На падставе канона 1538 § 1 Кодэкса Канонаў Усходніх Цэркваў Апостальскі Адміністратар для грэка-католікаў у Беларусі - Архімандрыт Сяргей (Гаек) удзяляе дыспенсацыю ад абавязку устрымання ад спажывання мясных страваў вернікам грэка-католікам у Беларусі (старэйшым за 14 гадоў), у пятніцу 8 сакавіка 2024 года.

Вернікі, якія будуць карыстацца гэтай дыспенсацыяй, павінны памаліцца ў інтэнцыях Святога Айца. 

Рэкамендуецца "Акафіст Імю Ісуса" (Францішка Скарыны).

28 лютага 2024 года Францішак прыняў на аўдыенцыі ў Ватыкане дэлегацыю Сінода епіскапаў Армянскай Каталіцкай Царквы. У сувязі з прастудай Папы прамову прачытаў мансеньёр Філіпа Чампанэлі, супрацоўнік Дзяржсакрытарыяту.

Святы Айцец з радасцю прывітаў гасцей у Рыме неўзабаве пасля юбілею святога Грыгорыя з Нарэка. Ён нагадаў аб тым, што епіскапы – пераемнікі апосталаў. У дзень пасвячэння яны “ўзялі на сябе абавязацельства ахоўваць веру, умацоўваць надзею і распаўсюджваць міласэрнасць Хрыста”.

Наша ўяўленне пра Бога прадыктавана не чалавечым розумам, а Аб'яўленнем. Мы таксама па-рознаму разумеем глыбокае значэнне братэрства і міласэрнасці. Вернікі, якія ўступаюць у ложы, знаходзяцца ў стане цяжкага граху і не могуць прычашчацца. Аб гэтым нагадвае біскуп Антоніа Стальяна, які ўзначальвае Папскую багаслоўскую акадэмію.

«Масонская ерась — гэта ерась, якая ў сваёй аснове збягаецца з арыянскай ерассю», — адзначае кіраўнік Папскай багаслоўскай акадэміі, зноў вяртаючыся да гэтай тэмы ў размове з ватыканскімі медыя, каб выразна патлумачыць непрымірымасць паміж Каталіцкай Царквой і масонствам.

Папа прызначыў ксяндза Флавіа Пачэ, які дагэтуль быў падсакратаром Дыкастэрыі па справах Усходніх Цэркваў, сакратаром Дыкастэрыі спрыяння хрысціянскаму адзінству, надаўшы яму тытул арцыбіскупа.

Флавіа Пачэ нарадзіўся ў 1977 годзе ў горадзе Монца на поўначы Італіі. У 2002 годзе атрымаў прэзбітэрскае пасвячэнне. Займаўся моладзевым душпастырствам у Аб’ятэграса, выкладаў рэлігію ў дзяржаўнай школе, быў капеланам мясцовага хоспіса.

15 лютага 2024 года прэфект Дыкастэрыі па спрыянні хрысціянскаму адзінству ўзначаліў экуменічную малітву ў памяць пра копцкіх мучанікаў, абезгалоўленых тэрарыстамі ў Лівіі.

15 лютага 2015 года тэрарысты з групоўкі Ісламская дзяржава выкралі 21 чалавека, якія эмігравалі ў Лівію ў пошуку працы. Сярод якіх былі 20 егіпецкіх коптаў і адзін грамадзянін Ганы. Апошні не быў хрысціянінам, але калі яго прымушалі адрачыся ад Хрыста, адказаў: “Іх Бог – мой Бог”. Вернікаў жорстка забілі на ўзбярэжжы ў Сірце.

У панядзелак, 12 лютага 2024 г., у базыліцы св. Клімента ў Рыме адзначалася свята святых братоў Кірыла і Мятода, Апосталаў Славянаў і Сузаступнікаў Еўропы. 

Паводле традыцыі гэтую ўрачыстасць - Перастаўленне св. Кірыла, магіла якога знаходзіцца ў крыпце базылікі - арганізуюць па чарзе папскія славянскія інстытуты ў Рыме (харвацкі, чэшскі, славацкі і славенскі). Сёлета ўрачыстасць была арганізавана Папскім харвацкім інстытутам св. Ераніма.

15 лютага 2024 года Ватыкане пройдзе экуменічная малітва ў памяць пра копцкіх мучанікаў, забітых тэрарыстамі групоўкі Ісламская дзяржава на ўзбярэжжы Лівіі.

У 2023 годзе Францішак уключыў іх у Рымскі мартыролог. У бліжэйшы чацвер яны будуць упершыню ўспамінацца ў літургіі Каталіцкага Касцёла. Гэта будзе дзявятая гадавіна іх смерці.

Хворыя павінны быць у цэнтры чалавечай увагі, але культура індывідуалізму вядзе да таго, што многія жывуць у адзіноце і пакінутасці, - гаворыцца ў пасланні Францішка на XXXII Сусветны дзень хворага, які будзе адзначацца 11 лютага 2024 года.

Тэма паслання – "Нядобра чалавеку быць аднаму" (пар. Быц 2, 18).

З самага пачатку Бог стварыў чалавека для зносін і надзяліў прыроджанай здольнасцю ўступаць у адносіны з іншымі людзьмі. Такім чынам, наша жыццё закліканае цалкам рэалізаваць сябе ў дынамізме адносін, сяброўства і ўзаемнай любові. Мы створаны, каб быць разам, а не ў адзіноце. Мы ўспрымаем досвед пакінутасці і адзіноты як нешта страшнае, хваравітае і нават бесчалавечнае. Гэта пачуццё яшчэ больш абвастраецца ў час сур'ёзнай хваробы, калі чалавек адчувае сябе ўразлівым, няўпэўненым і неабароненым, - напісаў Пантыфік.

Свята Сустрэчы Госпада Бога і Збаўцы нашага Ісуса Хрыста ўсе цэрквы, акрамя армянскай, святкуюць 2 лютага

У цэнтры святкавання Стрэчання знаходзіцца падзея, апісаная ў Евангеллі паводле Лукі, калі Ісус на саракавы дзень пасля нараджэння быў прынесены ў Ерусалімскі храм, дзе яго сустрэў праведны Сімяон.

За тры тыдні да наступлення Вялікага посту пачынаецца падрыхтоўчы перыяд, які падводзіць вернікаў асаблівымі чытаннямі і спевамі. Пачынаючы з першага падрыхтоўчага Тыдня пра мытніка і фарысэя і да нядзелі пятага тыдня посту на ютрані спяваюцца пакаяныя трапары:

(Тон 8) Слава…: Пакаяньня дзьверы адчыні мне, Жыцьцядаўча: зранку дух мой імкнецца да сьвятыні Тваёй; сьвятыня ж цела майго ўся апаганеная, але Ты, як Добры, ачысьці мяне ў дабрасардэчнай міласьці Тваёй.

Цяпер…: На сьцежкі збаўленьня настаў мяне, Багародзіца, бо я апаганіў душу маю саромнымі грахамі і ў ляноце ўсё жыцьцё маё змарнаваў; але Тваімі малітвамі выбаў мяне ад усялякай нячыстасьці.

(Тон 6) Зьмілуйся нада мною, Божа, паводле Тваёй вялікай міласэрнасьці і паводле мноства дабротаў Тваіх загладзь беззаконьне маё.

Разважаючы над мноствам зробленых мною лютых грахоў, я, няшчасны, з трапатаньнем чакаю страшнага суднага дня: але, спадзяючыся на міласьць дабрасардэчнасьці Тваёй, як Давід, усклікаю Табе: “Зьмілуйся нада мною, Божа, паводле Тваёй вялікай міласэрнасьці”. 

[Паводле: ЧАСОЎНІК, Антвэрпан 2012, ст. 39].