11 ліпеня 2010 г., у рамках Боскай Літургіі, якую на завяршэньне XVI грэка-каталіцкай пілігрымкі ўзначаліў у Полацку Апостальскі Візітатар БГКЦ Архімандрыт Сяргей, удзельнікі ўрачыстасьці маліліся ў асаблівы спосаб за Сьвятога Айца Папу Бенядыкта XVI.
У лацінскім абрадзе 11 ліпеня адзначалася памяць сьвятога Бенядыкта, нябеснага Апякуна Папы.

У Боскай Літургіі прагучалі просьбы, каб Госпад даў Першапастыру Каталіцкай Царквы Яго Сьвятасьці Бенядыкту “блаславеньне ды посьпех у кожнай добрай справе”.

Сьвятары ды вернікі маліліся таксама за Прадстаўніка Сьвятога Айца ў Беларусі – Апостальскага Нунцыя Высокадастойнага Архібіскупа Марціна Відавіча.

Завяршэньне XVI грэка-каталіцкай пілігрымкі

У нядзелю, 11 ліпеня, у Полацку ўрачыстай Боскай Літургіяй, якую ля грэка-каталіцкага храму сьв. Параскевы Полацкай узначаліў Апостальскі Візітатар БГКЦ Архімандрыт Сяргей, завяршылася XVI штогадовая грэка-каталіцкая пілігрымка Віцебск – Полацак.
Яна праходзіла пад дэвізам: “...ісці за Хрыстом – пад покрывам Багародзіцы”, а яе кіраўніком быў а. протапрэзьбітар Зміцер Грышан з Віцебска..

XVI штогадовая грэка-каталіцкая пілігрымка Віцебск – Полацк
у гэтым годзе праходзіць пад дэвізам: “...ісці за Хрыстом – пад покрывам Багародзіцы”.

На завяршэнне Пілігрымкі, у нядзелю – 11 ліпеня 2010 г. у Полацку, ля храму сьв. Параскевы Полацкай, (у прыватным сэктары “Кароўнікі”, вул. Навасёлаў, 70; даезд ад вакзала аўтобусам № 8 да канцовага прыпынка “вул. Бабушкіна”)

Святочная Боская Літургія адбудзецца ў 10:30.

Яе ўзначаліць Архімандрыі Сяргей (Гаек), Апостальскі Візітатар для грэка-католікаў Беларусі.

ЗАПРАШАЕМ!

* * *

Тэлефоны для кантактаў:
а. Зміцер (29) 675.29.97 Velcom
а. Аляксандр (29) 289.26.06

Пачалася XVI-я штогадовая пілігрымка Беларускай Грэка-Каталіцкай Царквы.
Гэтая пілігрымка праходзіць ад аднаго месца мучаніцтва – Успенскай горкі ў Віцебску, дзе быў замучаны святы Язафат, да другога – Сафійскага сабору ў Полацку, дзе ў 1705 годзе загінулі манахі-базыльяне. Можна сказаць, што пілігрымка адлюстроўвае ўвесь шлях грэка-каталіцкай Царквы на Беларусі – шлях цярпення, шлях мучаніцтва за Еднасць паміж хрысціянамі.
Гэтая Еднасць у жыцці нашай Царквы не абмяжоўвалася толькі словамі, дэкларацыямі, заявамі. Гэта была рэальная еднасць у веры і Святых Тайнах паміж хрысціянамі дзвюх традыцый – усходняй і заходняй.

У днях 7 – 11 ліпеня 2010 г. адбудзецца XVI штогадовая грэка-каталіцкая пілігрымка Віцебск – Полацк.

“...ісьці за Хрыстом – пад покрывам Багародзіцы” – гэта дэвіз пілігрымкі, які прыгадвае нам 280-я ўгодкі каранаваньня папскімі каронамі Жыровіцкай іконы Багародзіцы.

Традыцыйны шлях сьвятамучаніка Язафата (які ў свой час будаваў манастыр у Жыровічах) - ад месца ягонага мучаніцтва (Віцебск) да ягонай Полацкай кафедры і месца мучаніцкай сьмерці Полацкіх Пакутнікаў манахаў базыліянаў - пілігрымы пройдуць у 4 дні: з серады да суботы.

Дарагі Сябар! Мілая Сяброўка!

Маем гонар запрасіць Цябе на штогадовую Грэка-каталіцкую пілігрымку з Віцебску да Полацка 2010. Так, тую Пілігрымку ў якой Ты быў/ была ў мінулым годзе! Спадзяемя, што Табе спадабалася і Ты далучышся таксама і ў гэтым годзе да пілігрымаў.

Мы выходзім з Віцебску 7 ліпеня раніцай. Заканчэньне Пілігрымкі ў Полацку 11 ліпеня.

Зьвяртайся за дадатковай інфармацыяй, а таксама з пытаньнямі
да а. Зміцера Грышана - тэл.: (29)210.80.95 МТС; (29) 675.29.97 Velcom.

У Менску зьвяртацца па тэл.:
а.Яўген Усошын MTС (33) 631 55 24; Velcom (29) 312 28 26).

І не забудзься ПРА ВЕЛЬМІ ВАЖНУЮ РЭЧ!!!
Не забудзь захапіць з сабою.... свайго СЯБРА / СЯБРОЎКУ.

Ад імя арганізатараў - а. Андрэй Буйніч

У днях 7 – 11 ліпеня 2010 г. адбудзецца XVI штогадовая грэка-каталіцкая пілігрымка Віцебск – Полацк.

У гэтым годзе яна пройдзе пад тытулам: “...ісьці за Хрыстом – пад покрывам Багародзіцы”.

Традыцыйны шлях сьвятамучаніка Язафата, ад месца ягонага мучаніцтва (Віцебск) да ягонай Полацкай катэдры і да месца мучаніцкай сьмерці Полацкіх Пакутнікаў – манахаў базыліянаў, пілігрымы пройдуць у 4 дні: з серады да суботы.

У нядзелю – 11 ліпеня 2010 г. у Полацку, ля храму сьв. Параскевы Полацкай, Сьвяточная Боская Літургія адбудзецца а гадз. 10:30.

Тэлефон для кантактаў: а. Зьміцер (29) 675.29.97 Velcom

У Менску зьвяртацца па тэл.:
а.Яўген Усошын MTС (33) 631 55 24; Velcom (29) 312 28 26).

У сьвяце Маці Божай Будслаўскай, што праходзіць у Нацыянальным Санктуарыі ў Будславе 1 – 2 ліпеня ўдзельнічаюць шматлікія вернікі Грэка-каталіцкай Царквы.

Паводле шматгадовай традыцыі вечарам 1 ліпеня грэка-каталіцкімі сьвятарам быў адслужаны Акафіст да Багародзіцы.

У візантыйскай літургічнай традыцыі існуе шмат багародзічных акафістаў, а паколькі ў гэтым годзе ў Беларускай Грэка-каталіцкай Царкве ўзгадаюцца 280-я ўгодкі каранаваньня Жыровіцкай Іконы Багародзіцы – менскі міжпарафіяльны маладзёвы хор “ПРАСФАРА” адсьпяваў Акафіст ў гонар Жыровіцкай Іконы.
(Акафіст запісаны на CD, які можна атрымаць за ахвараваньне ў стэндзе БГКЦ пры будслаўскім санктуарыі).

Дзень ушанаваньня Іконы Маці Божай Нястомнай Дапамогі ў царкоўным календары прыпадае на 27 чэрвеня. Паколькі гэта нядзеля - парафіяльнае сьвята будзе праходзіць у два дні паводле праграмы:

ПЯТНІЦА, 25 чэрвеня 2010 г.
у капліцы парафіяльнага душпастырскага Цэнтра на зав. Сьнежным 7:
- 18:30 Вячэрня з ліціей і блаславеньнем хлебаў,
- нагода да сьв. Споведзі

СУБОТА, 26 чэрвеня 2010 г.
у капліцы парафіяльнага душпастырскага Цэнтра на зав. Сьнежным 7:
- 11:00 Сьвяточная Боская Літургія
- сьвяточная Агапа для ўдзельнікаў сьвята

НЯДЗЕЛЯ, 27 чэрвеня 2010 г.
у ніжнім храме Чырвонага касьцёлу:
- 11:00 Сьвяточная Боская Літургія

Пробашч, дапаможны душпастыр і Парафіяльная Рада Парафіі Маці Божай Нястомнай Дапамогі запрашаюць вернікаў усіх менскіх парафіяў да супольнага сьвяткаваньня.

27 чэрвеня беларускія грэка-католікі адзначаюць сьвята іконы Маці Божай Нястомнай Дапамогі. Гэтая Ікона - не дэкаратыўны элемент. Гэта абраз, які нясе пэўнае пасланьне; гэта катэхізацыя, якая тлумачыць галоўную таямніцу нашай веры.