт заўважыў, што культ двух святых стаў падмуркам еўрапейскай ідэнтычнасці славянскіх народаў і ўскосна паўплываў на фарміраванне і арганізацыю еўрапейскіх краін ранняга Сярэднявечча. “Яны сталі сімваламі агульначалавечых каштоўнасцей, якія прынесла тады хрысціянства, людзьмі дыялогу паміж рэлігіямі, культурамі і народамі", - дадаў ён.

З 23 па 25 жніўня з афіцыйным візітам ва Украіне знаходзіўся Дзяржаўны сакратар Яго Святасці Папы Францішка кардынал П’етро Паралін, які па запрашэнні дзяржаўных уладаў узяў удзел у святкаванні 30-годдзя аднаўлення Незалежнасці краіны.

Як паведаміў Дэпартамент інфармацыі Украінскай Грэка-Каталіцкай Царквы, у кіеўскім міжнародным аэрапорце «Барыспаль» высокага госця праводзілі кіраўнік УГКЦ Першавярхоўны Арцыбіскуп Святаслаў Шаўчук, выконваючы абавязкі Канферэнцыі Рыма-Каталіцкіх Біскупаў Украіны арцыбіскуп Мечыслаў Макшыцкі, Мітрапаліт Львоўскі, а таксама біскуп Кіева-Жытомірскі Віталь Крывіцкі SDB.

Усеўкраінская рада Цэркваў і рэлігійных арганізацый, пад старшынствам Яго Блажэнства Святаслава - Першаіерарха Украінскай Грэка-каталіцкай Царквы, сустрэлася з Яго Святасцю Усяленскім Патрыярхам Варфаламеем, архіепіскапам Канстанцінопаля - Новага Рыму, які знаходзіцца з афіцыйным візітам ва Украіне з нагоды 30-годдзя незалежнасці Украіны.

Сустрэча адбылася 23 жніўня 2021 г. у Кіеўскай праваслаўнай духоўнай акадэміі - па ініцыятыве Патрыярха Варфаламея.

8 жніўня Апостальскі нунцый у Вялікабрытаніі Клаўдыё Гуджэроцці, які раней прадстаўляў Святы Пасад у Беларусі, наведаў беларускую грэка-каталіцкую царкву ў Лондане, дзе ўзяў удзел у святкаванні 95-х угодкаў з дня нараджэння айца Аляксандра Надсана.

Як нагадвае Беларуская грэка-каталіцкая газета «Царква», айцец Аляксандр Надсан (1926–2015) быў выдатным святаром і грамадска-культурным дзеячам беларускай пасляваеннай эміграцыі ў Вялікабрытаніі, перакладчыкам літургічных тэкстаў Царквы візантыйскай традыцыі на беларускую мову, скарыназнаўцам, даследчыкам гісторыі кніжнай культуры і царкоўнай гісторыі.

У грэка-каталіцкіх парафіях і супольнасцях у малітве ўзгадана мітрафорнага протаіерэя Александра Надсана ды ягонае служэнне для дабра Царквы і беларускага народа.

 
У МІНСКУ падзячну Літургію ў парафіі Святога Духа (у ніжнім храме Чырвонага касцёла) у 11:00 гадз. адслужыў дэкан Цэнтральнага Дэканата протапрэзбітар Андрэй Абламейка.

У ВІЦЕБСКУ Боскую Літургію ў храме парафіі Уваскрасення Хрыстовага ў 10:00 г. узначаліў архім. Сяргей (Гаек) у саслужэнні кліра віцебскіх парафій.     

У ВАРШАВЕ супольнасць беларускіх грэка-католікаў дзякавала Госпаду за служэнне а. Аляксандра на ніве духоўнай, культурнай і грамадскай у малітве Акафісту ў храме Айцоў Базыльянаў. 

У ЛОНДАНЕ, у грэка-каталіцкім храме св. Кірылы Тураўскага, Боскую Літургію ўзначаліў Уладыка Кэнэт (Kenneth), біскуп украінскай грэка-каталіцкай Епархіі св. Сям'і ў Вялікабрытаніі, у прысутнасці Апостальскага Нунцыя ў Злучаным Каралеўстве Архібіскупа Клаўдыё Гуджэроцці. Пасля Літургіі з дакладам выступіла Н. Гардзіенка.

4 жніўня 1960 г. ў Мюнхене, на XXXVII Міжнародным Эўхарыстычным кангрэсе, біскупскую хіратонію атрымаў а. Чэслаў Сіповіч МІС – першы беларускі грэка-каталіцкі біспуп пасля ліквідацыі структураў Уніяцкай Царквы на Беларусі ў 1839 годзе.

Хіратонію ў храме св. Ганны ўзначаліў украінскі архібіскуп Іван Бучка (з Рыму) а разам з ім біскупы Платон Карныляк, (украінскі экзарх з Мюнхэну) i Андрэй Каткоў з Рыму (візітатар для рускіх католікаў візантыйскага абрада за граніцай). Саслужылі пяць беларускіх святароў. З правага боку алтара, на адмысловым месцы – біскуп Баляслаў Слоскан, апостальскі адміністратар Мінскі i Магілеўскі.

Таксама прысутнічалі біскупы Габрыель Букатка (з епархіі Крыжаўцы ў Югаславіі), Іосіф Шмандзюк i Іван Прашка (украінцы з дыяспары), Юзаф Гаўліна (паляк з Вялікабрытаніі).

Св. Альфонс - заснавальнік Кангрэгацыі Найсвяцейшага Адкупіцеля (або рэдэмптарыстаў). 

Ён быў кананізаваны ў 1839 г., у 1871 г. быў вызнаны Настаўнікам Царквы, а ў 1950 г. - святым апекуном спаведнікоў і маралістаў а таксама хворых на артрыт.

Грэка-католікі Беларусі з удзячнаcцю  Найсвяцейшаму Адкупіцелю Ісусу Хрысту ўзгадваюць служэнне рэдэмптарыстаў для дабра Усходніх Каталіцкіх Цэркваў ды малітвам св. Алфонса давераюць служэнне грэка-каталіцкіх рэдэмптарыстаў у Беларусі сёння.

Ігнацый Лаёла (1491-1556) - дваранін-рыцар з Краіны Баскаў, вялікая фігура ў гісторыі Царквы.Заснавальнік Таварыства Ісуса (манаскага ордэна Езуітаў). Духоўны ползвіг св. Ігнацыя на працягу ўжо пяці стагоддзяў служыць апорай для многіх людзей з розных краін і заахвочвае іх змяніць сваё жыццё.

"Дзе любоў, там адбываюцца вялікія рэчы: там, дзе не здараецца нічога вялікага, там няма любові" - св. Ігнат Лаёла

Грэка-католікі Беларусі з удзячнасцю Госпаду Ісусу ўзгадваюць служэнне езуітаў для дабра З'яднанай Царквы ды малітвам св. Ігнацыя давераюць служэнне езуітаў у Беларусі сёння.